ຊົມ​ເຊີຍ​ຜົນສຳເລັດ ກອງ​ປະ​ຊຸມ​ໃຫຍ່​ຜູ້​ແທນ​ທົ່ວ​ປະ​ເທດ ຄັ້ງ​ທີ XI ຂອງ​ພັກ​ປະ​ຊາ​ຊົນ​ປະ​ຕິ​ວັດ​ລາວ ຢ່າງ​ສຸດ​ໃຈ. " ຍົກສູງຄວາມສາມາດນໍາພາຂອງພັກ, ເພີ່ມທະວີຄວາມສາມັກຄີເປັນປຶກແຜ່ນຂອງປະຊາຊົນໃນຊາດ, ຮັບປະກັນສະຖຽນລະພາບທາງດ້ານການເມືອງຢ່າງໜັກແໜ້ນ, ຜັນຂະຫຍາຍແນວທາງປ່ຽນແປງໃໝ່ສູ່ລວງເລິກ, ສ້າງການຫັນ ປ່ຽນການພັດທະນາເສດຖະກິດ-ສັງຄົມ ໄປສູ່ຄຸນນະພາບໃໝ່ຢ່າງແຂງແຮງ, ຍົກສູງຄຸນນະພາບຊີວິດຂອງປະຊາຊົນໃຫ້ສູງຂຶ້ນ, ສືບຕໍ່ນໍາພາປະເທດຊາດພົ້ນຈາກສະຖານະພາບດ້ອຍພັດທະນາ ແລະ ກ້າວເດີນສູ່ສັງຄົມນິຍົມ ". ຂ່ຳ​ນັບ​ຮັບ​ຕ້ອນກອງ​ປະ​ຊຸມ​ໃຫຍ່​ສະ​ມາ​ຊິກ​ພັກ ຄັ້ງ​ທີ II ຂ​ອງ​ອົງ​ຄະ​ນະ​ພັກ​ຄະ​ນະ​ພົວ​ພັນ​ຕ່າງ​ປະ​ເທດ​ສູນ​ກາງ​ພັກ

ເຊື່ອມຕໍ່ເວັບໄຊພາຍໃນ ສປປ ລາວ

ໂທລະສານຈາກບັນດາພັກການເມືອງ

ຄະນະຜູ້ແທນພັກ ປປ ລາວ ເຂົ້າຮ່ວມກອງປະຊຸມໜ່ວຍງານຜູ້ຊ່ຽວຊານສາກົນ ລະຫວ່າງ ພັກການເມືອງ ຜ່ານວີດີໂອທາງໄກ

   ໃນວັນທີ 11 ມິຖຸນາ 2021 ຄະນະຜູ້ແທນພັກ ປປ ລາວ ນໍາໂດຍ ສະຫາຍ ສົມພອນ ສີຈະເລີນ, ຮອງຫົວໜ້າ ຄະນະພົວພັນຕ່າງປະເທດສູນກາງພັກ ພ້ອມດ້ວຍຄະນະ ໄດ້ເຂົ້າຮ່ວມກອງປະຊຸມໜ່ວຍງານຜູ້ຊ່ຽວຊານສາກົນ ລະຫວ່າງ ພັກການເມືອງ ຜ່ານວີດີໂອທາງໄກ ໂດຍການເປັນເຈົ້າພາບຂອງພັກຣັດເຊຍເອກະພາບ ພາຍໃຕ້ຫົວຂໍ້: “ບົດບາດຂອງບັນດາກຳລັງການເມືອງທີ່ມີຄວາມຮັບຜິດຊອບຂອງຣັດເຊຍ ແລະ ບັນດາປະເທດອາຊຽນ ໃນການເສີມສ້າງໂຄງສ້າງດ້ານຄວາມໝັ້ນຄົງ ແລະ ການຮ່ວມມືໃນພາກພື້ນອາຊີ-ປາຊີຟິກ”. ກອງປະຊຸມຄັ້ງນີ້ ຈັດຂຶ້ນໃນໂອກາດການສະເຫລີມ ສະຫລອງຄົບຮອບ...

ອ່ານຕໍ່

ພິທີມອບ - ຮັບ ໜ້າທີ່ຫົວໜ້າຄະນະພົວພັນຕ່າງປະເທດສູນກາງພັກ

ພິທີມອບ-ຮັບໜ້າທີ່ ຫົວໜ້າຄະນະພົວພັນຕ່າງປະເທດສູນກາງພັກ ຜູ້ເກົ່າ ແລະ ຜູ້ໃໝ່ ລະຫວ່າງ ສະຫາຍ ປອ ນາງ ສູນທອນ ໄຊຍະຈັກ, ເລຂາທິການສູນກາງພັກ, ເລຂາຄະນະບໍລິຫານງານພັກ, ຫົວໜ້າຄະນະພົວພັນຕ່າງປະເທດສູນກາງພັກ ຜູ້ເກົ່າ ແລະ ສະຫາຍ ທອງສະຫວັນ ພົມວິຫານ, ກຳມະການສູນກາງພັກ, ເລຂາຄະນະບໍລິຫານງານພັກ, ຫົວໜ້າຄະນະພົວພັນ ຕ່າງປະເທດສູນກາງພັກ ຜູ້ໃໝ່ ໄດ້ຈັດຂື້ນໃນວັນທີ 5 ເມສາ 2021 ທີ່ ຄະນະພົວພັນຕ່າງປະເທດສູນກາງພັກ...

ອ່ານຕໍ່

ຄະນະພົວພັນຕ່າງປະເທດສູນກາງພັກ ຈັດປາຖະກະຖາວັນສ້າງຕັ້ງສະຫະພັນກໍາມະບານລາວ ຄົບຮອບ 65 ປີ ແລະ ສະຫລຸບການປະຕິບັດຂໍ້ແຂ່ງຂັນ 05 ເປັນເຈົ້າ

 ໃນວັນທີ 27 ມັງກອນ 2021 ຄະນະພົວພັນຕ່າງປະເທດສູນກາງພັກ ໄດ້ຈັດປາຖະກະຖາເຊື່ອມຊຶມເອກະສານ ວັນສ້າງຕັ້ງສະຫະພັນກໍາມະບານລາວ ຄົບຮອບ 65 ປີ (1/2/1956-1/2/2021) ໂດຍການໃຫ້ກຽດປາຖະກະຖາຂອງ ສະຫາຍ ອິນແປງ ໝື່ນວິເສດ, ຫົວໜ້າກົມພົວພັນສາກົນຂອງສູນກາງສະຫະພັນກໍາມະບານລາວ ໂດຍມີຄະນະພັກ, ພະ ນັກງານ, ສະມາຊິກກໍາມະບານ ເຂົ້າຮ່ວມຮັບຟັງຢ່າງພ້ອມພຽງ.

