ຊົມ​ເຊີຍ​ຜົນສຳເລັດ ກອງ​ປະ​ຊຸມ​ໃຫຍ່​​ອົງ​ຄະ​ນະ​ພັກ ຄະ​ນະ​ພົວ​ພັນ​ຕ່າງ​ປະ​ເທດ​ສ​ູນ​ກາງ​ພັກ ຄັ້ງທີ I ຢ່າງ​ສຸດ​ໃຈ. " ຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ, ເພີ່ມທະວີມະຫາສາມັກຄີທົ່ວປວງຊົນທັງຊາດ, ຢຶດໝັ້ນແນວທາງປ່ຽນແປງໃໝ່ຮອບດ້ານ ແລະ ມີຫຼັກການ, ປົກປັກຮັກສາ ແລະ ພັດທະນາປະເທດຊາດ ຕາມທິດຢືນຍົງ ສູ່ຈຸດມຸ້ງໝາຍສັງຄົມນິຍົມຢ່າງແທ້ຈິງ ".

DSC 60401DSC 6042

   ໃນຕອນເຊົ້າຂອງວັນທີ 17 ທັນວາ 2019, ທີ່ຄະນະພົວພັນຕ່າງປະເທດສູນກາງພັກ (ຄຕພ) ໄດ້ຈັດປາຖະກະຖາເຜີຍ ແຜ່ເຊື່ອມຊຶມເອກສານສໍາຄັນຂອງພັກ, ຂອງຊາດ ຄື: ມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ IX  ສະໄໝທີ X; ວັນສະຖາປະນາ ສປປ ລາວ ຄົບຮອບ 44 ປີ; ວັນຄ້າຍວັນເກີດຂອງປະທານ ໄກສອນ ພົມວິຫານ ຄົບຮອບ 99 ປີ ແລະ ເອກະສານມະຕິຂອງ ກົມການເມືອງວ່າດ້ວຍການຄົ້ນຄວ້າ ແນວຄິດປະທານ ໄກສອນ ພົມວິຫານ, ໂດຍການໃຫ້ກຽດປາຖະກະ ຖາ ຂອງສະຫາຍ ປອ.ນາງ ສູນທອນ ໄຊຍະຈັກ, ກຳມະການສູນກາງພັກ, ເລຂາຄະນະພັກ, ຫົວໜ້າຄະນະພົວພັນຕ່າງປະ ເທດສູນກາງພັກ, ມີການເຂົ້າຮ່ວມຂອງບັນດາ ສະຫາຍຄະນະພັກ, ຄະນະກົມ ແລະ ພະນັກງານຂອງຄະນະພົວພັນຕ່າງປະເທດ ສູນກາງພັກ ຢ່າງພ້ອມພຽງ.
   ໃນການປາຖະກະຖາໃນຄັ້ງນີ້, ສະຫາຍຫົວໜ້າ ຄຕພ ໄດ້ເນັ້ນໜັກເຖິງເນື້ອໃນຂອງກອງປະຊຸມຄົບຄະນະບໍລິຫານງານສູນ ກາງພັກ ປປ ລາວ ຄັ້ງທີ IX ສະໄໝທີ X ມີດັ່ງນີ້:  ຜົນການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ, ແຜນງົບ ປະມານເງິນຕາ ປະຈຳປີ 2019 ແລະ ທິດທາງແຜນການໃນປີ 2020;  ວຽກງານປ້ອງກັນຊາດ-ປ້ອງກັນຄວາມສະຫງົບ ແລະ ການຕ່າງປະເທດ;  ວຽກງານແນວໂຮມ ແລະ ວຽກງານອົງການຈັດຕັ້ງມະຫາຊົນ; ການກະກຽມ ແລະ ການດຳເນີນກອງປະຊຸມ ໃຫຍ່ 3 ຂັ້ນ ຂອງພັກ;  ຍົກສູງຄວາມຮັບຜິດຊອບໃນການຄົ້ນຄວ້າປະກອບຄຳເຫັນຂອງຄະນະບໍລິຫານງານສູນກາງພັກ ໃສ່ບົດ ຮ່າງລາຍງານການເມືອງຕໍ່ກອງປະຊຸມໃຫຍ່ຄັ້ງທີ XI ຂອງພັກ ແລະ ບາງໜ້າທີ່ຈຸດສຸມ ຂອງການຊີ້ນໍາໆພາ ຂອງຄະນະບໍລິຫານ ງານສູນກາງພັກ ໃນຕໍ່ໜ້າ.
   ສະຫາຍຫົວໜ້າຄະນະພົວພັນຕ່າງປະເທດສູນກາງພັກ ໄດ້ຊີ້ໃຫ້ເຫັນປະຫວັດ, ຄຸນງາມຄວາມດີ,  ຊີວິດການເຄື່ອນໄຫວປະຕິ ວັດ ຂອງປະທານ ໄກສອນ ພົມວິຫານ, ຜູ້ນຳທີ່ດີເດັ່ນຂອງປະຊາຊົນລາວ, ເປັນຜູ້ທີ່ກໍ່ຕັ້ງພັກ ປປ ລາວ ແລະ ສປປ ລາວ; ໄດ້ຍົກ ໃຫ້ເຫັນເຖິງຄວາມໝາຍຄວາມສໍາຄັນຂອງ ວັນຊາດວັນທີ 2 ທັນວາ 1975 ເຊິ່ງເປັນວັນໄຊຊະນະອັນຍິ່ງໃຫຍ່ ໃນປະຫວັດສາດ ແຫ່ງການຕໍ່ສູ້, ສະແດງໃຫ້ເຫັນມູນເຊື້ອອັນອົງອາດກ້າຫານຂອງບັນພະບູລຸດ ແລະ ຄວາມສາມັກຄີຂອງປະຊາຊົນລາວ ບັນດາ ເຜົ່າໃນການຕໍ່ສູ້ຕ້ານການຮຸກຮານຂອງພວກຈັກະພັດລ່າເມືອງຂຶ້ນທັງແບບເກົ່າ ແລະ ແບບໃໝ່ ແລະ ຍົກໃຫ້ເຫັນຜົນສໍາເລັດ ຂອງ ສປປ ລາວ ຕະຫຼອດໄລຍະ 44 ປີ ທີ່ຜ່ານມາ.
   ໃນການຖາຖະກະຖາຄັ້ງນີ້ ສະຫາຍຫົວໜ້າຄະນະພົວພັນຕ່າງປະເທດສູນກາງພັກ ຍັງໄດ້ເນັ້ນໜັກເຖິງ ຄວາມຈຳເປັນພາວະ ວິໃສໃນການຄົ້ນຄວ້າແນວຄິດປະທານ ໄກສອນ ພົມວິຫານ, ການປະກອບສ່ວນອັນໃຫຍ່ຫຼວງຂອງ  ປະທານ ໄກສອນ ພົມວິຫານ ຕໍ່ພາລະກິດປະຕິວັດຂອງ ລາວ.
   ການຈັດຕັ້ງປາຖະກະຖາ ເປັນການຊ່ວຍ ໃຫ້ ພະນັກງານ ຄະນະພົວພັນຕ່າງປະເທດສູນກາງພັກ ມີຄວາມເຂົ້າໃຈຕື່ມສະພາບ ຄວາມເປັນຈິງຂອງປະເທດເຮົາ, ທັງເປັນການສ້າງຄວາມເຊື້່ອໜັ້ນໃຫ້ແກ່ພະນັກງານ ໃນການປະຕິບັດໜ້າທີ່ຂອງຕົນ.

