ຊົມ​ເຊີຍ​ຜົນສຳເລັດ ກອງ​ປະ​ຊຸມ​ໃຫຍ່​​ອົງ​ຄະ​ນະ​ພັກ ຄະ​ນະ​ພົວ​ພັນ​ຕ່າງ​ປະ​ເທດ​ສ​ູນ​ກາງ​ພັກ ຄັ້ງທີ I ຢ່າງ​ສຸດ​ໃຈ. " ຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ, ເພີ່ມທະວີມະຫາສາມັກຄີທົ່ວປວງຊົນທັງຊາດ, ຢຶດໝັ້ນແນວທາງປ່ຽນແປງໃໝ່ຮອບດ້ານ ແລະ ມີຫຼັກການ, ປົກປັກຮັກສາ ແລະ ພັດທະນາປະເທດຊາດ ຕາມທິດຢືນຍົງ ສູ່ຈຸດມຸ້ງໝາຍສັງຄົມນິຍົມຢ່າງແທ້ຈິງ ".

 

31 08 2020

 

ຕອນ​ເຊົ້າ​ວັນ​ທີ 1 ກັນ​ຍາ 2020 ສະຫາຍນາງ ສູນທອນ ໄຊຍະຈັກ, ກຳ​ມະ​ການ​ສູນ​ກາງ​ພັກ, ຫົວ​ໜ້າ​ຄະ​ນະ​ພົວ​ພັນ​ຕ່າງ​ປະ​ເທດ​ສູນ​ກາງ​ພັກ ພ້ອມດ້ວຍພະນັກງານຫລັກແຫລ່ງຄະ​ນະ​ພົວ​ພັນ​ຕ່າງ​ປະ​ເທດ​ສູນ​ກາງ​ພັກ  ປ​ະ​ຊາ​ຊົນ ປະ​ຕິ​ວັດລາວໄດ້​ເຂົ້າອວຍພອນສະຖານເອກອັກຄະລັດຖະທູດສາທາລະນະລັດສັງຄົມນິຍົມຫວຽດນາມປະຈຳສາທາລະນະລັດປະຊາທິປະໄຕປະຊາຊົນລາວເນື່ອງໃນໂອກາດ​ສະ​ເຫລີມ​ສະ​ຫລອງການປະຕິວັດເດືອສິງຫາຄົບຮອບ 75 ປີ (19/8/1945-19/8/2020) ແລະ ວັນສະຖາປະນາສາທາລະນະລັດ ສັງຄົມນິຍົມຫວຽດນາມຄົບຮອບ 75 ປີ (2/9/1945-2/9/2020). ໃນໂອກາດດັ່ງກ່າວສະຫານນາງສູນທອນໄຊຍະຈັກໄດ້ສະແດງຄວາມຊົມເຊີຍແລະຕີລາຄາສູງ ​ຕໍ່​ບັນ​ດາ​ຜົນ​ສຳ​ເລັດ ແລະ ຜົນ​ງານ​ທີ່​ໃຫຍ່​ຫລວງ, ຮອບ​ດ້ານ​ຂອງ​ປະ​ຊາ​ຊົນ ຫວຽດ​ນາມ ຍາດ​ມາ​ໄດ້​ຕະ​ຫລອດ​ໄລ​ຍະ 75 ປີ ​ຜ່ານ​ມາ ​ພາຍ​ໃຕ້​ການ​ນຳ​ພາ​ອັນ​ຖືກ​ຕ້ອງ​ສະ​ຫລາດ​ສ່ອງ​ໃສ​ ຂອງ​ພັກ​ກອ​ມ​ມູ​ນິດ ຫວຽດ​ນາມ ອັນໄດ້ເຮັດໃຫ້ ສ ຫວຽດນາມສືບຕໍ່ມີສະຖຽນລະພາບ ທາງດ້າການເມືອງຢ່າງໜັກແໜ້ນ, ສັງຄົມມີຄວາມເປັນລະບຽບຮຽບຮ້ອຍ; ວຽກງານປ້ອງກັນຊາດ, ປ້ອງກັນຄວາມສະຫງົບມີຄວາມເຂັ້ມແຂງ, ການພົວພັນສາກົນໄດ້ຮັບການເປີດກວ້າງ, ອັນໄດ້ເຮັດໃຫ້ບົດບາດ, ອິດທິພົນຂອງຫວຽດນາມນັບມື້ນັບສູງເດັ່ນໃນເວທີພາກພື້ນແລະສາກົນ.