ອ່ານຕໍ່

ຄະນະພົວພັນຕ່າງປະເທດສູນກາງພັກ ປປ ລາວ ຈັດກອງປະຊຸມທາງໄກກັບ ຄະນະພົວພັນຕ່າງປະເທດສູນກາງພັກກອມມູນິດກູບາ

   ໃນຕອນເຊົ້າຂອງວັນທີ 24 ທັນວາ 2020 ທີ່ສຳນັກງານຄະນະພົວພັນຕ່າງປະເທດສູນກາງພັກ, ສະຫາຍ ປອ. ນາງ ສູນທອນ ໄຊຍະຈັກ, ກຳມະການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກ ໄດ້ເຂົ້າຮ່ວມກອງປະຊຸມທາງໄກ ກັບ ຄະນະພົວພັນຕ່າງປະເທດສູນກາງພັກກອມມູນິດກູບາ, ຊຶ່ງນໍາໂດຍ ສະຫາຍ Angle Aezuaga Reyes, ວ່າການຫົວໜ້າ ຄະນະພົວພັນຕ່າງປະເທດສູນກາງພັກກອມມູນິດກູບາ.

ອ່ານຕໍ່

ຄະນະພົວພັນຕ່າງປະເທດສູນກາງພັກ ຈັດປາຖະກະຖາລະນຶກວັນຊາດ ທີ 2 ທັນວາ ຄົບຮອບ 45 ປີ ແລະ ວັນເກີດ ຂອງ ປະທານ ໄກສອນ ພົມວິຫານ ຄົບຮອບ 100 ປີ

  ໃນຕອນບ່າຍຂອງວັນທີ 18 ທັນວາ 2020, ຄະນະພົວພັນຕ່າງປະເທດສູນກາງພັກໄດ້ຈັດປາຖະກະຖາເພື່ອລະນຶກເຖິງວັນສະຖາປະນາສປປລາວ ຄົບຮອບ 45 ປີ(02/12/1975-02/12/2020) ແລະ ວັນເກີດ ຂອງປະທານ ໄກສອນ ພົມວິຫານ ຄົບຮອບ 100 ປີ( 13/12/1920-13/12/2020),    ໃຫ້ກຽດປາຖະກະຖາ ໂດຍ ສະຫາຍ ສົມສະຫວາດ ເລັ່ງສະຫວັດ, ທີ່ປຶກສາຄະນະບໍລິຫານງານສູນກາງພັກສະໄໝທີ X, ຜູ້ຊີ້ນໍາວຽກງານຄົ້ນຄວ້າແນວຄິດ ໄກສອນ ພົມວິຫານ, ໂດຍມີການເຂົ້າຮ່ວມຂອງ ສະຫາຍ...

ອ່ານຕໍ່

ຈັດກອງປະຊຸມສະຫຼຸບການເຄື່ອນໄຫວວຽກງານ 5 ປີ (2016-2020) ແລະ ປະຈຳປີ 2020

   ໂດຍປະຕິບັດຕາມແຜນການປະຈຳປີ 2020, ຕອນເຊົ້າ ຂອງວັນທີ 18/12/2020 ຄະນະພົວພັນຕ່າງປະເທດສູນກາງພັກ ໄດ້ຈັດກອງປະຊຸມສະຫຼຸບວຽກງານ ໄລຍະ 5 ປີ (2016-2020) ແລະ ປະຈໍາປີ 2020, ໂດຍການເປັນປະທານຂອງ ສະຫາຍ ປອ. ນາງ ສູນທອນ ໄຊຍະຈັກ, ກຳມະການສູນກາງພັກ, ເລຂາຄະນະບໍລິຫານງານພັກ, ຫົວໜ້າຄະນະພົວພັນຕ່າງປະເທດສູນກາງພັກ ແລະ ມີບັນດາສະຫາຍໃນຄະນະພັກ-ຄະນະນໍາ, ພະນັກງານອາວຸໂສບຳນານ ຕະຫຼອດເຖິງພະນັກງານສະມາຊິກພັກທົ່ວຄະນະພົວພັນຕ່າງປະເທດສູນກາງພັກ ເຂົ້າຮ່ວມຈຳນວນ 150...

ອ່ານຕໍ່
ຂ່າວອື່ນໆ

ເລ​ຂາ​ຄະ​ນະ​ບໍ​ລິ​ຫານ​ງານ​ຊາວ​ໜຸ່ມ​ຄະ​ນະ​ພົວ​ພັນ​ຕ່າງ​ປະ​ເທດ​ສູນ​ກາງ​ພັກ ເຂົ້າ​ຮ່ວມກອງ​ປະ​ຊຸມ​ທາງ​ໄກ

        ໃນຕອນບ່າຍຂອງວັນທີ 28 ພຶດສະພາ 2021, ສະຫາຍ ຄຳເຟື້ອງ ພັນທະໄຊ, ເລຂາຄະນະບໍລິຫານງານຊາວໜຸ່ມ ຄະນະພົວພັນຕ່າງປະເທດສູນກາງພັກ ພ້ອມຄະນະ ເຂົ້າຮ່ວມກອງປະຊຸມທາງໄກ ເພື່ອເພີ່ມທະວີການຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກ, ມະຕິກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ VII ແລະ ແຜນຮັບມືກັບພະຍາດໂກວິດ-19 ຂອງຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ໂດຍການເປັນປະທານຂອງ ສະຫາຍ ອາລຸນໄຊ ສູນນະລາດ, ກຳມະການສູນກາງພັກ, ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ...

ອ່ານຕໍ່

ຄະ​ນະ​ບໍ​ລິ​ຫານ​ງານ​ຊາວ​ໜຸ່ມ​ປະ​ຊາ​ຊົນ​ປະ​ຕິ​ວັດ​ລາວ ຄະ​ນະ​ພົວ​ພັນ​ຕ່າງ​ປະ​ເທດ​ສູນ​ກາງ​ພັກ ຄັ້ງ​ທີ I

​ຄະ​ນະ​ບໍ​ລິ​ຫານ​ງານ​ຊາວ​ໜຸ່ມ​ປະ​ຊາ​ຊົນ​ປະ​ຕິ​ວັດ​ລາວ ຄະ​ນະ​ພົວ​ພັນ​ຕ່າງ​ປະ​ເທດ​ສູນ​ກາງ​ພັກ ຄັ້ງ​ທີ I    ກ. ຄະ​ນະ​ບໍ​ລິ​ຫານ​ງານ

ອ່ານຕໍ່
ຂ່າວອື່ນໆ

ສະຫາຍປະທານພັກປະຊາຊົນກໍາປູເຈຍອວຍພອນ ສະຫາຍເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນ ປະຕິວັດລາວ ສະໄໝທີ XI.

      ຄະນະບໍລິຫານງານສູນກາງປະຊາຊົນກໍາປູເຈຍ                                            ນະຄອນຫຼວງພະນົມເປັນ, ວັນທີ 15 ມັງກອນ 2021    ພະນະທ່ານ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກ ປະຊາຊົນ...

ອ່ານເພີ່ມ
ຂ່າວອື່ນໆ

ສະຫາຍ ກິແກ້ວ ໄຂຄຳພິທູນ ຫົວໜ້າກອງເລຂາ ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ໄດ້ຖະແຫລງຂ່າວ ໃນຕອນແລງຂອງ ວັນທີ 15 ມັງກອນ 2012 ໂດຍລະບຸວ່າ: ກອງ​ປະ­ຊຸມ​ໃຫຍ່​ຜູ້​ແທນ​ທົ່ວ​ປະ­ເທດ ຄັ້ງ​ທີ XI ຂອງ​ພັກ​ປະ­ຊາ­ຊົນ ປະຕິ­ວັດ​ລາວ ໄດ້​ດຳ­ເນີນ​ມາ​ແຕ່​ວັນ​ທີ 13 - 15 ມັງກອນ 2021 ທີ່​ນະ­ຄອນຫລວງ​ວຽງ​ຈັນ. ກອງ​ປະ­ຊຸມ​ໃຫຍ່ ຄັ້ງ​ທີ XI ແມ່ນ​ເຫດ­ການ​ທາງດ້ານ​ການ​ເມືອງ​-​ສັງ­ຄົມ ​ອັນ​ສຳ­ຄັນ​ຍິ່ງຂອງພັກປະ ຊາຊົນປະຕິວັດລາວ ກໍຄື ຂອງປະເທດສາທາລະນະລັດ ປະຊາທິປະໄຕ ປະຊາຊົນລາວ ແລະ ໄດ້​ດຳ­ເນີນ​ຢ່າງ​ຖືກ­ຕ້ອງ​ ຕາມ​ກົດ​ລະ­ບຽບ​ຂອງ​ພັກ ພາຍ​ໃຕ້​ບັນ­ຍາ­ກາດຟົດຟື້ນສ້າງ­ສັນ, ເອົາ​ການ​ເອົາ​ງານ, ມີ​ຄວາມ​ຮັບ­ຜິດ­ຊອບ​ສູງ ແລະ ໄດ້​ສິ້ນ​ສຸດ​ລົງດ້ວຍ​ຜົນ­ສຳ­ເລັດ​ອັນ​ຈົບງາມ ທີ່​ໜ້າ​ຊື່ນ​ຊົມ​ຍິນ​ດີ. ເຂົ້າ​ຮ່ວມໃນ​ກອງ​ປະ­ຊຸມ​ໃຫຍ່​ຄັ້ງ​ນີ້ ມີ​ຜູ້​ແທນ​ທັງ​ໝົດ 768 ສະ­ຫາຍ ເຊິ່ງ​ເປັນ​ຕົວ​ແທນ​ໃຫ້​ແກ່​ສະ­ມາ­ຊິກ​ພັກທັງ​ໝົດ 348.686 ສະ­ຫາຍ ຈາກ​ທົ່ວ​ປະ​ເທດ.

ກອງ​ປະ­ຊຸມ​ໃຫຍ່ ຄັ້ງ​ທີ XI ຂອງພັກ ແມ່ນກອງປະຊຸມແຫ່ງການສ້າງການຫັນປ່ຽນ ທີ່ແຂງແຮງ, ເລິກເຊິ່ງ ແລະ ຮອບດ້ານ ເຊິ່ງໄດ້ດໍາເນີນ ພາຍໃຕ້​ຄຳ​ຂວັນ ຫລື ຫົວຂໍ້ໃຫຍ່: ຍົກສູງຄວາມສາມາດນຳພາຂອງພັກ, ເພີ່ມທະວີຄວາມສາມັກຄີ ເປັນປຶກແຜ່ນຂອງ ປະຊາຊົນໃນຊາດ, ຮັບປະກັນ ສະຖຽນລະພາບດ້ານການເມືອງຢ່າງໜັກແໜ້ນ, ຜັນຂະຫຍາຍແນວທາງປ່ຽນແປງໃໝ່ສູ່ລວງເລິກ, ສ້າງການຫັນປ່ຽນການພັດທະນາເສດຖະກິດ-ສັງ ຄົມໄປສູ່ຄຸນນະພາບໃໝ່ຢ່າງແຂງແຮງ, ຍົກຄຸນນະພາບຊີວິດ ຂອງປະຊາຊົນໃຫ້ສູງຂຶ້ນ, ສືບຕໍ່ນຳປະເທດຊາດພົ້ນ ຈາກສະຖານະດ້ອຍ ພັດທະນາ ແລະ ກ້າວເດີນສູ່ຈຸດໝາຍສັງຄົມນິຍົມ”.