20 De 2019

   1.   ສະພາບການຂອງຂະບວນການກອມມູນິດ ແລະ ກຳມະກອນສາກົນໂດຍຫຍໍ້
     ໃນເງື່ອນໄຂສະພາບການສາກົນ ແລະ ພາກພື້ນ ສືບຕໍ່ມີຄວາມສະຫລັບຊັບຊ້ອນ, ຫຼໍ່ແຫຼມ ແລະ ຄາດຄະເນໄດ້ຍາກ, ຂະບວນການກອມມູນິດ ແລະ ກໍາມະກອນສາກົນ ຍັງສືບຕໍ່ເຄື່ອນໄຫວຢ່າງຕັ້ງໜ້າ, ດ້ວຍຫລາຍຮູບການ: ບັນດາພັກ ໃນປະ ເທດສັງຄົມນິຍົມສືບຕໍ່ນຳພາປະຊາຊົນປະຕິບັດບັນດາມະຕິຂອງກອງປະຊຸມໃຫ່ຍຂອງພັກຕົນຢ່າງຫ້າວຫັນ(ກອງປະຊຸມໃຫ່ຍຄັ້ງທີ່ 12 ຂອງພັກກອມມູນິດຫວຽດ ນາມ, ກອງປະຊຸມໃຫ່ຍຄັ້ງທີ່ 19 ຂອງພັກກອມມູນິດຈີີນ, ກອງປະຊຸມໃຫ່ຍຄັ້ງທີ່ 7 ຂອງພັກ ກອມມູນິດກູບາ ແລະ ພັກແຮງງານເກົາຫລີ), ມີການພົວພັນຮ່ວມມືນຳກັນຮອບດ້ານ, ປະສານສົມທົບ ແລະແລກປ່ຽນບົດ ຮຽນໃນດ້ານທິດສະດີ ແລະ ພຶດຕິກຳໃນການສ້າງສັງຄົມນິຍົມ ອັນໄດ້ເຮັດໃຫ້ບົດບາດຂອງພັກອ້າຍນ້ອງນັບມື້ນັບສູງເດັ່ນ ຢູ່ໃນ ປະເທດຕົນເອງ ກໍ່ຄື ໃນເວທີພາກພື້ນ ແລະ ສາກົນ; ບັນດາພັກກອມ ມູນິດ, ກຳມະກອນ ແລະ ພັກກ້າວໜ້າໃນພາກພື້ນ ແລະ ໃນໂລກ ໄດ້ ແລະ ພວມມີການເຄື່ອນໄຫວເຕົ້າ ໂຮມ, ປະສານສົມທົບກັນໃນການເຄື່ອນໄຫວໃນເວທີສາກົນ ໂດຍມີກົນໄກການ ຈັດກອງປະຊຸມປະຈໍາປີຂອງບັນດາພັກກອມມູນິດ, ກໍາມະກອນສາກົນ ເຊິ່ງໄລ່ມາຮອດປີ 2019 ໄດ້ຈັດເປັນຄັ້ງທີ 21 ແລ້ວ, ບັນດາພັກໃນອາເມລິກາລາຕິນ ມີການຈັດເວທີຊາວປາວໂລປະຈໍາປີເຊິ່ງຮອດປະຈຸບັນເປັນຄັ້ງທີ 25 ແລ້ວ, ບັນດາພັກໃນ ອາຊີກໍ່ມີການປະຊຸມສາກົນປະຈໍາປີ; ພັກກອມມູນິດຈີນໄດ້ມີການຈັດກອງປະຊຸມສາກົນກັບບັນດາພັກການເມືອງເປັນປະຈຳ; ນອກນັ້ນ, ບັນດາພັກກອມມູນິດ ແລະ ກຳມະກອນໃນພາກພື້ນຕ່າງໆໄດ້ຈັດສໍາມະນາທິດສະດີໃນໂອກາດສຳຄັນເຊັ່ນ: ຄົບຮອບ 200 ປີ ວັນເກີດຂອງທ່ານ ກາກມາກ ປີ 2018, ຄົບຮອບ 100 ປີ ຂອງກອມມູນິດສາກົນ ພາຍໃຕ້ຫົວຂໍ້: “ຄົບຮອບ 100 ປີ ການສ້າງຕັ້ງກອມມູນິດສາກົນ - ສືບຕໍ່ການຕໍ່ສູ້ເພື່ອສັນຕິພາບ ແລະ ສັງຄົມນິຍົມ” ໃນເດືອນ ຕຸລາ 2019; ຢູ່ບາງປະເທດ ໄດ້ໂຮມຕົວເຂົ້າຂອງບັນດາພັກກອມມູນິດ ແລະ ກໍາມະກອນ ແລະ ຂະບວນການທີ່ກ້າວໜ້າ ຢູ່ບາງປະເທດ ເຊັ່ນ:  ຢູ່ ເນປານ, ພັກກອມມູນິດເອກະພາບ ມາກຊິດ-ເລນິນນິດ ແລະ ພັກກອມມູນິເໝົາອິດສາຍກາງໄດ້ໂຮມເຂົ້າກັນເປັນພັກກອມມູນິດ ແຫ່ງ ເນປານ, ເຊິ່ງໄດ້ຮັບຮອງເອົາແນວຄິດລັດທິມາກ-ເລນິນ ເປັນຫລັກການຊີ້ນໍາໆພາ ແລະ ມີເປົ້າໝາຍກ້າວໄປສູ່ລັດທິສັງຄົມ ນິຍົມ; ຢູ່ຫລາຍປະເທດ ບັນດາພັກກອມມູນິດ ແລະ ກຳມະກອນກໍ່ພວມມີບົດບາດໃນປະເທດ, ມີການເຂົ້າຮ່ວມລັດຖະບານ ແລະ ມີທີ່ນັ່ງໃນສະພາໃນປະເທດຕົນ...
   ເຖິງຢ່າງໃດກໍ່ຕາມ, ຂະບວນການກອມມູນິດແລະກຳມະກອນສາກົນ ຍັງພົບຄວາມຫຸ້ຽງຍາກຫລາຍດ້ານ: ບັນດາພັກກອມ ມູນິດ ແລະ ກໍາລັງຝ່າຍຊ້າຍ ຍັງເຄື່ອນໄຫວກະແຈກກະຈາຍ, ບໍ່ມີຄວາມເປັນເອກະພາບກັນໃນດ້ານແນວທາງ, ມີຄວາມຫຸ້ຽງ ຍາກດ້ານການເງິນ ອີກບໍ່ພໍພັດຍັງຖືກໂຈມຕີ, ກີດກັ້ນ ແລະ ສະກັດກັ້ນການເຄື່ອນໄຫວ ແລະ ການທໍາລາຍຈາກລັດຖະບານ ຂວາຈັດ …
   2.    ການເຄື່ອນໄຫວວຽກງານການຕ່າງປະເທດຂອງ ພັກ ປປລາວ
   ໂດຍປະຕິບັດຕາມແນວທາງນະໂຍບາຍການຕ່າງປະເທດຂອງ ພັກ ປປ ລາວ ສະໄໝທີ X, ພັກເຮົາສືບຕໍ່ການພົວພັນ ກັບ ບັນດາພັກການເມືອງໃນພາກພື້ນຕ່າງໆຂອງໂລກບົນພື້ນຖານ 5 ຫຼັກການຢູ່ຮ່ວມກັນໂດຍສັນຕິ, ບໍ່ຈຳແນກລະບອບການເມືອງ ທີ່ແຕກຕ່າງກັນ ໂດຍໄດ້ສືບຕໍ່ເສີມຂະຫຍາຍການພົວພັນກັບບັນດາພັກອ້າຍນ້ອງປະເທດສັງຄົມນິຍົມ, ບັນດາພັກກອມມູນິດ, ພັກກຳມະກອນ, ພັກການ ເມືອງທີ່ກ້າວໜ້າ, ບັນດາພັກກຳອຳນາດ ດ້ວຍການແລກປ່ຽນຄະນະຜູ້ແທນຂັ້ນຕ່າງໆນຳກັນ, ມີ ການເຊັນຂໍ້ຕົກລົງຮ່ວມມືນຳກັນ, ມີການເຄື່ອນໄຫວຮ່ວມມືສອງຝ່າຍ ແລະ ຫຼາຍຝ່າຍ ເຊັ່ນ: ກອງປະຊຸມສາກົນຂອງບັນດາ ພັກກອມມູນິດ ແລະ ກຳມະກອນ; ກອງປະຊຸມພັກກອມມູນິດຈີນ ກັບ ພັກການເມືອງສາກົນ; ກອງປະຊຸມພັກກອມມູນິດຈີນ ກັບ ບັນດາພັກການເມືອງ 5 ປະເທດລຸ່ມແມ່ນ້ຳຂອງ; ເວທີສໍາມະນາສາກົນສັງຄົມນິຍົມ (ຫວຽດນາມ, ຈີນ, ສປປເກົາຫຼີ ແລະ ກູບາ); ກອງປະຊຸມສາກົນຂອງບັນດາພັກການເມືອງໃນອາຊີ; ເວທີປຶກສາຫາລືຊາວປາວໂລ; ກອງປະຊຸມສຳມະນາສາກົນ ຂອງ ພັກແຮງງານແບນຊິກ; ກອງປະຊຸມສຳມະນາສາກົນຂອ ພັກແຮງງານແມັກຊີໂກ ແລະ​ອື່ນໆ.

