ຊົມ​ເຊີຍ​ຜົນສຳເລັດ ກອງ​ປະ​ຊຸມ​ໃຫຍ່​​ອົງ​ຄະ​ນະ​ພັກ ຄະ​ນະ​ພົວ​ພັນ​ຕ່າງ​ປະ​ເທດ​ສ​ູນ​ກາງ​ພັກ ຄັ້ງທີ I ຢ່າງ​ສຸດ​ໃຈ. " ຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ, ເພີ່ມທະວີມະຫາສາມັກຄີທົ່ວປວງຊົນທັງຊາດ, ຢຶດໝັ້ນແນວທາງປ່ຽນແປງໃໝ່ຮອບດ້ານ ແລະ ມີຫຼັກການ, ປົກປັກຮັກສາ ແລະ ພັດທະນາປະເທດຊາດ ຕາມທິດຢືນຍົງ ສູ່ຈຸດມຸ້ງໝາຍສັງຄົມນິຍົມຢ່າງແທ້ຈິງ ".

 

12 nov 2020

 

ຂປລ. ໃນວັນທີ 6 ພະຈິກ 2020 ນີ້, ຢູ່ຄະນະພົວພັນຕ່າງປະເທດສູນກາງພັກ ປປ ລາວ ໄດ້ມີພິທີ ມອບ-ຮັບ ເຄື່ອງຊ່ວຍເຫລືອ ຜ້າອັດປາກ-ອັດດັງ ການແພດ ຈໍານວນ 30 ພັນອັນ ຈາກ ຄະນະພົວພັນຕ່າງປະເທດສູນກາງພັກກອມມູນິດຫວຽດນາມ ​ໃຫ້​ແກ່ ບັນດາ​ຄະນະ​ອ້ອມ​ຂ້າງ​ສູນ​ກາງ​ພັກ ຕາງໜ້າ​ມອບ​ໂດຍ ສະຫາຍ ຫງວຽນ ບ໋າ ຮຸ່ງ, ເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສສ ຫວຽດນາມ ປະຈໍາ ສປປ ລາວ ​ແລະ ຮັບໂດຍ ສະຫາຍນາງ ສູນທອນ ໄຊຍະຈັກ, ກໍາມະການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງພັກ ປປ ລາວໂດຍມີພາກສ່ວນກ່ຽວຂ້ອງຂອງທັງສອງຝ່າຍເຂົ້າຮ່ວມເປັນ​ສັກ​ຂີ​ພິຍານ.

ໂອກາດນີ້, ສະຫາຍນາງ ສູນທອນ ໄຊຍະຈັກ ໄດ້ຕາງໜ້າໃຫ້ ແກ່ບັນດາຄະນະອ້ອມຂ້າງສູນ ກາງພັກ ສະແດງຄວາມຂອບໃຈຕໍ່ ສະຫາຍ ຫງວຽນ ບ໋າ ຮຸ່ງ ແລະ ຜ່ານສະຖານທູດ ໄປຍັງ ຄະນະພົວພັນຕ່າງປະເທດສູນກາງພັກກອມມູນິດຫວຽດນາມ ທີ່ໄດ້ສົ່ງການຊ່ວຍເຫລືອ ດັ່ງກ່າວໃຫ້ແກ່ຄະນະອ້ອມຂ້າງສູນກາງພັກ ເພື່ອປະກອບສ່ວນເຂົ້າໃນການປ້ອງກັນການແຜ່ລະບາດ ຂອງເຊື້ອພະຍາດ ໂຄວິດ-19, ສິ່ງດັ່ງກ່າວເປັນການສະແດງໃຫ້ເຫັນເຖິງ ມິດຈິດມິດໃຈ, ຖານມິດສະຫາຍ, ອ້າຍນ້ອງ ທີ່ສະໜິດສະໜົມ, ເຖິງແມ່ນວ່າ ສສ ຫວຽດນາມ ກໍາລັງພົບກັບຄວາມຫຍຸ້ງຍາກນາໆປະການ ໂດຍສະເພາະແມ່ນຜົນກະທົບຈາກໄພທໍາມະຊາດ ເກີດຂຶ້ນຢ່າງຕໍ່ເນື່ອງໃນໄລຍະມໍ່ໆມານີ້ ອັນໄດ້ສ້າງຄວາມເສຍຫາຍຢ່າງຫລວງຫລາຍຕໍ່ຊີວິດ ແລະ ຊັບສິນຂອງປະຊາຊົນ ຢູ່ບັນດາແຂວງພາກກາງ ແລະ ພາກໃຕ້ ຂອງ ສສ ຫວຽດນາມ.

ສະຫາຍນາງ ສູນທອນ ໄຊຍະຈັກ ຍັງໄດ້ສະແດງຄວາມເຊື່ອໝັ້ນວ່າ ພາຍໃຕ້ການນໍາພາອັນຖືກຕ້ອງຂອງພັກກອມມູນິດຫວຽດນາມ, ການເຄື່ອນໄຫວຢ່າງເດັດດ່ຽວຫ້າວຫັນຂອງລັດຖະບານ ແລະ ອໍານາດການປົກຄອງຂອງບັນດາແຂວງ, ປະຊາຊົນຫວຽດນາມອ້າຍນ້ອງ ຈະສາມາດຟື້ນຟູຊີວິດການ ເປັນຢູ່ໃຫ້ເປັນປົກກະຕິໂດຍໄວ. ພາບ: ​ເກດສະໜາ

party x

ສະຖິຕິຜູ້ເຂົ້າຊົມ

387701
Today7
Yesterday415
This_Week1989
This_Month1608
All_Days387701