      ​ກອງປະຊຸມໃຫຍ່ຄັ້ງນີ້ ​ແມ່ນ​ກອງ​ປະ­ຊຸມ​ໃຫຍ່ແຫ່ງ​ ຄວາມ​ສາ­ມັກ­ຄີ​ເປັນ ​ເອ­ກະ​ພາບ​ສູງ;ແມ່ນ​ກອງ​ປະຊຸມ​ໃຫຍ່​ແຫ່ງ​ໄຊ­ຊະ­ນະ; ​ແມ່ນ​ກອງ​ປະ­ຊຸມ​ໃຫຍ່​ແຫ່ງ ​ການ​ເສີມ​ຂະຫຍາຍ​ ມາ­ນະ​ຈິດ​ປະ­ຕິ­ວັດ; ນີ້​ແມ່ນກອງ​ປະ­ຊຸມ​ໃຫຍ່​ ແຫ່ງ​ຄວາມ​ເຊື່ອ​ໝັ້ນ ​ຕໍ່​ການ​ສືບ­ຕໍ່ນໍາພາປະ­ເທດ​ຊາດ​ກ້າວ​ຂຶ້ນ​​. ທົ່ວ​ພັກ ແລະ ທົ່ວ​ປວງຊົນ​ລາວ ຕ່າງ​ກໍ​ຊື່ນ​ຊົມ​ຍິນ­ດີ ແລະ ຕອບ​ຮັບ​ດ້ວຍ​ບັນ­ຍາ­ກາດ ​ອັນ​ຟົດ­ຟື້ນ ຕໍ່​ຜົນ­ສຳ­ເລັດ​ຂອງ​ກອງ​ປະຊຸມ​ໃຫຍ່​ຄັ້ງ​ນີ້.

     ກອງ​ປະ­ຊຸມ​ໃຫຍ່ຄັ້ງ​ທີ XI ໄດ້​ປະ­ຕິ­ບັດ​ໜ້າ­ທີ່​ຢ່າງ​ຖືກ­ຕ້ອງ ຕາມ​ກົດ​ລະ­ບຽບ​ຂອງ​ພັກ ແລະ ດໍາເນີນຢ່າງຖືກຕ້ອງ, ຮັດ­ກຸມຕາມລະບຽບວາລະ ທີ່ວາງໄວ້ ເຊິ່ງໄດ້​ພິ​ຈາ​ລະນາ ແລະ ຮັບ­ຮອງ​ເອົາ​ບັນ­ຫາ​ສຳ­ຄັນ​ຂອງ​ພັກ ກໍ​ຄື​ຂອງ​ປະ­ເທດ​ຊາດ ດັ່ງ­ນີ້:

ວາ­ລະ​ທີ​ໜຶ່ງ,ແມ່ນ​ສະ­ຫາຍ ​ເລ­ຂາ­ທິ­ການ​ໃຫຍ່ ບຸນຍັງ ວໍລະຈິດ ໄດ້​ຕາງ­ໜ້າ​ໃຫ້​ຄະນະບໍ­ລິ­ຫານ​ງານ​ສູນ​ກາງ​ພັກ ສະ­ໄໝ​ທີ X ສະ­ເໜີ​ລາຍ​ງານ​ການ­ເມືອງ​ຕໍ່​ກອງ​ປະ­ຊຸມ​ໃຫຍ່ ຄັ້ງ​ທີ XI ແລະ​ໃນ​ວາ­ລະ​ດຽວ​ກັນ​ນັ້ນ ສະຫາຍ ທອງລຸນ ສີສຸລິດກໍາມະການກົມ ການເມືອງສູນກາງພັກ, ນາຍົກລັດຖະ ມົນຕີກໍ​ໄດ້ສະເໜີຮ່າງ​ແຜນ​ພັດ­ທະ­ນາ​ເສດ​ຖະ​ກິດ​-​ສັງ­ຄົມ 5 ປີຄັ້ງ​ທີ IX (2021-2025) ເຊິ່ງ​ເປັນ​ແຜນ​ຜັນ​ຂະ­ຫຍາຍ ແລະ ຈັດ​ຕັ້ງ​ປະ­ຕິ­ບັດເນື້ອ ໃນຈິດໃຈ ຂອງລາຍງານການເມືອງ; ພ້ອມນັ້ນ ກໍໄດ້ພິຈາລະນາກ່ຽວກັບ ​ການ​ປັບປຸງ​ກົດ​ລະ­ບຽບ​ຂອງ​ພັກ ທີ່ສະເໜີໂດຍ ສະຫາຍ ບຸນທອງ ຈິດມະນີ ກໍາມະການກົມການເມືອງສູນກາງພັກ, ເລຂາທິການສູນກາງພັກ, ປະທານກວດກາສູນກາງພັກ.

ຜູ້ແທນກອງປະຊຸມໃຫຍ່ ໄດ້ຄົ້ນຄວ້າ, ພິຈາລະນາ ແລະ ລົງມະຕິ ຮັບ­ຮອງ​ເອົາທັງ​ໝົດ ​ທຸກ​ບັນ­ຫາ ທີ່ຍົກຂຶ້ນ ຢ່າງເປັນເອກະສັນ.

      ວາ­ລະ​ທີ​ສອງ, ແມ່ນ​ການ​ສຳ­ຫລວດ​ການ​ນຳ­ພາ​ລວມ ຂອງ​ຄະ­ນະ​ບໍ­ລິ­ຫານ​ງານ​ສູນ​ກາງ​ພັກ ສະ­ໄໝທີ X, ຈາກນັ້ນ ຜູ້ແທນກອງປະຊຸມໃຫຍ່ ກໍໄດ້ເສີມຂະຫຍາຍມູນເຊື້ອສາມັກຄີ ແລະ ຍົກສູງສິດປະຊາ ທິປະໄຕ ພາຍໃນພັກ ດຳ­ເນີນ​ການ​ເລືອກ​ຕັ້ງ​ເອົາ​ ຄະ­ນະ​ບໍ­ລິຫານ​ງານ​ສູນ​ກາງ​ພັກ ສະ­ໄໝທີ XI (ທັງກໍາມະການສົມບູນ ແລະກໍາມະການສໍາຮອງ) ເພື່ອສືບຕໍ່ເປັນຫລັກແຫລ່ງ, ເປັນຄັນທຸງນໍາໜ້າ ໃນການແບກຫາບພາໜ້າທີ່ ໃນການນໍາພາ ຊີ້ນໍາພາລະກິດປະຕິວັດຂອງພັກ ເຮົາຄື: ປົກປັກຮັກສາ ແລະ ສ້າງສາພັດທະນາ ກ້າວເດີນຢ່າງບໍ່ຢຸດຢັ້ງສູ່ຈຸດໝາຍສັງຄົມນິຍົມ.