   ໃນການພົວພັນກັບພັກອ້າຍນ້ອງ, ພັກເຮົາຖືເປັນການພົວພັນທີ່ມີຄວາມໝາຍສຳຄັນໃນການເຄື່ອນໄຫວຕ່າງປະເທດຂອງ ພັກເຮົາ. ພັກເຮົາກັບບັນດາພັກອ້າຍນ້ອງ ໄດ້ມີກົນໄກແລກປ່ຽນຄະນະຜູ້ ແທນຂັ້ນສູງນຳກັນເປັນປະຈຳ, ມີການຊ່ວຍເຫຼືອກັນ ດ້ານການກໍ່ສ້າງພະນັກງານ, ມີກົນໄກຈັດກອງປະຊຸມ ທິດສະດີກັບພັກກອມມູນິດຫວຽດນາມ ເປັນຄັ້ງ ທີ່ 7 ແລະ ກັບກກອມ ມູນິດຈີນ ເປັນຄັ້ງທີ່ 8, ພິເສດໃນເດືອນເມສາ ປີ 2019 ນີ້, ສະຫາຍເລຂາທິການໃຫ່ຍພັກເຮົາ ແລະ ພັກກອມມູນິດຈີນ ໄດ້ມີການລົງນາມໃນແຜນແມ່ບົດວ່າດ້ວຍການສ້າງຄູ່ຮ່ວມຊາຕາກຳນຳກັນ ເຊິ່ງເປັນພື້ນຖານອັນໜັກແໜ້ນ, ເປັນທິດທາງໃຫ້ ແກ່ການພົວພັນລະຫວ່າງ 2 ພັກ, 2 ປະເທດໃນໄລຍະໃໝ່.
   ປະຈຸບັນພັກເຮົາໄດ້ມີການພົວພັນດ້ານພັກກັບ 139 ພັກການເມືອງ ຈາກ 85 ປະເທດ ໃນທົ່ວໂລກນັບທັງບາງພັກໃນອະດີດ ສະຫະພາບໂຊວຽດ,ກັບສະຖາບັນຄົ້ນຄ້ວາຂອງສອງພັກການເມືອງໃຫຍ່ໃນອາເມລິກາ. ໃນໄລຍະແຕ່ປີ 2017-2019 ຜ່ານມາ ພັກປປ ລາວ ໄດ້ສົ່ງຄະນະຜູ້ແທນໄປເຄື່ອນໄຫວຕ່າງປະເທດທັງໝົດ 83 ຄະນະ (ໃນນັ້ນ ຄະນະຜູ້ແທນຂັ້ນສູງ ຈໍານວນ 57 ຄະນະ) ແລະ ໄດ້ຕ້ອນຮັບຄະນະຜູ້ແທນຕ່າງປະເທດມາເຄື່ອນໄຫວຢູ່ ສປປ ລາວ ຈໍານວນ 46 ຄະນະ(ໃນນັ້ນຂັ້ນສູງ ຈໍານວນ 22 ຄະນະ).
   ຜ່ານການເຄື່ອນໄຫວທີ່ຫ້າວຫັນດັ່ງກ່າວ ເຮັດໃຫ້ການພົວພັນດ້ານພັກກັບບັນດາພັກອ້າຍນ້ອງໄດ້ຮັບການເສີມ ຂະຫຍາຍທັງ ທາງກ້ວາງ ແລະ ທາງເລິກ ໂດຍຖືເອົາການພົວພັນດ້ານພັກເປັນອັນນໍາໜ້າທຸກການພົວພັນດ້ານອື່ນ, ທັງເປັນການຊຸກຍູ້ ການພົວພັນດ້ານລັດໃຫ້ນັບມື້ນັບມີປະສິດທິຜົນ.
     3.ການເຄື່ອນໄຫວວຽກງານ ການທູດປະຊາຊົນ
   ໃນວຽກງານການທູດປະຊາຊົນຂອງສປປລາວ ໄດ້ມີການປັບປຸງດ້ານໂຄງປະກອບການ ຈັດຕັ້ງ ທີ່ຄົບຊຸດຂອງຄະນະສັນຕິພາບ ແລະ ສາມັກຄີຂອງລາວ ແລະໄດ້ເປີດກ້ວາງສາມະຄົມມິດຕະພາບກັບຕ່າງປະເທດໄດ້ອີກຈຳນວນໜຶ່ງ (ກັບເບລາຣຸດສ, ອັງກິດ ແລະ ອາແຊັກໄບຊານ) ເຮັດໃຫ້ຈຳນວນສະມາຄົມມິດຕະພາບຂອງລາວກັບຕ່າງປະເທດມາຮອດປະຈຸບັນມີ 19 ສະມາຄົມ (ສະມາຄົມມິດຕະພາບລາວ-ຫວຽດນາມ, ສະມາຄົມມິດຕະພາບລາວ-ຈີນ, ສະມາຄົມມິດຕະພາບລາວ-ສປປ ເກົາຫລີ, ສະມາ ຄົມມິດຕະພາບລາວ-ກູບາ, ສະມາຄົມມິດຕະພາບລາວ-ມຽນມາ, ສະມາຄົມລາວ-ໄທ ເພື່ອມິດຕະພາບ, ສະມາຄົມມິດຕະ ພາບລາວ-ກຳປູເຈຍ, ສະມາຄົມມິດຕະພາບລາວ-ອິນເດຍ, ສະມາຄົມມິດຕະພາບລາວ-ຍີ່ປຸ່ນ, ສະມາຄົມມິດຕະພາບລາວ -ມົງໂກລີ, ສະມາຄົມມິດຕະພາບລາວ-ຮົງກາລີ, ສະ ມາຄົມມິດຕະພາບລາວ-ເຢຍລະມັນ, ສະມາຄົມມິດຕະພາບລາວ-ລັດເຊຍ, ສະມາຄົມມິດຕະພາບລາວ-ສ.ເກົາຫລີ, ສະມາ ຄົມມິດຕະພາບລາວ-ອິນໂດເນເຊຍ, ສະມາຄົມມິດຕະພາບ ລາວ-ສີລັງກາ, ສະມາຄົມມິດຕະພາບ ລາວ-ອາແຊັກໄບຊານ, ສະມາຄົມ ມິດຕະພາບ ລາວ-ເບລາຣູສ, ສະມາຄົມມິດຕະພາບ ລາວ-ອັງກິດ. ພ້ອມກັນນີ້, ຂັ້ນແຂວງ ໃນ 18 ແຂວງຂອງລາວ ກໍ່ຍັງມີບັນດາສະມາຄົມມິດຕະພາບ ລາວ-ຫວຽດນາມ ແລະ ລາວ-ຈີນອີກ).
   ໃນໄລຍະແຕ່ປີ 2017-2019, ບັນດາອົງການຈັດຕັ້ງມະຫາຊົນຂັ້ນສູນກາງ, ບັນດາສະມາຄົມມິດຕະພາບລາວກັບຕ່າງປະເທດ ແລະ ຄະນະສັນຕິພາບ ແລະ ສາມັກຄີຂອງລາວ ໄດ້ມີການສົ່ງຄະນະຜູ້ແທນຂອງຕົນ ໄປເຄື່ອນໄຫວຕ່າງປະເທດ ລວມທັງໝົດມີ 416 ຄະນະ ແລະ ຮັບຄະນະຜູ້ແທນ ຂອງ ຕ່າງປະເທດມາເຄື່ອນໄຫວຢ້ຽມຢາມ ສປປ ລາວ  ລວມທັງໝົດມີ 158  ຄະນະ; ບັນດາສະມາຄົມມິດຕະພາບລາວກັບຕ່າງປະເທດ, ຄະນະສັນຕິພາບ ແລະ ສາມັກຄີຂອງລາວ ໄດ້ຮັບການຊ່ວຍເຫຼືອຈາກຄູ່ ຮ່ວມມືຕ່າງປະເທດ ຈຳນວນ 2,923,700 ໂດລາສະຫະລັດ; 11,228,000 ບາດ; 3,500 ຢູໂຣ;  630,000,000 ດົງ ແລະ 146,170,000 ກີບ ເພື່ອປະກອບສ່ວນພັດທະນາ ສປປ ລາວ ໂດຍສະເພາະການພັດທະນາພື້ນຖານໂຄງລ່າງດ້ານການສືກສາ, ສາທາລະນະສຸກ ແລະ ການຊ່ວຍເຫຼືອປະຊາຊົນຜູ້ທີ່ທຸກຍາກ ໃນ ສປປ ລາວ.

