ຊົມ​ເຊີຍ​ຜົນສຳເລັດ ກອງ​ປະ​ຊຸມ​ໃຫຍ່​​ອົງ​ຄະ​ນະ​ພັກ ຄະ​ນະ​ພົວ​ພັນ​ຕ່າງ​ປະ​ເທດ​ສ​ູນ​ກາງ​ພັກ ຄັ້ງທີ I ຢ່າງ​ສຸດ​ໃຈ. " ຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ, ເພີ່ມທະວີມະຫາສາມັກຄີທົ່ວປວງຊົນທັງຊາດ, ຢຶດໝັ້ນແນວທາງປ່ຽນແປງໃໝ່ຮອບດ້ານ ແລະ ມີຫຼັກການ, ປົກປັກຮັກສາ ແລະ ພັດທະນາປະເທດຊາດ ຕາມທິດຢືນຍົງ ສູ່ຈຸດມຸ້ງໝາຍສັງຄົມນິຍົມຢ່າງແທ້ຈິງ ".

18Dec2020.3  ໃນຕອນບ່າຍຂອງວັນທີ 18 ທັນວາ 2020, ຄະນະພົວພັນຕ່າງປະເທດສູນກາງພັກໄດ້ຈັດປາຖະກະຖາເພື່ອລະນຶກເຖິງວັນສະຖາປະນາສປປລາວ ຄົບຮອບ 45 ປີ(02/12/1975-02/12/2020) ແລະ ວັນເກີດ ຂອງປະທານ ໄກສອນ ພົມວິຫານ ຄົບຮອບ 100 ປີ( 13/12/1920-13/12/2020),    ໃຫ້ກຽດປາຖະກະຖາ ໂດຍ ສະຫາຍ ສົມສະຫວາດ ເລັ່ງສະຫວັດ, ທີ່ປຶກສາຄະນະບໍລິຫານງານສູນກາງພັກສະໄໝທີ X, ຜູ້ຊີ້ນໍາວຽກງານຄົ້ນຄວ້າແນວຄິດ ໄກສອນ ພົມວິຫານ, ໂດຍມີການເຂົ້າຮ່ວມຂອງ ສະຫາຍ ປອ. ນາງ ສູນທອນ ໄຊຍະຈັກ, ກໍາມະການສູນກາງພັກ, ເລຂາຄະນະພັກ, ຫົວໜ້າຄະນະພົວພັນຕ່າງປະເທດສູນກາງພັກ, ບັນດາສະຫາຍ ໃນຄະນະບໍລິຫານງານພັກ ແລະ ພະນັກງານຫຼັກແຫຼ່ງທົ່ວຄະນະພົວພັນຕ່າງປະເທດສູນກາງພັກ ເຂົ້າຮ່ວມຢ່າງພ້ອມພຽງ.