      ຂ້າພະເຈົ້າ ຂໍສັງລວມຄືນໝາກຜົນ​ຂອງກອງປະຊຸມໃຫຍ່ ຄັ້ງ​ທີ XI ຂອງພັກ ບາງບັນຫາ ໂດຍ ຫຍໍ້ໆ ​ດັ່ງ­ນີ້:    

1. ກອງປະຊຸມໃຫຍ່ ໄດ້ຕີ​ລາຄາ​ການຈັດ​ຕັ້ງ​ປະຕິບັດ ມະຕິ​ກອງ​ປະຊຸມ​ໃຫຍ່ຄັ້ງ​ທີ X ຂອງ​ພັກ ແລະ ປະ​ເມີນຜົນ​ກວມລວມ ການ​ສ້າງ​ບັນດາ​ປະຖົມ​ປັດ​ໄຈ​ ໃຫ້​ແກ່​ການ​ກ້າວ​ເດີນ​ສູ່​ສັງຄົມນິຍົມ. ກອງປະ ຊຸມໃຫຍ່ ໄດ້​ສະ​ຫລຸບ​ຕີ​ລາ­ຄາ ຢ່າງ​ພາວະ​ວິ­ໄສ ແລະ ກົງ​ໄປ​ກົງ​ມາວ່າ ໃນຊຸມປີຜ່ານມາ ສະພາບການຢູ່ສາກົນ ແລະ ພາຍໃນປະເທດ ເຖິງວ່າໄດ້ມີການຜັນແປຕະຫລອດເວລາ ແລະທະວີຄວາມສັບສົນ, ສະຫລັບສັບຊ້ອນຢ່າງຕໍ່ເນື່ອງ ທັງສົ່ງ ຜົນກະທົບກວ້າງຂວາງ ແລະໂດຍກົງ ຕໍ່ການຈັດຕັ້ງປະຕິບັດ ມະຕິກອງປະຊຸມໃຫຍ່ຄັ້ງທີ X ຂອງພັກ ແຕ່ທົ່ວ​ພັກ, ທົ່ວ​ລັດ, ທົ່ວ​ກຳ­ລັງ​ປະ­ກອບ​ອາ­ວຸດ ແລະ ທົ່ວ​ປວງ​ຊົນ​ເຮົາ ອັນ​ມີ​ສະ­ຫາຍ ບຸນຍັງ ວໍລະຈິດເລຂາທິການໃຫຍ່ ຄະນະບໍລິຫານງານສູນກາງພັກ ເປັນ​ຜູ້­ນຳ​ໜ້າ ໄດ້​ເຊີດ​ຊູ​ມາ­ນະ​ຈິດປະຕິວັດ, ​ບຸກ​ບືນສູ້​ຊົນ​ຜ່ານ​ຜ່າ ຄວາມຫຍຸ້ງຍາກຕ່າງໆ ສາ­ມາດ​ຍາດ​ໄດ້­ຜົນ​ງານ ແລະ ໄຊຊະ­ນະອັນ​ສຳ­ຄັນ​ຫລາຍ​ປະການ ທີ່​ໜ້າ​ພາກ­ພູມ​ໃຈ, ສາມາດຮັບປະກັນ ໃຫ້ປະເທດຊາດ ມີສະຖຽນລະ​ພາບ​ດ້ານ​ການ​ເມືອງຢ່າງ​ໜັກແໜ້ນ, ຄວາມເປັນເອກະລາດ, ອໍານາດອະທິປະໄຕ ​ແລະລະບອບ​​ໃໝ່ ໄດ້ຮັບການປົກປ້ອງ ແລະ ປັບປຸງໃຫ້ເຂັ້ມແຂງຍິ່ງຂຶ້ນ.

ການສ້າງ 9 ປະຖົມປັດໄຈ ໃຫ້ແກ່ການກ້າວຂຶ້ນສັງຄົມນິຍົມ ທີ່ພັກວາງອອກ ເຊິ່ງແມ່ນເນື້ອໃນພື້ນ ຖານຂອງການສ້າງ ແລະບູລະນະລະບອບ ປະຊາທິປະໄຕປະຊາຊົນ ເປັນຕົ້ນການສ້າງບັນດາປັດໄຈດ້ານການເມືອງ, ເສດຖະກິດ, ວັດທະນະທໍາ-ສັງຄົມ, ຊັບພະຍາກອນມະນຸດ, ພື້ນຖານວັດຖຸ -ເຕັກນິກ, ການປ້ອງ ກັນຊາດ-ປ້ອງກັນຄວາມສະຫງົບ ແລະການພົວພັນຕ່າງປະເທດ ໄດ້ເລີ່ມຈາກການເສີມຂະຫຍາຍ ບັນດາໜໍ່ແໜ່ງໃນເບື້ອງຕົ້ນ, ພັດທະນາໃຫ້ ເຂັ້ມແຂງ ຂຶ້ນເປັນກ້າວໆ, ຜ່ານຫລາຍໄລຍະ ແລະ ຫລາຍບາດກ້າວ ກາຍເປັນອົງປະກອບພື້ນຖານ ທີ່ຮັບປະກັນໃຫ້ແກ່ການກໍ່ຕົວ ແລະ ຂະຫຍາຍຕົວຂອງຮູບຖານເສດຖະກິດ-ສັງຄົມ ສັງຄົມນິຍົມພວມໄດ້ຮັບການຈັດຕັ້ງປະຕິບັດຢ່າງແຂງແຮງ ແລະ ມີພື້ນຖານເຮັດໃຫ້ພາລະກິດປະຕິ ວັດ ຢູ່ປະເທດເຮົາສືບຕໍ່ກ້າວ ເດີນຕາມເສັ້ນທາງ ແລະ ຈຸດໝາຍສັງຄົມນິຍົມຢ່າງໜັກແໜ້ນ.

ຢືນບົນຈິດໃຈກ້າຫານເບິ່ງບັນຫາ, ກ້າຫານຮັບເອົາຄວາມເປັນຈິງ ແລະ ກ້າປ່ຽນແປງຕົນເອງນັ້ນ ກອງປະຊຸມໃຫຍ່ໄດ້ຊີ້ໃຫ້ເຫັນບັນຫາຄົງຄ້າງ ຕົ້ນຕໍຈໍານວນໜຶ່ງຂອງພັກ, ຂອງປະເທດຊາດ ໃນນັ້ນ ອັນ ສໍາຄັນຕົ້ນຕໍແມ່ນ:

ຄວາມສາມາດໃນການຄົ້ນຄວ້າປະດິດສ້າງຈາກພຶດຕິກໍາ ເພື່ອເປັນພື້ນຖານແກ່ການຊີ້ນໍາແກ້ບັນຫາຕົວຈິງ ຂອງພັກເຮົາຍັງຈໍາກັດ.