   ບັນດາສະມາຄົມມິດຕະພາບລາວກັບຕ່າງປະເທດ, ຄະນະສັນຕິພາບ ແລະ ສາມັກຄີຂອງລາວ  ໄດ້ໝູນໃຊ້ການທູດປະຊາຊົນ ໃນການເຮັດໜ້າທີ່“ການທູດປ້ອງກັນເຫດ ແລະ ບຸກທະລຸເພື່ອປົກປັກຮັກສາ ແລະ ສ້າງສາພັດທະນາປະເທດຊາດ”, ຊຶ່ງໄດ້ສະ ແດງອອກຢ່າງຈະແຈ້ງຄື: ໃນເວລາທີ່ບັນຫາຊາຍແດນ ລາວ-ກໍາປູເຈຍ ມີຄວາມເຄັ່ງຮ້ອນ, ສະມາຄົມມິດຕະພາບລາວ -ກຳປູ ເຈຍ ໄດ້ໄປຢ້ຽມຢາມ ແຂວງລັດຕະນະກີລີ ແລະ ຊຽງແຕງ, ນໍາເອົາສິລະປະໄປສະແດງເພື່ອເສີມສ້າງມິດຕະພາບລະຫວ່າງ ປະຊາ ຊົນ 2 ຊາດ, ໃນສະພາບທີ່ສປປ ເກົາຫຼີ ຖືກປິດລ້ອມຢ່າງໜັກໜ່ວງ, ແຕ່ການຮ່ວມມື ລາວ-ສປປ ເກົາຫຼີ ໃນສາຍການທູດ ປະຊາຊົນຍັງສືບຕໍ່ມີການພົວພັນ ເພື່ອຮັກສາສາຍພົວພັນມິດຕະພາບອັນເປັນມູນເຊື້ອ ລະຫວ່າງ 2 ພັກ, ສອງລັດ ແລະ ປະຊາຊົນສອງປະເທດ.
   ພິເສດໃນປີ 2019 ນີ້, ຄະນະສັນຕິພາບແລະສາມັກຄີຂອງລາວໄດ້ເປັນເຈົ້າພາບຈັດກອງປະຊຸມພາກພື້ນອາຊີ-ປະຊີຝິກ ຂອງສະພາສັນຕິພາບໂລກ ແລະ ຂອງກອງເລຂາສະພາສັນຕິພາບໂລກຢ່າງມີຜົນສຳເລັດຢ່າງຈົບງາມ.
    4. ທິດທາງ, ໜ້າທີ່ ໃນຊຸມປີຕໍ່ໜ້າ.
   ກ. ການພົວພັນດ້ານພັກ

