ຊົມ​ເຊີຍ​ຜົນສຳເລັດ ກອງ​ປະ​ຊຸມ​ໃຫຍ່​​ອົງ​ຄະ​ນະ​ພັກ ຄະ​ນະ​ພົວ​ພັນ​ຕ່າງ​ປະ​ເທດ​ສ​ູນ​ກາງ​ພັກ ຄັ້ງທີ I ຢ່າງ​ສຸດ​ໃຈ. " ຍົກສູງຄວາມສາມາດນຳພາ ແລະ ລັກສະນະນຳໜ້າຂອງພັກ, ເພີ່ມທະວີມະຫາສາມັກຄີທົ່ວປວງຊົນທັງຊາດ, ຢຶດໝັ້ນແນວທາງປ່ຽນແປງໃໝ່ຮອບດ້ານ ແລະ ມີຫຼັກການ, ປົກປັກຮັກສາ ແລະ ພັດທະນາປະເທດຊາດ ຕາມທິດຢືນຍົງ ສູ່ຈຸດມຸ້ງໝາຍສັງຄົມນິຍົມຢ່າງແທ້ຈິງ ".

22Dec2020

   ໃນຕອນແລງຂອງວັນທີ 22 ທັນວາ 2020, ສະຫາຍ ບຸນຍັງ ວໍລະຈິດ, ເລຂາທິການໃຫຍ່ ຄະນະບໍລິຫານງານສູນກາງພັກ ປປ ລາວ, ປະທານປະເທດ ແຫ່ງ ສປປ ລາວ ໄດ້ສົນທະນາທາງໂທລະສັບກັບ ສະຫາຍ ສີ ຈິ້ນຜິງ, ເລຂາທິການໃຫຍ່ຄະນະກໍາມະການສູນກາງພັກກອມມູນິດຈີນ, ປະທານປະເທດ ແຫ່ງ ສປ ຈີນ.
   ໃນໂອກາດດັ່ງກ່າວ, ສະຫາຍ ບຸນຍັງ ວໍລະຈິດ ໄດ້ສະແດງຄວາມຍິນດີເປັນຢ່າງຍິ່ງ ທີ່ໄດ້ມີໂອກາດສົນທະນາທາງໂທລະສັບໃນຄັ້ງນີ້, ເຊິ່ງດຳເນີນໄປໃນທ່າມກາງທີ່ສອງພັກ, ສອງປະເທດ ລາວ-ຈີນ ພວມຢູ່ໄລຍະບາດລ້ຽວສຳຄັນໃນການພັດທະນາປະເທດຕົນ; ໄດ້ແຈ້ງໃຫ້ຊາບກ່ຽວກັບ ສະພາບການທີ່ພົ້ນເດັ່ນພາຍໃນພັກ, ພາຍໃນປະເທດຂອງລາວ ແລະ ໄດ້ສະແດງຄວາມຊົມເຊີຍຢ່າງຈິງໃຈ ຕໍ່ຜົນສຳເລັດອັນໃຫຍ່ຫຼວງ ໃນການນໍາພາຢ່າງຮອບດ້ານຂອງພັກກອມມູນິດຈີນ ຕະຫຼອດໄລຍະທີ່ຜ່ານມາ, ເຖິງວ່າ ສປ ຈີນ ຈະໄດ້ຮັບຜົນກະທົບຢ່າງໜັກໜ່ວງຈາກການແຜ່ລະບາດຂອງພະຍາດໂຄວິດ-19 ແລະ ໄພທໍາມະຊາດຢ່າງຮ້າຍແຮງ ໃນໄລຍະປີ 2020, ແຕ່ ພັກ, ລັດ ແລະ ປະຊາຊົນຈີນອ້າຍນ້ອງ ສາມາດຍາດໄດ້ບັນດາຜົນສໍາເລັດຮອບດ້ານໃນການພັດທະນາປະເທດຊາດ, ທັງມີຜົນສໍາເລັດຢ່າງໜ້າຊື່ນຊົມໃນການຄວບຄຸມ, ສະກັດກັ້ນການແຜ່ລະບາດຂອງເຊື້ອພະຍາດໂຄວິດ 19 ທີ່ພວມເປັນມະຫັນຕະໄພຂອງໂລກ ໂດຍຖືເອົາຊີວິດຂອງປະຊາຊົນເປັນກົກໃນການຕ້ານພະຍາດດັ່ງກ່າວ. ໄປຄຽງຄູ່ກັນນັ້ນ, ສປ ຈີນ ຍັງໄດ້ໃຫ້ການຊ່ວຍເຫລືອຢ່າງຫລວງຫລາຍ, ທັນການແກ່ ບັນດາປະເທດຕ່າງໆໃນໂລກເຊີ່ງໄດ້ສະແດງເຖິງຄວາມຮັບຜິດຊອບສູງ ແລະ ຄວາມເປັນຫ່ວງເປັນໄຍຂອງລັດຖະບານຈີນ ຕໍ່ມວນມະນຸດ, ສອດຄ່ອງກັບຂໍ້ລິເລີ່ມທີ່ສຳຄັນຂອງ ສະຫາຍເລຂາທິການໃຫຍ່ ສີ ຈິ້ນຜິງ ວ່າດ້ວຍການສ້າງຄູ່ຮ່ວມຊະຕາກຳຂອງມວນມະນຸດ, ເຊິ່ງໄດ້ຮັບການຕອບຮັບ ແລະ ສະໜັບສະໜູນຢ່າງກວ້າງຂວາງຈາກວົງຄະນະຍາດສາກົນ.
   ສະຫາຍ ບຸນຍັງ ວໍລະຈິດ ໄດ້ຕີຄາສູງຕໍ່ ສູນກາງພັກກອມມູນິດຈີນ ທີ່ມີ ສະຫາຍເລຂາທິການໃຫຍ່ ສີ ຈິ້ນຜິງ ເປັນແກນກາງ ທີ່ໄດ້ນໍາພາປະຊາຊົນຈີນ ສາມັກຄີເປັນປຶກແຜ່ນໃນການດຳເນີນການແກ້ໄຂຄວາມທຸກຍາກຢ່າງມີຈຸດສຸມ ແລະມີເປົ້າໝາຍ ໃນຕະຫຼອດໄລຍະ 8 ປີທີ່ຜ່ານມາ, ອັນໄດ້ເຮັດໃຫ້ປະຊາຊົນທີ່ທຸກຍາກເກືອບ 100 ລ້ານຄົນ ໃນ 832 ເມືອງໃນທົ່ວປະເທດໃນປີ 2012 ສາມາດຫຼຸດພົ້ນອອກຈາກຄວາມທຸກຍາກຕາມເປົ້າໝາຍທີ່ວາງໄວ້ໃນປີ 2020, ເຊິ່ງເປັນຜົນສຳເລັດອັນໂດດເດັ່ນ ແລະ ບໍ່ເຄີຍມີມາກ່ອນໃນປະຫວັດສາດໂລກ. ນອກນັ້ນ, ສະຫາຍ ບຸນຍັງ ວໍລະຈິດ ຍັງໄດ້ຕີລາຄາສູງຕໍ່ຜົນສໍາເລັດຂອງການດຳເນີນກອງປະຊຸມຄົບຄະນະ ຄັ້ງທີ 5 ສະໄຫມທີ XIX ຂອງ ພັກກອມມູນິດຈີນ ທີ່ໄດ້ປືກສາຫາຫລື, ພິຈາລະນາຮັບເອົາຂໍ້ສະເໜີຂອງສູນກາງພັກ ຕໍ່ ຮ່າງແຜນພັດທະນາເສດຖະກິດ-ສັງຄົມ 5 ປີ ຄັ້ງທີ 14 ແລະ ເປົ້າໝາຍວິໄສທັດຮອດປີ 2035, ເຊີ່ງເປັນເອກະສານທີ່ມີລັກສະນະຍຸດທະສາດ ຮອບດ້ານໃຫ້ແກ່ການສືບຕໍ່ສ້າງສັງຄົມນິຍົມຕາມສີສັນພິເສດຂອງ ຈີນ.
   ສະຫາຍ ສີ ຈິ້ນຜິງ ໄດ້ແຈ້ງໃຫ້ຊາບ ກ່ຽວກັບ ສະພາບການທີ່ພົ້ນເດັ່ນພາຍໃນພັກ, ພາຍໃນປະເທດຈີນ ໃຫ້ແກ່ຝ່າຍລາວຮັບຊາບ, ໂດຍສະເພາະແມ່ນຜົນສໍາເລັດໃນການດໍາເນີນບັ້ນແກ້ໄຂຄວາມທຸກຍາກຂອງປະຊາຊົນ ຢ່າງມີຈຸດສຸມ ແລະ ເປົ້າໝາຍຂອງພັກ, ລັດ ແລະ ປະຊາຊົນຈີນ; ແຈ້ງກ່ຽວກັບຜົນສໍາເລັດໃນການຮັບມືກັບການລະບາດຂອງພະຍາດໂຄວິດ-19 ແລະ ການຟື້ນຟູເສດຖະກິດຂອງ ສປ ຈີນ; ໄດ້ແຈ້ງໃຫ້ຊາບ ຜົນສໍາເລັດໃນການດໍາເນີນກອງປະຊຸມຄົບຄະນະ ຄັ້ງທີ 5 ສະໄໝທີ XIX ຂອງຄະນະກໍາມະການສູນກາງພັກກອມມູນິດຈີນ ໃນເດືອນຕຸລາ 2020 ທີ່ຜ່ານມາ ກໍຄື ເປົ້າໝາຍຈຸດສຸມຂອງພັກ ແລະ ລັດຖະບານຈີນ ໃນການສູ້ຊົນບັນລຸເປົ້າໝາຍສ້າງສໍາເລັດສັງຄົມອີ່ມໜໍາສໍາລານຮອບດ້ານໂດຍພື້ນຖານ ໃນປີ 2021.