ພື້ນຖານເສດຖະກິດແຫ່ງຊາດ ບໍ່ທັນເຂັ້ມແຂງ ແລະເປັນເຈົ້າຕົນເອງ.

ບັນຫາຫຍໍ້ທໍ້ຕ່າງໆ ພາຍໃນກົງຈັກການຈັດຕັ້ງ ພັກ-ລັດ ແລະ ໃນສັງຄົມຍັງບໍ່ທັນໄດ້ຮັບການແກ້ໄຂ ແລະ ບໍ່ທັນສ້າງການຫັນປ່ຽນໃໝ່ທີ່ຈະ ແຈ້ງ.

ບົນພື້ນຖານການຕີລາຄາສະພາບຜ່ານມາດັ່ງກ່າວ, ພັກເຮົາ ໄດ້ສະຫລຸບສັງລວມ ແລະຖອດໄດ້ບົດຮຽນໃຫຍ່ 4 ປະການ ເພື່ອເປັນບ່ອນອີງສໍາ ຄັນ ໃນການນໍາພາ ແລະ ປັບປຸງຕົນເອງ.

ພ້ອມນັ້ນ ກໍໄດ້ວາງທິດທາງ, ຄາດໝາຍໃຫຍ່ ໃນຊຸມປີຕໍ່ໜ້ານີ້ ດ້ວຍການຍຶດໝັ້ນຢ່າງສະເໝີຕົ້ນສະເໝີປາຍ ແລະ ດ້ວຍຄວາມຈົງຮັກພັກດີຕໍ່ ອຸດົມການ ແລະ ວັດຖຸປະສົງອັນສູງສົ່ງ ຂອງພາລະກິດປະຕິວັດ ໃນການນໍາພາປະເທດຊາດ ກ້າວເດີນສູ່ຈຸດໝາຍ ສັງຄົມນິຍົມ ນັ້ນແມ່ນການສືບຕໍ່ ນໍາພາບູລະນະລະບອບ ປະຊາທິປະໄຕປະຊາຊົນ ໃຫ້ສົມບູນຍິ່ງຂຶ້ນ ໂດຍຖືເອົາການເຄົາລົບ ແລະເສີມຂະຫຍາຍສິດເປັນເຈົ້າ ຂອງປະຊາຊົນ, ອີງໃສ່ກໍາລັງ ແຮງຂອງປະຊາຊົນ ເພື່ອປະຕິບັດ ແລະ ຖືການນໍາເອົາຜົນປະໂຫຍດ ແລະ ຄວາມສົມບູນພູນສຸກມາໃຫ້ປະຊາຊົນ ເປັນເປົ້າໝາຍສູງສຸດ ໃນທຸກການ ເຄື່ອນໄຫວ ຂອງພັກ ແລະ ລັດເຮົາ.

     ທິດທາງຕົ້ນຕໍ ທັງເປັນເປົ້າໝາຍໃຈກາງຂອງການບູລະນະລະບອບປະຊາທິປະໄຕປະຊາຊົນ ໃຫ້ສົມບູນຍິ່ງຂຶ້ນໃນຊຸມປີຕໍ່ໜ້າ ແມ່ນຖືເອົາວຽກງານ ປ້ອງ ກັນຊາດ-ປ້ອງກັນຄວາມສະຫງົບ ເປັນໜ້າທີ່ພື້ນຖານ ແລະ ຕ້ອງປະຕິບັດຢ່າງເປັນປະຈໍາ; ການພັດທະນາເສດຖະກິດ ລວມທັງການແກ້ໄຂ ຄວາມຫຍຸ້ງຍາກ ດ້ານການເງິນ ແລະບັນຫາໜີ້ສິນ ເປັນໜ້າທີ່ໃຈກາງ; ການພັດທະນາຊັບ ພະຍາກອນມະນຸດ ແລະສະໜອງແຮງງານມີສີມື ໃຫ້ແກ່ ບັນດາໂຄງການພັດທະນາໃນຂົງເຂດຕ່າງໆ ເປັນໜ້າທີ່ແຖວໜ້າ; ການປັບປຸງຄຸນນະພາບ ຂອງວຽກງານພັກ-ພະນັກງານ ເປັນອັນຕັດສິນ ຕໍ່ພາ ລະກິດປົກປັກຮັກສາ ແລະ ການປະຕິບັດຍຸດທະສາດ ພັດທະນາປະເທດຊາດ.ທິດທາງຕົ້ນຕໍ ແລະເປົ້າໝາຍໃຈກາງດັ່ງກ່າວ ຕ້ອງໄປພ້ອມກັບການ ບູລະນະລະບົບການເມືອງ ທີ່ພັກເປັນແກນນໍາ ໃຫ້ມີຄວາມເຂັ້ມແຂງ,ຮັບປະກັນໃຫ້ການເມືອງ ມີສະຖຽນລະພາບຢ່າງໜັກແໜ້ນ ,ຄວາມອາດສາມາດ ແລະທ່າແຮງບົ່ມຊ້ອນຂອງຊາດ ໄດ້ຮັບການພັດທະນາ ເປັນບັນດາຂະແໜງຜະລິດ ແລະບໍລິການປາຍແຫລມ ຕິດພັນກັບຫັນເປັນອຸດສາຫະກໍາ ແລະ ທັນສະໄໝ, ຮັບປະກັນການ​​ພັດທະນາຕາມທິດຄຸນນະພາບ, ມີຈຸດສຸມ, ສີຂຽວ ​ແລະ ຍືນ​ຍົງ; ພື້ນຖານ ແລະ ລະດັບການພັດທະນາດ້ານວັດທະນະ ທໍາ-ສັງຄົມ ມີລັກສະນະສົມສ່ວນກົມກຽວ, ສະເໝີພາບ, ຍຸຕິທໍາ ແລະສີ ວິໄລ; ປະຊາຊົນ​ມີຄຸນນະພາບ ຊີວິດທີ່ສູງຂຶ້ນ, ປະ​ເທດ​ຊາດ​ພົ້ນ​ຈາກ​ສະຖານະ ພາບດ້ອຍ​ພັດ​ທະນາ ​ຢ່າງ​ໜັກ​ແໜ້ນ. ທັງໝົດນັ້ນ ແນໃສ່ເຮັດໃຫ້ບັນດາ ປະຖົມປັດໄຈ ໃຫ້ແກ່ການກ້າວຂຶ້ນ ສັງຄົມນິຍົມທີ່ມີໃນປະຈຸບັນ ໄດ້ຮັບການ ປັບປຸງ, ຍົກລະດັບຢ່າງຕໍ່ເນື່ອງ ແລະ ສາມາດກາຍເປັນອົງປະກອບພື້ນຖານໃຫ້ ແກ່ການກໍ່ຕົວ ແລະ ຂະຫຍາຍຕົວຂອງຮູບ ຖານເສດ ຖະກິດ-ສັງຄົມ ສັງຄົມນິຍົມໄລຍະຕົ້ນ.