   1). ສືບຕໍ່ເສີມຂະຫຍາຍການພົວພັນ ຮ່ວມມືລະຫວ່າງ ພັກເຮົາກັບພັກອ້າຍນ້ອງເພື່ອນມິດຍຸດທະສາດ, ເອົາໃຈໃສ່ຈັດຕັ້ງ ປະຕິບັດເນື້ອໃນຈິດໃຈຂອງຂໍ້ຕົກລົງຂັ້ນສູງ ລະຫວ່າງ ພັກປປ ລາວ ກັບບັນດາພັກໃນປະເທດສັງຄົມນິຍົມອ້າຍນ້ອງ.
    2). ສືບຕໍ່ເປີດກ້ວາງສາຍພົວພັນກັບບັນດາພັກການເມືອງທີ່ກ້າວໜ້າໃນພາກພື້ນຕ່າງໆ ນັບທັງພັກກຳອຳນາດ ແລະ ພັກ ຮ່ວມລັດຖະບານ ໃຫ້ໄດ້ 5-10 ພັກການເມືອງຂຶ້ນໄປ.
    3). ສືບຕໍ່ຄົ້ນຄວ້າກ່ຽວກັບຍຸດທະສາດການພົວພັນລະຫ່ວາງພັກເຮົາກັບບັນດາພັກການເມືອງ, ສືບຕໍ່ຕິດຕາມສະພາບການ ພົ້ນເດັ່ນຂອງຂະບວນການກອມມູນິດ ແລະ ກຳມະກອນສາກົນ.
   4). ເປັນເຈົ້າການໃນການຄົ້ນຄ້ວາແຜນການເຄື່ອນໄຫວຕ່າງປະເທດປະຈຳປີ ຂອງການນຳຂັ້ນສູງຂອງພັກ, ຂອງບັນດາຄະນະ ຂອງສູນກາງພັກ, ປະສານງານ ແລະ ອຳນວຍຄວາມສະດວກໃຫ້ແກ່ບັນດາອົງການຂອງພັກໃນການເຄື່ອນໄຫວພົວພັນ ກັບຕ່າງ ປະເທດ, ນັບທັງການເຂົ້າຮ່ວມກອງປະ ຊຸມໃນກອບສອງຝ່າຍ ແລະ ຫຼາຍຝ່າຍ ແລະ ປະຕິບັດກົນໄກປະຊຸມຖອດຖອນບົດຮຽນ ການເຄື່ອນໄຫວຕ່າງປະເທດປະຈຳ 6 ເດືອນ ແລະ ປະຈຳປີຂອງອົງການພັກ ແລະ ອົງການມະຫາຊົນ.
   ຂ. ດ້ານການທູດປະຊາຊົນ
   1). ຍາດແຍ່ງເອົາການສະໜັບສະໜູນ ແລະ ການຊ່ວຍເຫຼືອດ້ານຕ່າງໆຈາກບັນດາປະເທດທີ່ມີການພົວພັນກັບ ສປປ ລາວ  (ຫວຽດນາມ, ຈີນ, ຍີ່ປຸນ, ສ. ເກົາຫຼີ, ໄທ, ເຢຍລະມັນ, ຮົງກາລີ ...) ເພື່ອປະກອບສ່ວນໃຫ້ແກ່ການພັດທະນາ ຂອງ ສປປ ລາວ.
  2). ສືບຕໍ່ສົ່ງຄະນະຜູ້ແທນໄປເຄື່ອນໄຫວຕ່າງປະເທດ, ໃນນັ້ນ ຄະນະສັນຕິພາບ ແລະ ສາມັກຄີຂອງລາວ ຈະສົ່ງຄະນະຜູ້ແທນ ຈໍານວນ 10 ກ່ວາ ຄະນະ, ບັນດາສະມາຄົມມິດຕະພາບລາວກັບຕ່າງປະເທດຈະສົ່ງຄະນະຜູ້ແທນ ຈໍານວນ 80 ກວ່າ ຄະນະ ແລະຈະຮັບຄະນະຜູ້ແທນຕ່າງປະເທດ ປະມານ 75 ຄະນະ; ຈະຈັດກອງປະຊຸມ, ກິດຈະກໍາ ແລະ ປາຖະກະຖາ ເນື່ອງໃນໂອກາດ ຕ່າງໆ ປະມານ 10 ຄັ້ງ ແລະ ບັນດາສະມາຄົມມິດຕະພາບລາວກັບຕ່າງປະເທດຈະຈັດກອງປະຊຸມ, ກິດຈະກໍາ ແລະ ປາຖະກະຖາ ປະມານ 100 ຄັ້ງ.
  5.ຂໍ້ສະເໜີ
   ເພື່ອເຮັດໃຫ້ການເຄື່ອນໄຫວໃນແນວຮົບຕ່າງປະເທດນັບມື້ນັບມີປະສິດທິຜົນ, ເປັນເອກະພາບ, ຂໍມີບາງຂໍ້ສະເໜີເພື່ອປັບປຸງ ບາງດ້ານຄື:
   1). ສະເໜີໃຫ້ຮີບຮ້ອນປັບປຸງຂໍ້ກຳນົດຂອງກົມການເມືອງວ່າດ້ວຍການຄຸ້ມຄອງການເຄື່ອນໄຫວຕ່າງປະເທດຢ່າງລວມສູນ ເປັນເອກະພາບໃນທົ່ວປະເທດ ທີ່ກະຊວງການຕ່າງປະເທດແລະຄະນະພົວພັນຕ່າງປະເທດໄດ້ຮ່ວມກັນຮ່າງແລະປັບປຸງມາເປັນໄລຍະໜຶ່ງແລ້ວ..
   2). ສະເໜີໃຫ້ມີການໂຄສະນາຕໍ່ຕ່າງປະເທດ ກ່ຽວກັບພັກ, ແນວທາງຂອງພັກ ແລະ ສະພາບຄວາມເປັນຈິງຂອງປະເທດເຮົາ ໂດຍສະເພາະແມ່ນການແປເປັນພາສາຕ່າງປະເທດ ບັນດາເອກະສານສຳຄັນຂອງພັກ, ລັດເຮົາ ເຊັ່ນ: ແນວທາງການປ່ຽນແປງ ໃໝ່, ປະຫວັດຂອງພັກປປລາວ ເຊິ່ງຕາມບົດຮຽນຂອງປະເທດອື່ນແມ່ນຄະນະໂຄສະນາອົບຮົມເປັນຜູ້ຮັບຜິດຊອບ.
   3). ສະເໜີໃຫ້ປະສານສົມທົບກັນກໍ່ສ້າງພະນັກງານໃຫ້ມີຄວາມສາມາດດ້ານພາສາຕ່າງປະເທດໂດຍສາມາດນຳໃຊ້ລະບົບບຳລຸງ ໃນສະຖາບັນຕ່າງປະເທດ ແລະ ຄັດເລືອກເອົາຜູ້ມີພອນສະຫວັນໄປຕໍ່ຢູ່ຕ່າງປະເທດ.
   4). ສະເໜີໃຫ້ກະຊວງຕ່າງປະເທດສືບຕໍ່ປະຕິບັດຕາມຂໍ້ຕົກລົງໃນຄວາມຮັບຜິດຊອບກ່ຽວກັບການສ້າງສາຍພົວພັນມິດຕະ ພາບ (ການແຮກສ່ຽວ) ເຊິ່ງຄະນະພົວພັນຕ່າງປະເທດສູນກາງພັກໄດ້ມອບໂອນໄປແລ້ວ, ບໍ່ຢາກໃຫ້ມີການໂອນວຽກນີ້ໄປມາອີກ.
   5). ເພື່ອເປັນເອກະພາບໃນການຕໍ່ລອງກັບຕ່າງປະເທດໃນບັນຫາທີ່ລະອຽດອ່ອນ, ສະເໜີໃຫ້ມີການປະສານສົມທົບກັນຢ່າງ ໃກ້ຊິດເພື່ອບໍ່ໃຫ້ມີປະກົດການ ດ້ານພັກເວົ້າແນວໜຶ່ງ, ດ້ານລັດເວົ້າແນວໜຶ່ງ. ສະເໜີໃຫ້ມີຜູ້ຊີ້ນຳວຽກງານການຕ່າງປະເທດ ສະເພາະເພື່ອສະດວກໃນການຕໍ່ລອງກັບຕ່າງປະເທດ.
   6). ສະເໜີໃຫ້ກະຊວງການຕ່າງປະເທດຊີ້ນຳໃຫ້ສະຖານທູດ, ສຳນັກງານການທູດຂອງລາວຢູ່ຕ່າງປະເທດໃຫ້ການຮວ່ມມື ໃນການສົ່ງບົດສະຫລຸບສະພາບການພົ້ນເດັ່ນຂອງພາກພື້ນຕົນເອງຮັບຜິດຊອບ, ບໍ່ສະເພາະແຕ່ສະພາບຂອງບັນດາພັກການ ເມືອງ ໃຫ້ຄະນະພົວພັນຕ່າງປະເທດສູນກາງພັກ ເພື່ອເປັນບ່ອນອີງແລະມີຄວາມເປັນເອກະພາບໃນການຄົ້ນຄ້ວາລາຍງານຂັ້ນ ເທິງ ແລະ ສະເໜີໃຫ້ອຳນວຍຄວາມສະດວກແກ່ຄະນະຜູ້ແທນສາຍພັກ ແລະ ອົງການຈັດຕັ້ງມະຫາຊົນຂັ້ນສູນກາງ ທີ່ໄປເຄື່ອນ ໄຫວຫລືໄປຜ່ານ ເພາະສະຖານທູດກໍ່ເປັນຜູ້ຕາງໜ້າທັງຂອງພັກ, ລັດ ແລະ ພວກເຮົາກໍ່ລ້ວນແຕ່ມີພັກດຽວນຳພາ.     
   ຫັວງຢ່າງຍິ່ງວ່າແນວຮົບຕ່າງປະເທດທີ່ມີທັງການຕ່າງປະເທດສາຍພັກ, ລັດ ແລະ ການທູດປະຊາຊົນທີ່ມີການຊີ້ນຳໂດຍກົງ ຈາກພັກປປລາວ ຈະມີການປະສານສົມທົບກັນຢ່າງແໜ້ນແຟ້ນ, ມີຄວາມສາມັກຄີເປັນເອກະພາບກັນ, ພວກເຮົາຈຶ່ງຈະສາ ມາດຢືນຢ່າງໝັ້ນທ່ຽງ ປຽບເໝືອນຄຽງ 3 ຂາ, ຈະບໍ່ຄອນແຄນຕໍ່ພະຍຸລົມແດງໃດໆທັງສິ້ນ.
   ສຸດທ້າຍນີ້, ອວຍພອນໃຫ້ກອງປະຊຸມຄັ້ງນີ້ມີຜົນສຳເລັດຢ່າງຈົບງາມ,ໃນໂອກາດປີໃໝ່ສາກົນທີ່ຈະມາເຖິງ, ຂໍອວຍພອນ ໃຫ້ປະທານກອງປະຊຸມ, ບັນດາທ່ານແຂກ ແລະ ຜູ້ແທນກອງປະຊຸມ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ, ສົມປາດ ຖະໜາທຸກຢ່າງ.

