ຊົມ​ເຊີຍ​ຜົນສຳເລັດ ກອງ​ປະ​ຊຸມ​ໃຫຍ່​​ອົງ​ຄະ​ນະ​ພັກ ຄະ​ນະ​ພົວ​ພັນ​ຕ່າງ​ປະ​ເທດ​ສ​ູນ​ກາງ​ພັກ ຄັ້ງທີ I ຢ່າງ​ສຸດ​ໃຈ. " ຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ, ເພີ່ມທະວີມະຫາສາມັກຄີທົ່ວປວງຊົນທັງຊາດ, ຢຶດໝັ້ນແນວທາງປ່ຽນແປງໃໝ່ຮອບດ້ານ ແລະ ມີຫຼັກການ, ປົກປັກຮັກສາ ແລະ ພັດທະນາປະເທດຊາດ ຕາມທິດຢືນຍົງ ສູ່ຈຸດມຸ້ງໝາຍສັງຄົມນິຍົມຢ່າງແທ້ຈິງ ".

28 07 2020

28 Jul 2020

 

ໃນຕອນເຊົ້າຂອງວັນທີ28ກໍລະກົດ2020, ຄະນະພົວພັນຕ່າງປະເທດສູນກາງພັກໄດ້ຈັດເຜີຍແຜ່ເຊື່ອມຊຶມມະຕິກອງປະຊຸມຄົບຄະນະ ຄັ້ງທີ 10 ຂອງຄະນະບໍລິຫານງານສູນກາງພັກ ສະໄໝທີ X ແລະ ເລົ່າມູນເຊື້ອວັນສ້າງຕັ້ງສະຫະພັນແມ່ຍິງລາວ ຄົບຮອບ 65 ປີ ( 20 ກໍລະກົດ 1955-20 ກໍລະກົດ 2020 ). ໂດຍໃຫ້ກຽດເຜີຍແຜ່ ແລະ ເລົ່າມູນເຊື້ອ ໂດຍ ສະຫາຍ ປອ.ນາງ ສູນທອນ ໄຊຍະຈັກ, ກຳມະການສູນກາງພັກ, ເລຂາຄະນະພັກ, ຫົວໜ້າຄະນະພົວພັນຕ່າງປະເທດສູນກາງພັກ, ມີບັນດາສະຫາຍໃນຄະນະພັກ, ຄະນະກົມ, ຄະນະພະແນກ, ສະມາຊິກພັກ, ພະນັກງານຫຼັກແຫຼ່ງ ທົ່ວຄະນະພົວພັນຕ່າງປະເທດສູນກາງພັກ ເຂົ້າຮ່ວມຢ່າງພ້ອມພຽງ.

ໃນການເຜີຍແຜ່ເຊື່ອມຊຶມມະຕິກອງປະຊຸມຄົບຄະນະ ຄັ້ງທີ 10 ຂອງຄະນະບໍລິຫານງານສູນກາງພັກສະໄໝທີ X ຄັ້ງນີ້, ສະຫາຍ ຫົວໜ້າຄະນະພົວພັນຕ່າງປະເທດສູນກາງພັກ ໄດ້ຍົກໃຫ້ເຫັນເນື້ອໃນສຳຄັນຂອງກອງປະຊຸມຄົບຄະນະຄັ້ງທີ 10 ໂດຍພາຍໃຕ້ການເປັນປະທານຂອງສະຫາຍ ບຸນຍັງ ວໍລະຈິດ, ເລຂາທິການໃຫຍ່ຄະນະບໍລິຫານງານສູນກາງພັກ ເຊິ່ງກອງປະຊຸມໄດ້ຄົ້ນຄວ້າ, ປຶກສາຫາລືຫຼາຍບັນຫາທີ່ສຳຄັນ ເປັນຕົ້ນຄື:  ການຜັນຂະຫຍາຍມະຕິກອງປະຊຸມຄົບຄະນະບໍລິ ຫານງານສູນກາງພັກ ຄັ້ງທີ7, 8, 9 ສະໄໝທີ X ກັບຄວາມຄືບໜ້າໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ, ເງິນຕາ ປະຈໍາໄຕມາດ 1 ປີ 2020 ແລະ ທິດທາງໃນຕໍ່ໜ້າ ‚ ການກະກຽມເນື້ອໃນກອງປະ ຊຸມໃຫຍ່ ຄັ້ງທີ XI ຂອງພັກ ເຊິ່ງປະກອບມີ: ຮ່າງລາຍງານການເມືອງຕໍ່ກອງປະຊຸມໃຫຍ່ ຄັ້ງທີ XI ຂອງພັກ; ຮ່າງແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX (2021-2025); ການປັບປຸງກົດລະບຽບຂອງພັກ ສະໄໝ ແລະƒ ທິດທາງ​ແຜນການປັບປຸງກົງຈັກລັດຖະບານ.        