ເພື່ອບັນລຸເປົ້າໝາຍດັ່ງກ່າວ, ກອງປະຊຸມໄດ້ເປັນເອກະພາບກັນ ຮັບຮອງເອົາ 8 ແຜນນະໂຍບາຍໃຫຍ່ ຕໍ່ແຕ່ລະຂົງເຂດວຽກງານ. ຈາກນັ້ນ ກໍໄດ້ຫັນເປັນອັນລະອຽດ ຢູ່ໃນແຜນພັດທະນາເສດຖະກິດ-ສັງຄົມ ສະບັບທີ 9 ເຊິ່ງໄດ້ເລັ່ງໃສ່ການພັດທະນາໄປສູ່ຄຸນນະພາບ, ມີຈຸດສຸມ, ຍືນຍົງ ແລະ ສີຂຽວ ໂດຍກໍານົດ 6 ເປົ້າໝາຍໃຫຍ່, 25 ແຜນວຽກຈຸດສຸມ ແລະໂຄງການບູລິມະສິດຈໍານວນໜຶ່ງ.

2. ກ່ຽວກັບການປັບປຸງກົດລະບຽບພັກ:

ກົດລະບຽບພັກ ແມ່ນທໍາມະນູນ, ແມ່ນການຈັດຕັ້ງພື້ນຖານຂອງພັກ ເພື່ອຊີ້ນໍາວຽກງານກໍ່ສ້າງພັກ ໃຫ້ມີຄວາມເປັນເອກະພາບ, ທັງສອດຄ່ອງ ກັບ ຈຸດພິເສດ ແລະ ລັກສະນະຂອງການປະຕິວັດຢູ່ປະເທດເຮົາ, ຮັບປະກັນໃຫ້ພັກເຮົາ ມີຄວາມເຂັ້ມງວດ, ຮັດກຸມດ້ານການຄຸ້ມຄອງ, ລະບຽບວິໄນ ແນໃສ່ເຮັດໃຫ້ພັກເຮົາ ມີຄວາມປອດໃສ, ເຂັ້ມແຂງ ແລະ ໜັກແໜ້ນ, ເປັນກອງນໍາໜ້າການເມືອງ ຂອງຊົນຊັ້ນກໍາມະກອນ ແລະ ຂອງລະບອບ ປະຊາທິປະໄຕປະຊາຊົນ.

ໃນເທື່ອນີ້ ຍັງເຫັນວ່າ ເນື້ອໃນກົດລະບຽບພັກສ່ວນໃຫຍ່ແມ່ນຍັງຖືກຕ້ອງ, ສອດຄ່ອງ, ມີແຕ່ປັບປຸງຕື່ມຈໍານວນໜຶ່ງທໍ່ນັ້ນ, ບັນຫາທີ່ສໍາຄັນ ແມ່ນການເນັ້ນຄຸນນະພາບ ການຂະຫຍາຍສະມາຊິກພັກ, ການຝຶກຝົນຫລໍ່ຫລອມ ຂອງຖັນແຖວສະມາຊິກພັກ ເພື່ອຮັບປະກັນຄວາມໜັກແໜ້ນ ເຂັ້ມແຂງດ້ານ ການເມືອງ, ມານະຈິດປະຕິວັດ ແລະທາດແທ້ຂອງນັກກອມມູນິດ, ການກໍານົດຂໍ້ຫ້າມຂອງສະມາຊິກພັກ, ການຄຸ້ມຄອງ-ປ້ອງກັນພັກ ທີ່ເຂັ້ມງວດດ້ານວິໄນ, ກໍານົດໃຫ້ມີຄະນະວິໄນ ຂອງພັກແຕ່ລະຂັ້ນ. ກົດລະບຽບຂອງພັກປະຊາຊົນປະຕິວັດລາວ ສະບັບປັງປຸງ ມີຜົນບັງຄັບໃຊ້ ນັບແຕ່ ມື້ກອງປະຊຸມໃຫຍ່ ຮັບຮອງເອົາເປັນຕົ້ນໄປ; ຮຽກຮ້ອງໃຫ້ການຈັດຕັ້ງ ພັກທຸກຂັ້ັນ ແລະ ສະມາຊິກພັກທຸກສະຫາຍ ປະຕິບັດກົດລະບຽບຂອງພັກ ຢ່າງ ເຂັ້ມງວດ.

ກອງປະຊຸມ ມອບໃຫ້ຄະນະບໍລິຫານງານສູນກາງພັກ ຊີ້ນໍາການຈັດຕັ້ງຜັນຂະຫຍາຍໃຫ້ເປັນອັນລະອຽດ ດ້ວຍການອອກນິຕິກໍາກ່ຽວຂ້ອງ ແລະ ເຂົ້າສູ່ການຈັດຕັ້ງປະຕິບັດໃຫ້ເຂັ້ມງວດ.

