ຊົມ​ເຊີຍ​ຜົນສຳເລັດ ກອງ​ປະ​ຊຸມ​ໃຫຍ່​​ອົງ​ຄະ​ນະ​ພັກ ຄະ​ນະ​ພົວ​ພັນ​ຕ່າງ​ປະ​ເທດ​ສ​ູນ​ກາງ​ພັກ ຄັ້ງທີ I ຢ່າງ​ສຸດ​ໃຈ. " ຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ, ເພີ່ມທະວີມະຫາສາມັກຄີທົ່ວປວງຊົນທັງຊາດ, ຢຶດໝັ້ນແນວທາງປ່ຽນແປງໃໝ່ຮອບດ້ານ ແລະ ມີຫຼັກການ, ປົກປັກຮັກສາ ແລະ ພັດທະນາປະເທດຊາດ ຕາມທິດຢືນຍົງ ສູ່ຈຸດມຸ້ງໝາຍສັງຄົມນິຍົມຢ່າງແທ້ຈິງ ".

17Dec2020

   ໃນຕອນເຊົ້າຂອງວັນທີ 17 ທັນວາ 2020, ຄະນະພະນັກງານ 3 ອົງການຈັດຕັ້ງມະຫາຊົນຂອງ ຄະນະພົວພັນຕ່າງປະເທດສູນກາງພັກ ນໍຳໂດຍ ສະຫາຍ ສົມດີ ບຸນຄຸ້ມ, ຮອງຫົວໜ້າຄະນະພົວພັນຕ່າງປະເທດສູນກາງພັກ ໄດ້ເຂົ້າວາງກະຕ່າດອກໄມ້ ຢູ່ທີ່ ຫໍພິພິທະພັນ ປະທານ ໄກສອນ ພົມວິຫານ ທີ່ ນະຄອນຫຼວງວຽງຈັນ ເນື່ອງໃນໂອກາດວັນຄ້າຍວັນເກີດ ປະທານ ໄກສອນ ພົມວິຫານ ຄົບຮອບ 100 ປີ ແລະ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 45 ປີ.
   ໃນໂອກາດດັ່ງກ່າວ, ຄະນະ ໄດ້ເຂົ້າຢ້ຽມຊົມຫໍພິພິທະພັນ ປະທານ ໄກສອນ ພົມວິຫານ ເພື່ອຊອກຮູ້ຮໍ່າຮຽນເອົາຄຸນສົມບັດສິນທຳປະຕິວັດຂອງປະທານ ໄກສອນ ພົມວິຫານ, ເຊິ່ງຕະຫຼອດໄລຍະແຫ່ງການເຄື່ອນໄຫວປະຕິວັດຂອງເພິ່ນ, ປະທານ ໄກສອນ ພົມວິຫານ ໄດ້ອຸທິດເຫື່ອແຮງ, ສະຕິປັນຍາຢ່າງບໍ່ຮູ້ອິດຮູ້ເມື່ອຍ ໃຫ້ແກ່ພາລະກິດຕໍ່ສູ້ປົດປ່ອຍຊາດ ກໍ່ຄືພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ນຳພາການປະຕິວັດລາວກ້າວຂຶ້ນ ຈາກໄຊຊະນະນີ້ ສູ່ໄຊຊະນະ ໃໝ່ທີ່ຍິ່ງໃຫຍ່ກວ່າເກົ່າ, ເຮັດໃຫ້ປະເທດລາວຈາກບ່ອນເປັນເມືອງຂຶ້ນຂອງຈັກກະພັດຕ່າງດ້າວກາຍ ເປັນປະເທດທີ່ມີອິດສະຫຼະພາບ, ເປັນເຈົ້າຂອງປະເທດຊາດຢ່າງແທ້ຈິງ ແລະ ພວມສ້າງສາປະເທດຊາດຕາມຄຳຂວັນ: ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນະຖາວອນ.ຜ່ານການໄປຢ້ຽມຊົມຫໍພິພິທະພັນ ສາມາດຢືນຢັນວ່າ: ປະທານສົມແລ້ວທີ່ເປັນລູກຜູ້ປະເສີດ ຂອງປະຊາຊົນລາວບັນດາເຜົ່າ, ເປັນວິລະບຸລຸດແຫ່ງຊາດ, ເປັນແວ່ນແຍງອັນໃສແຈ້ງ, ເປັນແບບຢ່າງທີ່ດີເລີດຂອງທົ່ວພັກ, ທົ່ວລັດ ແລະ ທົ່ວປວງຊົນລາວທັງຊາດ, ຄຸນງາມຄວາມດີ, ວິລະກຳອັນລ້ຳຄ່າຂອງ ປະທານ ໄກສອນ ພົມວິຫານ ໄດ້ກາຍເປັນສັນຍາລັກແຫ່ງການເຕົ້າໂຮມ ຄວາມສາມັກຄີເປັນເອກະພາບທຸກເຜົ່າຊົນລາວ ແລະ ບັນດາປະຊາຊາດທີ່ຮັກຫອມສັນຕິພາບ ໃນທົ່ວໂລກ.

party x

ສະຖິຕິຜູ້ເຂົ້າຊົມ

406217
Today191
Yesterday286
This_Week191
This_Month8680
All_Days406217