   ໃນການປາຖະກະຖາຄັ້ງນີ້ ສະຫາຍ ສົມສະຫວາດ ເລັ່ງສະຫວັດ ໄດ້ຍົກໃຫ້ເຫັນເຖິງມູນເຊື້ອ ແລະ ຄວາມ ໝາຍສໍາຄັນຂອງວັນຊາດ ທີ 2 ທັນວາ ແມ່ນວັນແຫ່ງໄຊຊະນະອັນຍິ່ງໃຫຍ່ຂອງປະຊາຊົນລາວບັນດາເຜົ່າພາຍໃຕ້ການນຳພາອັນປີຊາສາມາດຂອງ ພັກ ປປ ລາວ ອັນມີປະທານ ໄກສອນ ພົມວິຫານ ເປັນຜູ້ນຳໜ້າໃນການຕໍ່ສູ້ເພື່ອປົດປ່ອຍຊາດ ທັງເປັນເຫດການທີ່ບໍ່ເຄີຍມີມາກ່ອນ ໃນປະຫວັດສາດ ຂອງຊາດລາວເຮົາ, ແມ່ນວັນທີ່ປະເທດລາວໄດ້ມີເອກະລາດຢ່າງສົມບູນ ແລະ ມີອະທິປະໄຕ ຢ່າງຄົບຖ້ວນ, ມີທີ່ຕັ້ງອັນສົມກຽດ ແລະ ມີຖານະເທົ່າທຽມກັບປະເທດອື່ນໆ ໃນເວທີປະຊາຄົມໂລກ, ພ້ອມນັ້ນ ສະຫາຍ ກໍໄດ້ຍົກໃຫ້ເຫັນເຖິງຜົນສໍາເລັດອັນພົ້ນເດັ່ນຂອງ ສ ປປ ລາວ ຕະຫຼອດໄລຍະ 45 ປີ ທີ່ຜ່ານມາ ປະເທດຊາດເຮົາໄດ້ຮັບການພັດທະນາຢ່າງບໍ່ຢຸດຢັ້ງ, ບົດບາດອິດທິພົນຂອງ ສ ປປ ລາວ ນັບມື້ນັບສູງເດັ່ນຂຶ້ນໃນເວທີພາກພື້ນ ແລະ ສາກົນ ເຊິ່ງພວກເຮົາຈະຕ້ອງໄດ້ເສີມຂະຫຍາຍມູນເຊື້ອ ດັ່ງກ່າວເຂົ້າໃນການສ້າງສາພັດທະນາປະເທດຊາດ ໄປສູ່ຈຸດໝາຍສັງຄົມນິຍົມ.
   ໂອກາດດັ່ງກ່າວ ສະຫາຍ ສົມສະຫວາດ ເລັ່ງສະຫວັດ ຍັງໄດ້ຫວນຄືນເຖິງຊີວິດ ແລະ ການເຄື່ອນໄຫວປະຕິວັດຂອງ ປະທານ ໄກສອນ ພົມວິຫານ, ເຊິ່ງເພີ່ນເປັນຜູ້ນໍາພາກໍ່ຕັ້ງພັກ ປປລາວ, ເປັນວິລະບູລຸດແຫ່ງຊາດລາວ ຍົກໃຫ້ເຫັນ ຄວາມປີຊາສາມາດ ໃນການຊີ້ນຳ-ນຳພາພາລະກິດປະຕິວັດຕະຫຼອດຊີວິດຂອງເພີ່ນ ແລະ ຍົກໃຫ້ເຫັນແບບຢ່າງຄຸນສົມບັດສິນທຳປະຕິວັດ ແລະ ແບບແຜນດຳລົງຊີວິດທີ່ລຽບງ່າຍຂອງປະທານ ໄກສອນ ພົມວິຫານ ທີ່ຍາມໃດກໍ່ເປັນຫ່ວງເປັນໄຍຕໍ່ການພັດທະນາປະເທດຊາດ.
   ໃນການຈັດປາຖະກະຖາໃນຄັ້ງນີ້ ໄດ້ເຮັດໃຫ້ສະມາຊິກພັກ - ພະນັກງານ ຄະນະພົວພັນຕ່າງປະເທດສູນກາງພັກ ໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງຕື່ມອີກເຖິງປະຫວັດສາດ ແຫ່ງການກໍາເນີດ ແລະ ເຕີບໃຫຍ່ຂະຫຍາຍຕົວຂອງພັກ, ຂອງຊາດລາວເຮົາ ໂດຍສະເພາະແມ່ນໃນການສ້າງສາພັດທະນາປະເທດຊາດ ພາຍໃຕ້ການນຳພາຂອງພັກ ປປ ລາວ ໃນຕະຫຼອດ 45 ປີຜ່ານມາ ພ້ອມທັງເປັນໂອກາດອັນດີໃຫ້ແກ່ພະນັກງານຄະນະພົວພັນຕ່າງປະເທດສູນກາງພັກ ໄດ້ສຶກສາຮໍ່າຮຽນເອົາແບບຢ່າງ, ຄຸນສົມບັດ, ສິນທໍາປະຕິວັດ ອັນດີເລີດ ຂອງ ປະທານ ໄກສອນ ພົມວິຫານ ຜູ້ນໍາທີ່ແສນເຄົາລົບຮັກ ຂອງປວງຊົນລາວທັງຊາດ.

party x

ສະຖິຕິຜູ້ເຂົ້າຊົມ

406229
Today203
Yesterday286
This_Week203
This_Month8692
All_Days406229