3.ກອງປະຊຸມໃຫຍ ໄດ້ເລືອກຕັ້ງຄະນະ ບໍລິຫານງານສູນກາງ ພັກສະໄໝທີ່ XI ເຊິ່ງປະກອບດ້ວຍກຳມະການສົມບູນ 71 ສະຫາຍ ແລະ ກຳມະ ການສໍາຮອງ 10 ສະຫາຍ ເພື່ອເປັນແກ່ນສານນໍາພາທົ່ວພັກ,ທົ່ວລັດ,ທົ່ວກຳລັງປະກອບອາວຸດ ແລະ ທົ່ວປວງຊົນ ຈັດຕັ້ງປະຕິບັດມະຕິກອງປະຊຸມ ໃຫຍ່ຄັ້ງທີ XI ຂອງພັກ ໃຫ້ມີຜົນສໍາເລັດ,ສ້າງບາດກ້າວບຸກທະລຸໃນ ການສ້າງການຫັນ ປ່ຽນທີ່ແຂງແຮງ ໃນການພັດທະນາ ແລະ ພາປະເທດຊາດ ກ້າວຂຶ້ນຢ່າງໜັກແໜ້ນຕໍ່ໄປ.

ກອງປະຊຸມຄົບຄະນະຄັ້ງປະຖົມມະລຶກ ຂອງຄະນະບໍລິຫານງານສູນກາງພັກ ສະໄໝທີ XI ໄດ້ເປັນເອກະພາບ ເລືອກຕັ້ງກຳມະການກົມການ ເມືອງສູນກາງພັກ ເຊິ່ງປະກອບດ້ວຍ 13 ສະຫາຍ;ເລືອກເອົາກໍາມະ ການຄະນະເລຂາທິການ ສູນກາງພັກ 9 ສະຫາຍ; ກອງປະຊຸມ ໄດ້ເປັນເອກະພາບ ຢ່າງສູງ ເລືອກເອົາສະຫາຍ ທອງລຸນ ສີສຸລິດ ເປັນເລຂາທິການ ໃຫຍ່ຄະນະ ບໍລິຫານງານສູນກາງພັກ;ພ້ອມກັນນັ້ນ ກໍໄດ້ເລືອກເອົາ ສະຫາຍ ບຸນທອງ ຈິດມະນີ ເປັນຜູ້ປະຈໍາການ ຄະນະເລຂາທິການສູນກາງພັກ. ໃນກອງປະຊຸມ ຍັງໄດ້ເລືອກປະທານ, ບັນດາຮອງປະທານຄະນະ ກວດກາສູນກາງພັກ ປະກອບດ້ວຍ 6 ສະຫາຍ ໂດຍແມ່ນ ສະຫາຍ ປອ ຄຳພັນ ພົມມະທັດ ເປັນປະທານ.

ໃນນາມກອງເລຂາກອງປະຊຸມໃຫຍ່ຄັ້ງທີ XI ຂອງພັກ, ຂ້າພະເຈົ້າ ຂໍ​ສະ­ແດງ​ຄວາມ​ຂອບ​ໃຈ ແລະຮູ້ບຸນຄຸນ ຕໍ່ແຕ່ລະອະນຸ ກໍາມະການກອງປະ ຊຸມໃຫຍ່, ການ­ຈັດ­ຕັ້ງພັກ, ລັດ, ແນວລາວສ້າງຊາດ ແລະ ອົງການຈັດຕັ້ງມະຫາຊົນ, ບັນດາສະຫາຍຄະນະພັກ-ຄະນະນໍາ, ພະນັກງານວິຊາການ ກໍ​ຄື​ບໍ­ລິ­ສັດ, ນິ­ຕິບຸກຄົນ, ຜູ້​ປະ­ກອບ​ການ ແລະປະຊາຊົນບັນດາເຜົ່າ ທີ່​ໄດ້​ຕັ້ງໜ້າເອົາໃຈໃສ່ເລີ່ມແຕ່ການກະກຽມ, ​ສະໜັບສະ­ໜູນຊ່ວຍເຫລືອ ເຮັດໃຫ້​ກອງ​ປະ­ຊຸມ​ໃຫຍ່​ຄັ້ງ​ນີ້ ໄດ້ຮັບຜົນສໍາເລັດຢ່າງຈົບງາມ.

ຂໍ​ສະ­ແດງ​ຄວາມ​ຂອບ­ໃຈ​ເປັນ​ພິ­ເສດຕໍ່​ສຳ­ນັກ​ຂ່າວ ແລະ ສື່​ມວນ​ຊົນຈາກ​ພາຍ​ໃນ ແລະ ຕ່າງປະເທດ ທີ່​ໄດ້​ຕິດ­ຕາມ​ການ​ດຳ­ເນີນ​ກອງ​ປະ­ຊຸມ​ໃຫຍ່​ຄັ້ງ​ນີ້​ຢ່າງ​ຈົດ­ຈໍ່, ທັງ​ໄດ້​ອອກ​ຂ່າວ​ຢ່າງເປັນ​ປົກ ກະຕິຕໍ່​ເນື່ອງ ແລະ ມີ​ລັກ­ສະ­ນະ​ສ້າງ​ສັນ ເຮັດໃຫ້ກອງປະຊຸມໃຫຍ່ຄັ້ງທີ XI ຂອງພັກ ໄດ້ກາຍເປັນຂອງ ທົ່ວພັກ, ທົ່ວສັງຄົມ ຢ່າງເລິກເຊິ່ງ ແລະກວ້າງຂວາງ. ຂໍຮຽກຮ້ອງມາຍັງສະມາຊິກພັກ, ພະນັກງານ, ທະຫານ, ຕໍາຫລວດ ແລະປະຊາຊົນລາວທັງຊາດ ຈົ່ງເສີມຂະຫຍາຍມູນເຊື້ອຄວາມສາມັກຄີເປັນປຶກແຜນແໜ້ນໜາ, ຍົກສູງສະຕິຊາດ, ເອກະພາບ, ເປັນເຈົ້າຕົນເອງ, ຕັ້ງໜ້າຮ່ວມກັບຄະນະພັກ, ອົງການປົກຄອງແຕ່ລະຂັ້ນ ໃນການຜັນຂະຫຍາຍ ແລະ ຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ XI ຂອງພັກ ໃຫ້ປະກົດຜົນເປັນຈິງຕາມຈິດໃຈ ສ້າງການຫັນປ່ຽນ ທີ່ແຂງແຮງ, ເລິກເຊິ່ງ ແລະ ຮອບດ້ານ.

party x

ສະຖິຕິຜູ້ເຂົ້າຊົມ

451365
Today218
Yesterday350
This_Week144
This_Month4507
All_Days451365