09 Dec 19

   ໃນຕອນບ່າຍຂອງວັນທີ 6 ທັນວາ 2019, ທີ່ ສຳນັກງານຄະນະພົວພັນຕ່າງປະເທດສູນກາງພັກ, ທ່ານ ປອ. ນາງ ສູນທອນ ໄຊຍະຈັກ, ກໍາມະການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບ ຂອງ ທ່ານ ນາງ ຟລໍຣອງສ ຊັອງບລັອງ-ຣີສແລກ, ເອກອັກຄະລັດຖະທູດ ວິສາມັນຜູ້ມີອໍານາດເຕັມ ແຫ່ງ ສາທາລະນະລັດ ຝຣັ່ງ ຄົນໃໝ່ ປະຈຳ ສປປ ລາວ.
   ໃນໂອກາດດັ່ງກ່າວ, ທ່ານ ປອ. ນາງ ສູນທອນ ໄຊຍະຈັກ ໄດ້ກ່າວສະແດງຄວາມຊົມເຊີຍ ແລະ ຍິນດີກັບ ທ່ານ ນາງ ຟລໍຣອງສ ຊັອງບລັອງ-ຣີສແລກ ທີ່ໄດ້ຖືກແຕ່ງຕັ້ງໃຫ້ດໍາລົງຕໍາແໜ່ງເປັນເອກອັກຄະລັດຖະທູດຝຣັ່ງ ຄົນໃໝ່ ປະຈຳ ສປປ ລາວ ແລະ ໄດ້ສະແດງຄວາມເຊື່ອໝັ້ນວ່າ ທ່ານທູດຄົນໃໝ່ຈະສືບຕໍ່ປະກອບສ່ວນຢ່າງຕັ້ງໜ້າເຂົ້າໃນການເສີມຂະຫຍາຍສາຍພົວພັນມິດຕະ ພາບ ລະຫວ່າງສອງປະເທດ ຝຣັ່ງ - ລາວ ໃຫ້ແຕກດອກອອກຜົນຍິ່ງໆຂື້ນ ເພື່ອຜົນປະໂຫຍດຂອງປະຊາຊົນ 2 ຊາດ ກໍ່ຄື ເພື່ອ ສັນຕິພາບ, ມິດຕະພາບ ແລະ ການຮ່ວມມື ໃນພາກພື້ນ ແລະ ໃນໂລກ. ທ່ານຫົວໜ້າຄະນະພົວພັນຕ່າງປະເທດສູນກາງພັກ ຍັງໄດ້ອວຍພອນໃຫ້ທ່ານ ນາງ ຟລໍຣອງສ ຊັອງບລັອງ-ຣີສແລກ ຈົ່ງມີພາລະນາໄມສົມບູນ, ປະສົບຜົນສໍາເລັດໃນການປະຕິ ບັດໜ້າທີ່ການທູດຂອງຕົນໃນໄລຍະ ຢູ່ ສປປ ລາວ.
    ທ່ານນາງ ຟລໍຣອງສ ຊັອງບລັອງ-ຣີສແລກ ໄດ້ສະແດງຄວາມຂອບໃຈຕໍ່ ທ່ານຫົວໜ້າ ຄະນະພົວພັນຕ່າງປະເທດສູນກາງພັກ ທີ່ໄດ້ໃຫ້ກຽດຕ້ອນຮັບ ແລະ ສະແດງຄວາມກຽມພ້ອມໃນການສືບຕໍ່ປະກອບສ່ວນຊຸກຍູ້ ແລະ ເພີ່ມທະວີການພົວພັນຮ່ວມມື ລາວ - ຝຣັ່ງ ໃນດ້ານຕ່າງໆໃຫ້ເກີດດອກອອກຜົນ ແລະ ເປັນຮູບປະທໍາຫຼາຍຍິ່ງຂຶ້ນ ແລະ ທ່ານຍັງໄດ້ຕີລາຄາຜົນສຳເລັດ ໃນການພັດທະນາປະເທດຊາດຂອງ ສປປ ລາວ ຕະຫຼອດໄລຍະ 44 ປີຜ່ານມາ ແລະ ອວຍພອນໃຫ້ປະຊາຊົນລາວ ຈົ່ງສືບ ຕໍ່ຍາດໄດ້ຜົນສຳເລັດໃໝ່ໃຫຍ່ຫຼວງກວ່າເກົ່າ ໃນການສ້າງສາປະເທດຊາດ, ຍົກສູງລະດັບຊີວິດການປັນຢູ່ໃຫ້ແກ່ປະຊາຊົນລາວ.