   ໃນການສົນທະນາ, ການນໍາສູງສຸດຂອງ ສອງພັກ, ສອງລັດ ລາວ-ຈີນ ໄດ້ຕີລາຄາສູງຕໍ່ການພົວພັນຮ່ວມມືສອງຝ່າຍ ໃນປີ 2020 ກໍຄືຕະຫຼອດໄລຍະທີ່ຜ່ານມາ, ເຊິ່ງໃນໄລຍະໃໝ່ນີ້ ສອງຝ່າຍໄດ້ຖືເອົາການຈັດຕັ້ງປະຕິບັດແຜນແມ່ບົດວ່າດ້ວຍການສ້າງຄູ່ຮ່ວມຊາຕາກໍາ ລາວ-ຈີນ ທີ່ໄດ້ຮ່ວມລົງນາມໃນເດືອນເມສາ 2019 ທີ່ຜ່ານມາ ເປັນແຜນປະຕິບັດງານຕົວຈິງ ໃນການລົງເລິກການຮ່ວມມືສອງຝ່າຍໃນສະພາບການໃໝ່ ແລະ ເປັນການສ້າງໂອກາດອັນໃໝ່ ໃຫ້ແກ່ການຊຸກຍູ້ຮ່ວມມືດ້ວຍຄຸນນະພາບທີ່ສູງຂຶ້ນກວ່າເກົ່າ. ພ້ອມດຽວກັນນັ້ນ, ການນໍາສູງສຸດຂອງສອງພັກ, ສອງລັດ ລາວ-ຈີນ ຍັງໄດ້ແລກປ່ຽນຄວາມຄິດເຫັນກ່ຽວກັບທິດທາງໃນການເສີມຂະຫຍາຍສາຍພົວພັນຮ່ວມມືລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຈີນ, ໂດຍສອງຝ່າຍຍິນດີຈະສືບຕໍ່ເພີ່ມທະວີຄວາມໄວ້ເນື້ອເຊື່ອໃຈເຊິ່ງກັນແລະກັນທາງດ້ານການເມືອງ, ສືບຕໍ່ແລກປ່ຽນບົດຮຽນໃນການຄຸ້ມຄອງພັກ-ບໍລິຫານປະເທດ ແລະ ການປະຕິບັດແຜນການຮ່ວມມືສອງຝ່າຍໃນຂົງເຂດຕ່າງໆທີ່ໄດ້ຕົກລົງນໍາກັນ; ຮ່ວມກັນກະກຽມຈັດຕັ້ງປີມິດຕະພາບ ລາວ-ຈີນ ໃນປີ 2021 ເພື່ອສະເຫຼີມສະຫຼອງວັນສ້າງຕັ້ງສາຍພົວພັນການທູດ ລາວ-ຈີນ ຄົບຮອບ 60 ປີ; ສືບຕໍ່ການຮ່ວມມືດ້ານເສດຖະກິດ-ການຄ້າ ແລະ ການລົງທຶນ ແລະ ຕັ້ງໜ້າຈັດຕັ້ງປະຕິບັດບັນດາໂຄງການຊ່ວຍເຫຼືອຂອງ ສປ ຈີນ ໃນການພັດທະນາພື້ນຖານໂຄງລ່າງ ແລະ ການຫຼຸດຜ່ອນຄວາມທຸກຍາກຂອງປະຊາຊົນລາວ ໃຫ້ສໍາເລັດຕາມຄາດໝາຍ ແລະ ມີປະສິດທິຜົນ ເພື່ອນໍາເອົາຜົນປະໂຫຍດຕົວຈິງມາສູ່ປະຊາຊົນສອງຊາດ ລາວ-ຈີນ.

party x

ສະຖິຕິຜູ້ເຂົ້າຊົມ

406234
Today208
Yesterday286
This_Week208
This_Month8697
All_Days406234