ຊົມ​ເຊີຍ​ຜົນສຳເລັດ ກອງ​ປະ​ຊຸມ​ໃຫຍ່​​ອົງ​ຄະ​ນະ​ພັກ ຄະ​ນະ​ພົວ​ພັນ​ຕ່າງ​ປະ​ເທດ​ສ​ູນ​ກາງ​ພັກ ຄັ້ງທີ I ຢ່າງ​ສຸດ​ໃຈ. " ຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ, ເພີ່ມທະວີມະຫາສາມັກຄີທົ່ວປວງຊົນທັງຊາດ, ຢຶດໝັ້ນແນວທາງປ່ຽນແປງໃໝ່ຮອບດ້ານ ແລະ ມີຫຼັກການ, ປົກປັກຮັກສາ ແລະ ພັດທະນາປະເທດຊາດ ຕາມທິດຢືນຍົງ ສູ່ຈຸດມຸ້ງໝາຍສັງຄົມນິຍົມຢ່າງແທ້ຈິງ ".

01 09 2020

 

  ໃນຕອນເຊົ້າຂອງວັນທີ 28 ສິງຫາ 2020, ທີ່ ຄະ​ນະ​ພົວ​ພັນ​ຕ່າງ​ປະ​ເທດ​ສູນ​ກາງ​ພັກ ສະມາຄົມມິດຕະພາບລາວ-ຫວຽດນາມຂັ້ນສູນກາງໄດ້ຈັດພິທີມອບ-ຮັບໜ້າທີ່ລະຫວ່າງສະຫາຍປອ. ວິໄລວົງບຸດດາຄຳ, ກຳມະການສູນກາງພັກ, ເລຂາພັກແຂວງ, ເຈົ້າແຂວງໆຈຳປາສັກ, ປະທານສະມາຄົມມິດຕະພາບລາວ-ຫວຽດນາມຂັ້ນສູນກາງຜູ້ເກົ່າແລະສະຫາຍຄຳໃບດຳລັດ, ກຳມະການສູນກາງພັ, ຮອງປະທານສູນກາງແນວລາວສ້າງຊາດ, ປະທານສະມາຄົມມິດຕະພາບລາວ-ຫວຽດນາມຜູ້ໃໝ່. ໂດຍເປັນກຽດເຂົ້າຮ່ວມໃນພິທີມີ: ສະຫາຍປອ. ນາງສູນທອນໄຊຍະຈັກ, ກຳມະການສູນກາງພັກ, ເລຂາຄະນະພັກ, ຫົວໜ້າຄະນະພົວພັນຕ່າງປະເທດ ສູນກາງພັກ, ສະຫາຍຮອງປະທານ, ເລຂາທິການ,ບັນດາສະຫາຍກຳມະການສະມາຄົມມິດຕະພາບລາວ-ຫວຽດນາມຂັ້ນສູນກາງແລະຫ້ອງການສະມາຄົມມິດຕະພາບ ຫວຽດນາມ-ລາວ ພ້ອດ້ວຍພາກສ່ວນກ່ຽວຂ້ອງ​ຈຳ​ນວນ​ໜຶ່ງ.

  ໂອກາດດັ່ງກ່າວ, ສະຫາຍປອ. ວິໄລວົງບຸດດາຄຳ, ປະທານສະມາຄົມມິດຕະພາບລາວ-ຫວຽດນາມຂັ້ນສູນກາງຜູ້ເກົ່າໄດ້ສະຫຼຸບຕີລາຄາໂດຍຫຍໍ້ການປະຕິບັດໜ້າທີ່ວຽກງານຂອງສະມາຄົມມິດຕະພາບໃນໄລຍະຜ່ານມາເຊິ່ງເປັນການປະກອບສ່ວນເຂົ້າໃນການເສີມຂະຫຍາຍມູນເຊື້ອສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານຂອງສອງຊາດ ລາວ-ຫວຽດນາມ ໃຫ້ນັບມື້ກ້າວເຂົ້າສູ່ລວງເລິກ. ສະຫາຍ ຄຳໃບ ດຳລັດ ໄດ້ສະແດງຄວາມ​ປິ​ຕິ​ຍິນດີ ທີ່ໄດ້ຮັບຕຳແໜ່ງປະທານສະມາຄົມມິດຕະພາບ ລາວ-ວຽດນາມ ຂັ້ນສູນກາງ ຜູ້ໃຫມ່ ແລະ ​ໃຫ້​ຄຳ​ໝັ້​ນ​ໝາຍຈະສືບຕໍ່ປະຕິບັດແຜນການເຄື່ອນໄຫວຂອງສະມາຄົມມິດຕະພາບ ລາວ-ຫວຽດນາມ ທີ່ໄດ້ວາງ​​ອອກນັ້ນ ໃຫ້ປະກົດຜົນເປັນຈິງ.