03 1903 199

   ໃນຕອນບ່າຍຂອງວັນທີ 29 ພະຈິກ 2019, ທີ່ສໍານັກງານ ຄະນະພົວພັນຕ່າງປະເທດສູນກາງພັກ, ທ່ານ ປອ. ນາງ ສູນທອນ ໄຊຍະຈັກ, ກໍາມະການ ສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກ ໄດ້ຕ້ອນຮັບການເຂົ້າຢ້ຽມພົບປະ ຂອງທ່ານ ອານາ ອິມມານອຟ໌, ເອກອັກຄະລັດຖະທູດວິ ສາມັນຜູ້ມີອໍານາດເຕັມ ແຫ່ງ ສາທາລະນະລັດ ອາແຊັກໄບຊານ ປະຈໍາ ສປປ ລາວ.
   ໃນໂອກາດນີ້, ທ່ານ ປອ. ນາງ ສູນທອນ ໄຊຍະຈັກ ໄດ້ກ່າວສະແດງຄວາມຍິນດີຕ້ອນຮັບ ແລະ ຕີລາຄາສູງຕໍ່ສາຍພົວພັນລະຫວ່າງ ສອງພັກ ແລະ ສອງປະເທດ ທີ່ມີບາດກ້າວຂະຫຍາຍຕົວດີ ແລະ ກໍາລັງແຕກດອກອອກຜົນ, ເຊິ່ງນັບຕັ້ງແຕ່ລາວ - ອາແຊັກໄບຊານ ໄດ້ສ້າງຕັ້ງສາຍພົວພັນການທູດ ນໍາກັນ ໃນວັນທີ 22 ພຶດສະພາ 1995 ເປັນຕົ້ນມາ, ສອງປະເທດ ໄດ້ເຄື່ອນໄຫວຢ່າງຫ້າວຫັນ ເພື່ອຊຸກຍູ້ສາຍພົວພັນ ແລະ ການຮ່ວມມືສອງຝ່າຍ ໃຫ້ເປັນຮູບປະທໍາຫຼາຍຍິ່ງຂຶ້ນ. ທ່ານຫົວໜ້າ ຄະນະພົວພັນຕ່າງປະເທດສູນກາງພັກ ຍັງໄດ້ສະແດງຄວາມເຊື່ອໝັ້ນວ່າ ພັກປປ ລາວ ແລະ ພັກອາ ແຊັກໄບຊານໃໝ່ ກໍ່ຄືລັດຖະບານສອງປະເທດລາວ - ອາແຊັກໄບຊານ ຈະສືບຕໍ່ຊຸກຍູ້ສົ່ງເສີມສາຍພົວພັນມິດຕະພາບ ແລະ ເລີ່ມການຮ່ວມມືນໍາກັນ ໃຫ້ຫຼາຍຂຶ້ນກວ່າເກົ່າ ເພື່ອຜົນປະໂຫຍດຂອງປະຊາຊົນ ສອງຊາດ ກໍ່ຄື ເພື່ອສັນຕິພາບ, ມິດຕະພາບ ແລະ ການຮ່ວມມື ໃນພາກພື້ນ ແລະ ໃນໂລກ.

   ທ່ານ ອານາ ອິມມານອຟ໌ ໄດ້ສະແດງຄວາມຂອບໃຈຕໍ່ ທ່ານຫົວໜ້າ ຄະນະພົວພັນຕ່າງປະເທດສູນກາງພັກ ທີ່ໄດ້ໃຫ້ກຽດຕ້ອນຮັບການເຂົ້າຢ້ຽມ ພົບປະໃນຄັ້ງນີ້ ແລະ ເຫັນດີເປັນເອກະພາບ ຈະສືບຕໍ່ຊຸກຍູ້ ແລະ ສົ່ງເສີມສາຍພົວພັນມິດຕະພາບ ແລະ ການຮ່ວມມືລະຫວ່າງສອງພັກ, ລັດ ແລະ ປະຊາຊົນສອງຊາດລາວ - ອາແຊັກໄບຊານ ໃຫ້ເກີດດອກອອກຜົນ ແລະ ເປັນຮູບປະທໍາຫຼາຍຍິ່ງຂຶ້ນ.

29 silagasilaga29

   ຕອນບ່າຍຂອງ ວັນທີ 27 ພະຈິກ 2019,  ສະຫາຍ ນາງ ສູນທອນ ໄຊຍະຈັກ, ກຳມະການສູນກາງພັກ, ຫົວໜ້າຄະນະພົວ ພັນຕ່າງປະເທດສູນກາງພັກໄດ້ຕ້ອນຮັບ ສະຫາຍ Bimal Rathnayake, ກໍາມະການກົມການເມືອງ, ຜູ້ສ້າງຕັ້ງແຫ່ງຊາດ ຂອງ ພັກແນວໂຮມປົດປ່ອຍປະຊາຊົນສີລັງກາ (People’s Liberation Front (JVP)   ໃນໂອກາດມາເຄື່ອນໄຫວເຂົ້າຮ່ວມ ກອງປະ ຊຸມ ຂົງເຂດອາຊີ - ປາຊີຟິກ ແລະ ກອງປະຊຸມກອງເລຂາສະພາສັນຕິພາບໂລກ ທີ່ ສປປ ລາວ ເປັນເຈົ້າພາບແຕ່ວັນທີ 24 - 26 ພະຈິກ 2019 ທີ່ຜ່ານມາ.
   ໃນການພົບປະຄັ້ງນີ້, ສະຫາຍ ນາງ ສູນທອນ ໄຊຍະຈັກ, ໄດ້ຕາງໜ້າໃຫ້ສູນກາງພັກ ປປ ລາວ ສະແດງຄວາມຍິນດີຕ້ອນຮັບ ແລະ ຕີລາຄາສູງຕໍ່ການມາຢ້ຽມຢາມ ສປປ ລາວ ຂອງ ສະຫາຍ Bimal Rathnayake ເຊິ່ງເປັນການປະກອບສ່ວນອັນສຳຄັນ ເຂົ້າໃນການ ເພີ່ມພູນຄູນສ້າງສາຍພົວພັນມິດຕະພາບ ແລະ ການຮ່ວມມື ລະຫວ່າງ ສອງພັກ, ສອງລັດ ແລະ ປະຊາຊົນສອງ ຊາດ ສປປ ລາວ-ສີລັງກາ ໃຫ້ນັບມື້ນັບເລິກເຊິ່ງ ແລະ ກວ້າງຂວາງຂື້ນ, ພ້ອມທັງໄດ້ແຈ້ງສະພາບການໂດຍຫຍໍ້ ຂອງ ພັກ ປປ ລາວ ແລະ ຜົນສຳເລັດການພັດທະນາເສດຖະກິດ - ສັງຄົມ ຂອງ ສປປ ລາວ ໃນປະຈຸບັນ ແລະ ໄດ້ຕີລາຄາມູນເຊື້ອການພົວພັນ ສາຍພົວພັນລະຫວ່າງ ພັກປປ ລາວ ກັບ ພັກແນວໂຮມປົດປ່ອຍປະຊາຊົນສີລັງກາ ໃນໄລຍະຜ່ານມາ ແລະ ສະແດງຄວາມຫວັງ ວ່າການພົວພັນສອງຝ່າຍຈະສືບຕໍ່ເສີມຂະຫຍາຍໃນຕໍ່ໜ້າ.
   ສະຫາຍ  Bimal Rathnayake ໄດ້ສະແດງຄວາມຂອບໃຈຢ່າງສູງຕໍ່ການຕ້ອນຮັບອັນອົບອຸ່ນ, ສະໜິດສະໜົມຂອງ ສະຫາຍ ຫົວໜ້າຄະນະພົວພັນຕ່າງປະເທດສູນກາງພັກ ພ້ອມທັງໄດ້ສະແດງຄວາມຊົມເຊີຍຕໍ່ຜົນສຳເລັດອັນໃຫຍ່ຫລວງຮອບດ້ານ ທີ່ປະ ຊາຊົນລາວ ຍາດມາໄດ້ ຕະຫລອດໄລຍະທີ່ຜ່ານມາ ແລະ ສະແດງຄວາມເຊື່ອໝັ້ນວ່າ ພາຍໃຕ້ການນຳພາອັນສະຫລາດ ສ່ອງໃສ ຂອງພັກ ປປ ລາວ ອັນມີ ສະຫາຍ ບຸນຍັງ ວໍລະຈິດ ເປັນຜູ້ນຳໜ້ານັ້ນ, ປະຊາຊົນລາວ ຈະສາມາດຍາດໄດ້ຜົນສຳເລັດ ອັນໃໝ່ ໃຫຍ່ຫລວງກວ່າເກົ່າ ໃນພາລະກິດແຫ່ງການປົກປັກຮັກສາ ແລະ ສ້າງສາພັດທະນາປະເທດຊາດຂອງຕົນ ແລະ ສະຫາຍ ຍັງໄດ້ ແຈ້ງໃຫ້ຝ່າຍລາວຊາບສະພາບການອັນພົ້ນເດັ່ນຂອງ ປະເທດສີລັງກາ ກໍ່ຄືການເຄື່ອນໄຫວຂອງ ພັກແນວໂຮມປົດປ່ອຍປະຊາ ຊົນສີລັງກາ.