ໃນໂອກາດດຽວກັນນີ້ ສະຫາຍຫົວໜ້າຄະນະພົວພັນຕ່າງປະເທດສູນກາງພັກ ກໍ່ໄດ້ສືບຕໍ່ເລົ່າມູນເຊື້ອ​ປະ​ຫວັດສາດ​ຂະບວນການເຕີບໃຫຍ່ຂະຫຍາຍຕົວ​ຂອງ ແມ່ຍິງລາວ ໃນໂອກາດ ວັນສ້າງຕັ້ງສະຫະພັນແມ່ຍິງລາວ ໃນ​ໄລ​ຍະ 65 ປີຜ່ານ​ມາ(20 ກໍລະກົດ 1955-20 ກໍລະກົດ 2020), ເຊິ່ງເປັນວັນທີ່ມີຄວາມໝາຍ, ຄວາມສຳຄັນຕໍ່ເອື້ອຍນ້ອງແມ່ຍິງລາວ ກໍ່ຄືປະຊາຊົນລາວບັນດາເຜົ່າ ໃນການປະກອບສ່ວນ ຕໍ່ສູ້ກູ້ຊາດ, ປົກປັກຮັກສາ ແລະ ສ້າງສາພັດທະນາປະເທດຊາດ, ທັງພັດທະນາຕົນເອງ, ກໍ່ຄືພັດທະນາອົງການຈັດຕັ້ງແມ່ຍິງລາວຈົນເຖິງປະຈຸບັນ . ນອກນີ້ ສະຫາຍ ຫົວໜ້າຄະນະພົວພັນຕ່າງປະເທດສູນກາງພັກ ຍັງໄດ້ສະແດງຄວາມຍ້ອງຍໍຊົມເຊີຍ ຕໍ່ການເຄື່ອນໄຫວຂອງເອື້ອຍນ້ອງແມ່ຍິງ ໃນໄລຍະຕະຫຼອດ 5 ປີຜ່ານມາ ແລະ ຍັງຮຽກຮ້ອງໃຫ້ເອື້ອຍນ້ອງແມ່ຍິງ ຈົ່ງສືບຕໍ່ຝຶກຝົນຫຼໍ່ຫຼອມຕົນເອງໃຫ້ມີຄວາມຮູ້ ຄວາມສາມາດ ພຽບພ້ອມໄປດ້ວຍຄຸນສົມບັດສິນທຳປະຕິວັດ ເພື່ອສາມາດປະກອບສ່ວນຢ່າງຕັ້ງໜ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ.

ຜ່ານການຮັບຟັງການເຜີຍແຜ່ເຊື່ອມຊຶມໃນຄັ້ງນີ້ ໄດ້ເຮັດໃຫ້ພະນັກງານຄະນະພົວພັນຕ່າງປະເທດສູນກາງພັກ ສາມາດຮັບຮູ້ ແລະ ເຂົ້າໃຈເຖິງເນື້ອໃນຈິດໃຈຂອງມະຕິກອງປະຊຸມຄົບຄະນະ ຄັ້ງທີ 10 ຂອງຄະນະບໍລິຫານງານສູນກາງພັກສະໄໝທີ X ຢ່າງເລິກເຊິ່ງກວ່າເກົ່າ ແລະ ສາມາດຮັບຮູ້ໄດ້ບົດບາດ ແລະ ການປະກອບສ່ວນຢ່າງຫ້າວຫັນຂອງເອື້ອຍນ້ອງແມ່ຍິງລາວຕະຫຼອດໄລຍະ 65 ປີ ຜ່ານມາ.

party x

ສະຖິຕິຜູ້ເຂົ້າຊົມ

270443
Today389
Yesterday626
This_Week1015
This_Month2168
All_Days270443