ຊົມ​ເຊີຍ​ຜົນສຳເລັດ ກອງ​ປະ​ຊຸມ​ໃຫຍ່​​ອົງ​ຄະ​ນະ​ພັກ ຄະ​ນະ​ພົວ​ພັນ​ຕ່າງ​ປະ​ເທດ​ສ​ູນ​ກາງ​ພັກ ຄັ້ງທີ I ຢ່າງ​ສຸດ​ໃຈ. " ຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ, ເພີ່ມທະວີມະຫາສາມັກຄີທົ່ວປວງຊົນທັງຊາດ, ຢຶດໝັ້ນແນວທາງປ່ຽນແປງໃໝ່ຮອບດ້ານ ແລະ ມີຫຼັກການ, ປົກປັກຮັກສາ ແລະ ພັດທະນາປະເທດຊາດ ຕາມທິດຢືນຍົງ ສູ່ຈຸດມຸ້ງໝາຍສັງຄົມນິຍົມຢ່າງແທ້ຈິງ ".

17 12 2020 1

17 12 2020 2

 

ໃນວັນທີ 16 ທັນວາ 2020, ທີ່ສຳນັກງານຄະນະພົວພັນຕ່າງປະເທດສູນກາງພັກ, ອົງຄະນະພັກຄະນະພົວພັນຕ່າງປະເທດສູນກາງພັກ ໄດ້ຈັດກອງປະຊຸມສະມາຊິກພັກ ເພື່ອເລືອກເອົາຜູ້ແທນສົມບູນ ແລະ ສໍາຮອງໄປຮ່ວມກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນປະຕິວັດລາວ, ໂດຍການເປັນປະທານຂອງ ສະຫາຍ ປອ ນາງ ສູນທອນ ໄຊຍະຈັກ, ກຳມະການສູນກາງພັກ, ເລຂາຄະນະພັກ, ຫົວໜ້າຄະນະພົວພັນຕ່າງປະເທດສູນກາງພັກ,ມີບັນດາສະຫາຍໃນຄະນະພັກ,​ ຄະນະໜ່ວຍພັກ, ສະມາຊິກພັກສົມບູນ ແລະ ສະມາຊິກພັກອາວຸໂສບຳນານ ເຂົ້າຮ່ວມ ຈໍານວນ 102 ສະຫາຍ.

ກອງປະຊຸມ ໄດ້ຮັບຟັງການຜ່ານບົດສະຫຼຸບການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ I ຂອງອົງຄະນະພັກຄະນະພົວພັນຕ່າງປະເທດສູນກາງພັກ ກໍຄືການຈັດຕັ້ງປະຕິບັດໜ້າທີ່ວຽກງານໄລຍະ 5 ປີຜ່ານມາ (2016-2020) ແລະ ທິດທາງແຜນການ 5 ປີຕໍ່ໜ້າ ຂອງອົງຄະນະພັກຄະນະພົວພັນຕ່າງປະເທດສູນກາງພັກ ທີ່ສະເໜີໂດຍສະຫາຍ ປອ ນາງ ສູນທອນ ໄຊຍະຈັກ, ກຳມະການສູນກາງພັກ, ເລຂາຄະນະພັກ, ຫົວໜ້າຄະນະພົວພັນຕ່າງປະເທດສູນກາງພັກ ໂດຍໄດ້ສະຫຼຸບຕີລາຄາ ບັນດາຜົນສໍາເລັດໃນການຊີ້ນໍາ-ນໍາພາຮອບດ້ານຂອງອົງຄະນະພັກຄະນະພົວພັນຕ່າງປະເທດສູນກາງພັກ ຕະຫຼອດໄລຍະ 05 ປີຜ່ານມາ, ເຊິ່ງເປັນການສະແດງໃຫ້ເຫັນເຖິງການເຕີບໃຫຍ່ຂະຫຍາຍຕົວຂອງອົງຄະນະພັກ ແລະ ສ່ອງແສງເຖິງຄວາມສາມັກຄີ ແລະ ຄວາມຕັດສິນໃຈສູງຂອງສະມາຊິກພັກທັງໝົດ ໃນການປະຕິບັດໜ້າທີ່ວຽກງານການເມືອງຂອງຕົນໃນໄລຍະໃໝ່.

