ຊົມ​ເຊີຍ​ຜົນສຳເລັດ ກອງ​ປະ​ຊຸມ​ໃຫຍ່​​ອົງ​ຄະ​ນະ​ພັກ ຄະ​ນະ​ພົວ​ພັນ​ຕ່າງ​ປະ​ເທດ​ສ​ູນ​ກາງ​ພັກ ຄັ້ງທີ I ຢ່າງ​ສຸດ​ໃຈ. " ຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ, ເພີ່ມທະວີມະຫາສາມັກຄີທົ່ວປວງຊົນທັງຊາດ, ຢຶດໝັ້ນແນວທາງປ່ຽນແປງໃໝ່ຮອບດ້ານ ແລະ ມີຫຼັກການ, ປົກປັກຮັກສາ ແລະ ພັດທະນາປະເທດຊາດ ຕາມທິດຢືນຍົງ ສູ່ຈຸດມຸ້ງໝາຍສັງຄົມນິຍົມຢ່າງແທ້ຈິງ ".

 

 23 Mar 2020

 

23 Mar 2020

 

23 Mar 2020

 

ເນື່ອງໃນໂອກາດສະເຫຼີມສະຫຼອງວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 65 ປີ (ວັນທີ 22 ມີນາ 1955 – 22 ມີນາ 2020). ເອກອັກຄະລັດຖະທູດ ແຫ່ງ ສສ ຫວຽດນາມ ປະຈໍາ ສປປ ລາວ, ເອກອັກຄະລັດຖະທູດ ແຫ່ງ ສປ ຈີນ ປະຈໍາ ສປປ ລາວ ແລະ ເອກອັກຄະລັດຖະທູດ ແຫ່ງ ສປປ ເກົາຫຼີ ປະຈໍາ ສປປ ລາວ ໄດ້ເຂົ້າຢ້ຽມຂໍ່ານັບ ສະຫາຍ ປອ ນາງ ສູນທອນ ໄຊຍະຈັກ, ກໍາມະການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກ ເພື່ອອວຍພອນຄະນະນໍາ ແລະ ພະນັກງານຄະນະພົວພັນຕ່າງປະເທດສູນກາງພັກ.

ໃນໂອກາດນີ້, ບັນດາທູດປະເທດອ້າຍນ້ອງ ໄດ້ຕີລາຄາສູງຕໍ່ການຊີ້ນໍາ-ນໍາພາອັນສະຫຼາດສ່ອງໃສຂອງພັກປະຊາຊົນ ປະຕິວັດລາວ ຕະຫຼອດໄລຍະ 65 ປີທີ່ຜ່ານມາ,​ ພິເສດແມ່ນ ພາຍຫຼັງ 35 ປີແຫ່ງການຈັດຕັ້ງປະຕິບັດແນວທາງການປ່ຽນແປງໃໝ່ຂອງພັກປະຊາຊົນ ປະຕິວັດລາວ ໄດ້ນໍາພາປວງຊົນລາວທັງຊາດຜ່ານຜ່າບັນດາຄວາມຫຍຸ້ງຍາກ, ສິ່ງທົດສອບນາໆປະການ ຈຶ່ງສາມາດຍາດໄດ້ບັນດາຜົນສໍາເລັດອັນໃຫຍ່ຫຼວງ, ຮອບດ້ານ ແລະ ມີຄວາມ ໝາຍປະຫວັດທີ່ສໍາຄັນ ໂດຍສະເພາະແມ່ນ ວຽກງານການຕ່າງປະເທດ ກໍ່ໄດ້ຮັບການເປີດກວ້າງ, ເຮັດໃຫ້ບົດບາດ ແລະ ອິດທິພົນຂອງພັກປະຊາຊົນ ປະຕິວັດລາວ ນັບມື້ຍິ່ງໄດ້ຮັບການຍົກສູງຂຶ້ນໃນເວທີພາກພື້ນ ແລະ ສາກົນ.

ສະຫາຍ ປອ ນາງ ສູນທອນ ໄຊຍະຈັກ ໄດ້ສະແດງຄວາມຂອບໃຈຢ່າງຈິງໃຈ ຕໍ່ການຕີລາຄາສູງບັນດາຜົນສໍາເລັດຮອບດ້ານໃນການຊີ້ນໍາ-ນໍາພາຂອງພັກປະຊາຊົນ ປະຕິວັດລາວ ຕະຫຼອດໄລຍະ 65 ປີທີ່ຜ່ານມາ ແລະ ໄດ້ຕີລາຄາສູງການພົວພັນຮ່ວມມື ລະຫວ່າງ ພັກປະຊາຊົນ ປະຕິວັດລາວ ແລະ ບັນດາພັກອ້າຍນ້ອງ ແລະ ໄດ້ສະແດງຄວາມຮູ້ບຸນຄຸນຕໍ່ການສະໜັບສະໜູນ ແລະ ຊ່ວຍເຫຼືອຢ່າງລໍ້າຄ່າຂອງບັນດາພັກ, ລັດ ແລະ ປະຊາຊົນປະເທດອ້າຍນ້ອງໃນພາລະກິດຕໍ່ສູ້ປະຕິວັດຕ້ານພວກຮຸກຮານຕ່າງຊາດ.

ພິເສດ, ໃນການເຂົ້າຢ້ຽມຂໍ່ານັບ ສະຫາຍ ປອ ນາງ ສູນທອນ ໄຊຍະຈັກ, ກໍາມະການສູນກາງ ພັກ, ຫົວໜ້າຄະນະພົວພັນຕ່າງປະເທດສູນກາງພັກ ໃນຄັ້ງນີ້​ ບັນດາທູດປະເທດອ້າຍນ້ອງ ຍັງໄດ້ສົ່ງສານອວຍພອນ ແລະ ກະຕ່າດອກໄມ້ອວຍພອນຈາກ ຄະນະບໍລິຫານງານສູນກາງພັກກອມມູນິດ ຫວຽດນາມ, ຄະນະບໍລິຫານງານສູນກາງພັກກອມມູນິດຈີນ ແລະ ຄະນະບໍລິຫານງານສູນກາງພັກແຮງງານເກົາຫຼີ ສົ່ງເຖິງ ຄະນະບໍລິຫານງານສູນກາງພັກປະຊາຊົນ ປະຕິວັດລາວ. ນອກຈາກນັ້ນ, ຄະນະບໍລິຫານງານສູນກາງພັກປະຊາຊົນ ກໍາປູເຈຍ ກໍ່ໄດ້ສົ່ງໂທລະເລກອວຍພອນ ເຖິງ ຄະນະບໍລິຫານງານສູນກາງພັກປະຊາຊົນ ປະຕິວັດລາວ ເນື່ອງໃນໂອກາດວັນສ້າງຕັ້ງພັກປະຊາຊົນ ປະຕິວັດລາວ ຄົບຮອບ 65 ປີ ເຊັ່ນກັນ.

 

 

 

 

party x

ສະຖິຕິຜູ້ເຂົ້າຊົມ

384826
Today316
Yesterday458
This_Week2068
This_Month78862
All_Days384826