 27WhatsApp Image 2019 11 27 at 10.10.42 AM

   ໃນຕອນເຊົ້າຂອງວັນທີ 27 ພະຈິກ 2019, ທີ່ສຳນັກງານຄະນະພົວພັນຕ່າງປະເທດສູນກາງພັກ ສະຫາຍ ປອ. ນ. ສູນທອນ ໄຊຍະຈັກ, ກຳມະການ ສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກປປ ລາວ ໄດ້ຕ້ອນຮັບ ສະຫາຍ ນ. ມາເຣຍ ໂດ ໂຊໂກໂຣ ໂກເມດສ ໂກເອໂລ, ກຳມະການ ຄະນະບໍລິຫານງານສູນກາງພັກກອມມູນິດບຣາຊິນ, ໃນໂອກາດເຂົ້າຮ່ວມກອງປະຊຸມສະພາສັນຕິພາບໂລກ ແຕ່ວັນທີ 24-26 ພະຈິກ 2019 ທີ່ສປປ ລາວ ເປັນເຈົ້າພາບ.
   ໃນໂອກາດນີ້, ສະຫາຍ ປອ. ນ. ສູນທອນ ໄຊຍະຈັກ ໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ການມາຢ້ຽມຢາມ ແລະ ເຂົ້າຮ່ວມກອງປະຊຸມໃນ ຄັ້ງນີ້ ຂອງ ສະຫາຍ ນ. ມາເຣຍ ໂດ ໂຊໂກໂຣ ໂກເມດສ ໂກເອໂລ, ປະທານສະພາສັນຕິພາບໂລກ ແລະ ໄດ້ຊົມເຊີຍຜົນສຳເລັດອັນຈົບງາມ ໃນການ ດຳເນີນກອງປະຊຸມສະພາສັນຕິພາບໂລກພາກພື້ນອາຊີ-ປາຊີຟິກ ແລະ ກອງປະຊຸມຂອງກອງເລຂາສະພາສັນຕິພາບໂລກ.
   ສະຫາຍຫົວໜ້າຄະນະພົວພັນຕ່າງປະເທດສູນກາງພັກ ໄດ້ສະເເດງຄວາມປິຕິຍິນດີທີ່ມີໂອກາດພົບປະກັບສະຫາຍ ນ. ມາເຣຍ ໂດ ໂຊໂກໂຣ ໂກເມດສ ໂກເອໂລ, ກຳມະການຄະນະບໍລິຫານງານສູນກາງພັກກອມມູນິດບຣາຊິນ, ເຊິ່ງເປັນການປະກອບສ່ວນທີ່ສໍາຄັນເຂົ້າໃນການຊຸກຍູ້ ແລະ ເສີມ ຂະຫຍາຍສາຍພົວພັນລະຫວ່າງ ສອງພັກ, ສອງລັດ ກໍ່ຄືປະຊາຊົນສອງຊາດລາວ-ບຣາຊິນໃຫ້ນັບມື້ນັບແໜ້ນແຟ້ນ; ໄດ້ແຈ້ງສະພາບການພົ້ນເດັ່ນ ຂອງ ສປປ ລາວ ໃນໄລຍະມໍ່ໆມານີ້ໃຫ້ຜູ້ແທນຮັບຊາບ, ໂດຍສະເພາະແມ່ນການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ X ຂອງພັກ ແລະ ການຈັດ ຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ VIII ແລະ ໄດ້ແລກປ່ຽນທັດສະນະຕໍ່ສະພາບການພາກພື້ນ ແລະ ສາກົນ ທີ່ສອງ ຝ່າຍໃຫ້ຄວາມສົນໃຈ ພ້ອມທັງໄດ້ຕີລາຄາສູງມູນເຊື້ອການພົວພັນລະຫວ່າງສອງພັກ ໃນຕະຫຼອດໄລຍະຜ່ານມາ ແລະ ສະແດງຄວາມຫວັງວ່າ ສອງພັກ ຈະສຶບຕໍ່ຮ່ວມມືກັນໃນເວທີພາກພື້ນ ແລະ ສາກົນ ເພື່ອຜົນປະໂຫຍດຂອງ 2 ພັກ, 2 ປະເທດລາວ-ບຣາຊິນ ກໍ່ຄືເພື່ອສັນຕິພາບ, ມິດຕະພາບ ແລະ ການຮ່ວມມືໃນພາກພື້ນ ແລະ ໃນໂລກ.
   ສະຫາຍ ນ. ມາເຣຍ ໂດ ໂຊໂກໂຣ ໂກເມດສ ໂກເອໂລ ໄດ້ສະແດງຄວາມຂອບໃຈຢ່າງຈິງໃຈມາຍັງ ສະ ຫາຍຫົວໜ້າຄະນະພົວພັນ ຕ່າງປະເທດສູນ ກາງພັກປປ ລາວ ທີ່ໄດ້ໃຫ້ການຕ້ອນຮັບອັນອົບອຸ່ນ, ໄດ້ສະແດງຄວາມດີໃຈທີ່ໄດ້ມີໂອກາດຢ້ຽມຢາມ ແລະ ເຂົ້າຮ່ວມກອງປະຊຸມສາກົນຂອງສະພາ ສັນຕິພາບໂລກຢູ່ ສປປ ລາວ ແລະ ໄດ້ມາເຫັນບັນດາຜົນສຳເລັດອັນໃຫຍ່ຫຼວງຂອງປະຊາຊົນລາວ ທີ່ຍາດມາໄດ້ຕະຫຼອດໄລຍະຜ່ານມາ. ສະຫາຍ ນ. ມາເຣຍ ໂດ ໂຊໂກໂຣ ໂກເມດສ ໂກເອໂລ ໄດ້ແຈ້ງໃຫ້ຊາບກ່ຽວກັບຜົນສຳເລັດອັນພົ້ນເດັ່ນຂອງ ພັກກອມມູນິດບຣາຊິນ ໃນໄລຍະທ້າຍຊຸມປີຫຼັງໆມານີ້ ໂດຍສະເພາະ ແມ່ນຜົນສຳເລັດໃນການຈັດຕັ້ງປະຕິບັດກອງປະຊຸມໃຫຍ່ຄັ້ງທີ XIV ຂອງພັກ, ໄດ້ຕີລາຄາສູງມູນເຊື້ອການພົວພັນລະຫວ່າງພັກກອມ ມູນິດບຣາຊິນ ແລະ ພັກປປ ລາວ ໃນໄລຍະຜ່ານມາ ແລະ ໄດ້ອວຍພອນໃຫ້ພັກ, ລັດກໍຄືປະຊາຊົນລາວ ຈົ່ງໄດ້ຮັບຜົນສຳເລັດໃໝ່ໃຫຍ່ຫຼວງກວ່າເກົ່າ ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ແລະ ຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ X ຂອງພັກໃຫ້ປະກົດຜົນເປັນຈິງ ແລະ ກ້າວເຂົ້າສູ່ກອງປະຊຸມໃຫຍ່ຄັ້ງທີ  XI ຂອງພັກຢ່າງມີຜົນສຳເລັດ.

party x

ສະຖິຕິຜູ້ເຂົ້າຊົມ

285551
Today375
Yesterday901
This_Week4611
This_Month7978
All_Days285551