ສະ​ຫາຍ ນາງ ສູນ​ທ​ອນ ໄຊ​ຍະ​ຈັກ ຍັງ​ໄດ້​ຕີ​ລາ​ຄາ​ສູງຕໍ່​ການ​ພົວ​ພັນ​ຮ່ວມ​ມື​ລະ​ຫວ່າງ ສອງ​ພັກ,​ ສອງ​ລັດ ແລະ ປະ​ຊົນ​ສອງ​ຊາດ ລາວ-ຫວຽດ​ນາມ ໃນ​ໄລ​ຍະ​ຜ່ານ​ມາ ແລະ ປັດ​ຈຸ​ບັນ​ ທີ່​ນັບ​ມື້​ນັບ​ມີ​ຄວາມ​ເລິກ​ເຊິ່ງ, ມີ​ປະ​ສິດ​ທິ​ຜົນ,ພວມ​ນຳ​ເອົາ​ຜົນ​ປະ​ໂຫຍດ​ຕົວ​ຈິງ​ມາ​ໃຫ້​ປະ​ຊາ​ຊົນ ສອງ​ຊາດ​ ລາວ-ຫວຽດ​ນາມ. ສະ​ຫາຍ ຍັງ​ໄດ້​ສະ​ແດງ​ຄວາມ​ຂອບ​ໃຈ ແລະ ຮູ້​ບຸນ​ຄຸນຕໍ່​ພັກ, ລັດ ແລະ ປະ​ຊາ​ຊົນ ຫວຽດ​ນາມ ອ້າຍ​ນ້ອງ ທີ່​ໄດ້​ໃຫ້​ການ​ສະ​ໜັບ​ສະ​ໜູນ ຊ່ວຍ​ເຫລື​ອ​ຢ່າງ​ໃຫຍ່​ຫລວງ, ລ້ຳ​ຄ່າ​ມີ​ປະ​ສິດ​ທິ​ຜົນ ແລະ ທັນ​ການ ແກ່​ປະ​ຊາ​ຊົນ​ລາວ ໃນ​ຕະ​ຫລອດ​ໄລ​ຍະ​ທີ່​ຜ່ານ​ມາ​ທັງ​ໄລ​ຍະ​ຕໍ່​ສູ້ ເພື່ອ​ປົດ​ປ່ອຍ​ຊາດ​ໃນ​ເມື່ອ​ກ່ອນ ແລະ ທັງ​ໃນ​ໄລ​ຍະ​ປົກ​ປັກ​ຮັກ​ສາ ແລະ ສ້າງ​ສາ​ປະ​ເທດ​ຊາດ​ໃນ​ປະ​ຈຸ​ບັນ. ​ສະ​ຫາຍ ໄດ້​ອວຍ​ພອນ ໃຫ້​ພັກ, ລັດ ແລະ ປະ​ຊາ​ຊົນ ຫວຽດ​ນາມ ສືບ​ຕໍ່​ຍາດ​ໄດ້​ຜົນ​ສຳ​ເລັດ​ໃຫຍ່​ຫລວງກວ່າ​ເກົ່າ​ໃນ​ການ​ສ້າງ​ປະ​ເທດ​ ຫວຽດ​ນາມ ສັ​ງ​ຄົມ​ນິ​ຍົມ​​ໃຫ້​ນັບ​ມື້​ນັບ​ຮັ່ງ​ມີ​ເຂັ້ມ​ແຂງ, ກ້າວ​ສູ່​ການ​ດຳ​ເນີນກອ​ງ​ປ​ະ​ຊຸມ​ໃຫຍ່​ຄັ້ງ​ທີ 13 ຂອງ​ພັກ​ຢ່າງ​ມີ​ໄຊ.

ໃນ​ໂອ​ກາດ​ນີ້, ສະ​ຫາຍ ເອກ​ອັກ​ຄະ​ລັດ​ຖະ​ທູດຫງວຽນບ່າຮຸ່ງໄດ້ສະແດງຄວາມຂອບໃຈຕໍ່ສະຫາຍ ນາງສູນທອນໄຊຍະຈັກ ທີ່​ໄດ້​ນຳ​ພາ​ຄະ​ນະ​ມາ​ອວຍ​ພອນ​ໃນ​ຄັ້ງ​ນີ້ພ້ອທັງໄດ້ຕີລາຄາສູ​ຕໍ່ການ​ພົວ​ພັນຮ່ວມມື ລະຫວ່າງລາວ-ຫວຽດນາມ ໃນ​ຕະ​ຫລອດ​ໄລ​ຍະ​ຜ່ານ​ມາ ແລະ ໄດ້​ຕີ​ລາ​ຄາ​ສູງ​ຕໍ່​ຜົນ​ສຳ​ເລັດ​ຂອງ​ລາວ​ພ້ອມ​ທັງອວຍ​ພອນ​ໃຫ້​ປະ​ຊາ​ຊົນ ລາວ ພາຍ​ໃຕ້​ການ​ນຳ​ພາ​ຂອງ​ພັກ ປະ​ຊາ​ຊົນ ປະ​ຕິ​ວັດ​ລາວ ຈົ່ງ​ຍາດ​ໄດ້​ຜົນ​ສຳ​ເລັດ​ໃໝ່​ໃຫຍ່​ຫລວງກວ່າ​ເກົ່າ ໃນ​ການ​ສ້າງ​ສາພັດ​ທະ​ນາ​ປະ​ເທດຊາດ, ປະ​ຕິ​ບັດ​ມະ​ຕິ​ກອງ​ປະ​ຊຸມ​ໃຫຍ່​ຄັ້ງ​ທີ X ຂອງ​ພັກ​ວາງ​ອອກ ແລະ ກ້າວ​ສູ່​ການ​ກະ​ກຽມ​ຈັດ​ກອງ​ປະ​ຊຸມ​ໃຫຍ່​ຄັ້ງ​ທີ XI ຂອງ​ພັກ​ທີ່​ຈະ​ມາ​ເຖິງ​ຢ່າງ​ມີ​ໄຊ.

party x

ສະຖິຕິຜູ້ເຂົ້າຊົມ

285567
Today391
Yesterday901
This_Week4627
This_Month7994
All_Days285567