​          ໃນໂອກາດນີ້ສະຫາຍປອ. ນາງສູນທອນໄຊຍະຈັກ, ກຳມະການສູນກາງພັກ, ເລຂາຄະນະພັກ, ຫົວໜ້າຄະນະພົວພັນຕ່າງປະເທດ ສູນກາງພັກກໍໄດ້ໂອ້ລົມຕໍ່ພິທີດັ່ງກ່າວ, ເຊິ່ງສະຫາຍໄດ້ຍ້ອງຍໍ-ຊົມເຊີຍ ປະທານສະມາຄົມມິດຕະພາບ ລາວ-ຫວຽດນາມ ຜູ້ເກົ່າທີ່ໄດ້ຊີ້ນໍາໆພາ ເຄື່ອນໄຫວທີ່ຫ້າວຫັນ, ອຸ​ດົມ​ສົມ​ບູນ​ດ້ວຍ​ການ​ສ້າງ​ກິດ​ຈະ​ກຳ​ຕ່າງໆ ເພື່ອ​ເປັນ​ການ​ສຶກສາອົບຮົມສັ່ງສອນໃຫ້ຊາວໜຸ່ມ, ເຍົາວະຊົຕະຫຼອດຮອປະຊາຊົນກໍ່ຄືຄົນຮຸ້ນໜຸ່ມຂອງສອງປະເທດລາວ ແລະ ຫວຽດນາມໃຫ້ຮັບຮູ້ ແລະເຂົ້າໃຈຢ່າງເລິກເຊິ່ງຕໍ່ສາຍພົວພັນອັນພິເສດທີ່ຫາຍາກໃນການພົວພັນສາກົນຂອງສອງຊາດລາວ ແລະ ຫວຽດນາມ, ໂດຍສະເພາະໃຫ້ເຫັນໄດ້ການເສຍສະຫຼະອັນໃຫຍ່ຫຼວງຂອງການນຳລຸ່ນກ່ອນຕໍ່ການເສີມຂະຫຍາຍສາຍພົວພັນແບບພິເສດອັນບໍລິສຸດຜຸດຜ່ອງລະຫວ່າງສອງປະເທດ, ພ້ອມທັງໄດ້ມີຄຳເຫັນຊີ້ນຳໃຫ້ ປະທານສະມາຄົມມິດຕະພາບລາວ-ຫວຽດນາມຜູ້ໃໝ່​ຈົ່ງ​ໄດ້ການເຄື່ອນໄຫວຢ່າງຫ້າວຫັນ​ ເພື່ອ​ຮ່ວມ​ກັບ​ເພື່ອນ ໃນ​ການ​ປົກ​ປັກ​ຮັກ​ສາ​ສາຍ​ພົ​ວ​ພັນ​ທີ່​ຫາ​ຍາກ ບໍ​ລິດ​ສຸດ​ຜຸດ​ຜ່ອງນີ້ ໃຫ້ນັບມື້ໜ້ນແຟ້ນຈະເລີນງອກງາມແລະໝັ້ນຄົງຖະໜົງແກ່ນເພື່ອພ້ອມກັນສ້າງສາພັດທະນາປະເທດຊາດໃຫ້ຈະເລີນຮຸ່ງເຮືອງແລະນຳເອົາຜົນປະໂຫຍດຕົວຈິງມາໃຫ້ປະຊາຊົນສອງຊາດລາວ-ຫວຽດນາມ.

party x

ສະຖິຕິຜູ້ເຂົ້າຊົມ

285529
Today353
Yesterday901
This_Week4589
This_Month7956
All_Days285529