ຕະຫຼອດ 05 ປີ ຜ່ານມາ, ຄະນະພັກ-ຄະນະນໍາຄະນະພົວພັນຕ່າງປະເທດສູນກາງພັກ ໄດ້ມີຄວາມຕັ້ງໜ້າເປັນເຈົ້າການໃນການເສີມຂະຫຍາຍມູນເຊື້ອປະຕິວັດ ແລະ ເຊີດຊູຄວາມຮັບຜິດຊອບການເມືອງ ໃນການນໍາເອົາແນວທາງນະໂຍບາຍ, ມະຕິຄໍາສັ່ງ ແລະ ການຊີ້ນໍາຂອງກົມການເມືອງສູນກາງພັກ ກໍຄືມະຕິຂອງກອງປະຊຸມໃຫຍ່ ຄັ້ງທີ I ຂອງອົງຄະນະພັກຄະນະພົວພັນຕ່າງປະເທດສູນກາງພັກ ມາຈັດຕັ້ງປະຕິບັດຢ່າງຕັ້ງໜ້າ ແລະ ດ້ວຍຄວາມຮັບຜິດຊອບສູງ ອັນໄດ້ເຮັດໃຫ້ຖັນແຖວສະມາຊິກພັກ, ພະນັກງານ-ລັດຖະກອນຄະນະພົວພັນຕ່າງປະເທດສູນກາງພັກ ມີການເຕີບໃຫຍ່ຂະຫຍາຍຕົວທັງທາງດ້ານປະລິມານ ແລະ ຄຸນນະພາບ, ເປັນການປະກອບສ່ວນຍົກສູງຖານະບົດບາດ ຂອງພັກ-ລັດເຮົາໃນເວທີພາກພື້ນ ແລະ ສາກົນ.

ກອງປະຊຸມ ໄດ້ເປີດໂອກາດໃຫ້ບັນດາຜູ້ເຂົ້າຮ່ວມປະກອບຄໍາຄິດຄໍາເຫັນໃສ່ບົດສະຫຼຸບດັ່ງກ່າວ ຢ່າງກົງໄປກົງມາ ແລະ ເປັນເອກະພາບຮັບຮອງເອົາທິດທາງແຜນການເຄື່ອນໄຫວ 5 ປີຕໍ່ໜ້າ (2021-2025) ໂດຍສະເພາະແມ່ນສືບຕໍ່ຍຶດໝັ້ນ ແລະ ເປັນເຈົ້າການໃນການຈັດຕັ້ງປະຕິບັດແນວທາງການຕ່າງປະເທດ ອັນສະເໝີຕົ້ນສະເໝີປາຍຂອງພັກ ສັນຕິພາບ, ເອກະລາດ, ມິດຕະພາບ ແລະ ການຮ່ວມມື, ຕາມທິດເພີ່ມມິດຜ່ອນສັດຕູ, ເສີມຂະຫຍາຍມູນເຊື້ອວຽກງານການເຄື່ອນໄຫວພົວພັນດ້ານພັກ ແລະ ການທູດປະຊາຊົນຢ່າງຫ້າວຫັນ,​ ປະກອບສ່ວນສ້າງສະພາບແວດລ້ອມສາກົນອັນເອື້ອອໍານວຍໃຫ້ແກ່ພາລະກິດປົກປັກຮັກສາ ແລະ ສ້າງສາປະເທດຊາດ.

ກອງປະຊຸມ ໄດ້ພ້ອມກັນປ່ອນບັດຄັດເລືອກເອົາຜູ້ແທນສົມບູນ ແລະ ສໍາຮອງທີ່ເປັນຕົວແທນຂອງອົງຄະນະພັກຄະນະພົວພັນຕ່າງປະເທດສູນກາງພັກ ເພື່ອເຂົ້າຮ່ວມກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກ ຊຶ່ງມີຜູ້ສະໝັກທັງໝົດ 07 ສະຫາຍ, ໃນນັ້ນ ເລືອກເອົາຜູ້ແທນສົມບູນຈໍານວນ 03 ສະຫາຍ ແລະ ຜູ້ແທນສໍາຮອງຈໍານວນ 01 ສະຫາຍ. Bottom of Form

Bottom of Form

party x

ສະຖິຕິຜູ້ເຂົ້າຊົມ

406245
Today219
Yesterday286
This_Week219
This_Month8708
All_Days406245