ຊົມ​ເຊີຍ​ຜົນສຳເລັດ ກອງ​ປະ​ຊຸມ​ໃຫຍ່​ຜູ້​ແທນ​ທົ່ວ​ປະ​ເທດ ຄັ້ງ​ທີ XI ຂອງ​ພັກ​ປະ​ຊາ​ຊົນ​ປະ​ຕິ​ວັດ​ລາວ ຢ່າງ​ສຸດ​ໃຈ. " ຍົກສູງຄວາມສາມາດນໍາພາຂອງພັກ, ເພີ່ມທະວີຄວາມສາມັກຄີເປັນປຶກແຜ່ນຂອງປະຊາຊົນໃນຊາດ, ຮັບປະກັນສະຖຽນລະພາບທາງດ້ານການເມືອງຢ່າງໜັກແໜ້ນ, ຜັນຂະຫຍາຍແນວທາງປ່ຽນແປງໃໝ່ສູ່ລວງເລິກ, ສ້າງການຫັນ ປ່ຽນການພັດທະນາເສດຖະກິດ-ສັງຄົມ ໄປສູ່ຄຸນນະພາບໃໝ່ຢ່າງແຂງແຮງ, ຍົກສູງຄຸນນະພາບຊີວິດຂອງປະຊາຊົນໃຫ້ສູງຂຶ້ນ, ສືບຕໍ່ນໍາພາປະເທດຊາດພົ້ນຈາກສະຖານະພາບດ້ອຍພັດທະນາ ແລະ ກ້າວເດີນສູ່ສັງຄົມນິຍົມ ". ຂ່ຳ​ນັບ​ຮັບ​ຕ້ອນກອງ​ປະ​ຊຸມ​ໃຫຍ່​ສະ​ມາ​ຊິກ​ພັກ ຄັ້ງ​ທີ II ຂ​ອງ​ອົງ​ຄະ​ນະ​ພັກ​ຄະ​ນະ​ພົວ​ພັນ​ຕ່າງ​ປະ​ເທດ​ສູນ​ກາງ​ພັກ

ເຊື່ອມຕໍ່ເວັບໄຊພາຍໃນ ສປປ ລາວ

ໂທລະສານຈາກບັນດາພັກການເມືອງ

27Jan21.1

 ໃນວັນທີ 27 ມັງກອນ 2021 ຄະນະພົວພັນຕ່າງປະເທດສູນກາງພັກ ໄດ້ຈັດປາຖະກະຖາເຊື່ອມຊຶມເອກະສານ ວັນສ້າງຕັ້ງສະຫະພັນກໍາມະບານລາວ ຄົບຮອບ 65 ປີ (1/2/1956-1/2/2021) ໂດຍການໃຫ້ກຽດປາຖະກະຖາຂອງ ສະຫາຍ ອິນແປງ ໝື່ນວິເສດ, ຫົວໜ້າກົມພົວພັນສາກົນຂອງສູນກາງສະຫະພັນກໍາມະບານລາວ ໂດຍມີຄະນະພັກ, ພະ ນັກງານ, ສະມາຊິກກໍາມະບານ ເຂົ້າຮ່ວມຮັບຟັງຢ່າງພ້ອມພຽງ.


   ໃນການປາຖະກະຖາຄັ້ງນີ້ ສະຫາຍ ອິນແປງ ໝື່ນວິເສດ ໄດ້ຫວນຄືນເຖິງມູນເຊື້ອປະຫວັດແຫ່ງການກຳເນີດ ແລະ ເຕີບໃຫຍ່ຂະຫຍາຍຕົວຂອງ ສະຫະພັນກໍາມະບານລາວ ຕິດພັນກັບການເຕີບໃຫຍ່ຂະຫຍາຍຕົວຂອງຊົນຊັ້ນກໍາ ມະກອນລາວ, ຜົນງານການປະກອບສ່ວນຂອງສະມາຊິກກໍາມະບານ ໃນພາລະກິດຕໍ່ສູ້ປົດປ່ອຍຊາດ, ປົກປັກຮັກສາ ແລະ ພັດທະນາປະເທດຊາດ ໂດຍພາຍໃຕ້ການນໍາພາຂອງ ພັກປະຊາຊົນ ປະຕິວັດລາວ. ການຈັດຕັ້ງເຊື່ອມຊຶມເອກະ ສານສໍາຄັນດັ່ງກ່າວ ໄດ້ເປັນໂອກາດທີ່ດີໃຫ້ແກ່ພະນັກງານ, ສະມາຊິກກໍາມະບານຄະນະພົວພັນຕ່າງປະເທດສູນກາງພັກ ໄດ້ມີຄວາມເຂົ້າໃຈ ແລະ ກໍາໄດ້ວິລະກຳອັນລ້ຳເລີດ, ທາດແທ້, ມູນເຊື້ອປະຕິວັດຂອງສະມາຊິກກໍາມະບານ, ກໍາມະກອນ ແລະ ຊາວຜູ້ອອກແຮງງານລາວ, ທັງເປັນການປຸກລະດົມ ແລະ ສ້າງຈິດສໍານຶກໃຫ້ແກ່ພະນັກງານ, ສະມາຊິກກໍາມະບານ ຂອງ ຄະນະພົວພັນຕ່າງປະເທດສູນກາງພັກ ສືບຕໍ່ຕັ້ງໜ້າປະກອບສ່ວນເຂົ້າໃນການເຄື່ອນໄຫວວຽກງານກໍາມະບານ ແລະ ການປະຕິບັດໜ້າທີ່ວຽກງານວິຊາສະເພາະ, ມີລະບຽບວິໄນໃນການເຮັດວຽກງານຂອງຕົນ ແລະ ຕັ້ງໜ້າປະຕິບັດ ຂໍ້ແຂ່ງຂັນ 05 ເປັນເຈົ້າຂອງສະຫະພັນກໍາມະບານລາວ ຕິດພັນກັບຂໍ້ແຂ່ງຂັນຮັກຊາດ ແລະ ພັດທະນາ ກໍ່ຄືການຜັນຂະ ຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກ ປປ ລາວ ໃຫ້ປະກົດເປັນຈິງ.
   ໃນໂອກາດນີ້, ຄະນະກໍາມະບານຄະນະພົວພັນຕ່າງປະເທດສູນກາງພັກ ກໍ່ໄດ້ສະຫລຸບຕີລາຄາການຈັດຕັ້ງປະຕິ ບັດຂໍ້ແຂ່ງຂັນ 05 ເປັນເຈົ້າ ປະຈຳປີ 2020 ທີ່ສູນກາງສະຫະພັນກໍາມະບານລາວ ວາງອອກ ແລະ ໄດ້ຈັດພິທີມອບຮັບ ໃບຢັ້ງຢືນ 05 ເປັນເຈົ້າ ໃຫ້ແກ່ບັນດາໜ່ວຍກຳມະບານ ຂອງ ຄຕພ. ໃນຕອນທ້າຍກອງປະຊຸມ ສະຫາຍ ສົມດີ ບຸນຄຸ້ມ, ກຳມະການຄະນະພັກ, ຮອງຫົວໜ້າຄະນະພົວພັນຕ່າງປະເທດສູນກາງພັກ ໄດ້ໃຫ້ກຽດໂອ້ລົມໂດຍໄດ້ເນັ້ນໃຫ້ ສະຫະພັນກຳມະບານ ຄຕພ ເອົາໃຈໃສ່ໃນການປະຕິບັດກົດລະບຽບສະຫະພັນກຳມະບານລາວ ຕິດພັນກັບການປະຕິບັດ ໜ້າທີ່ວິຊາສະເພາະຂອງ ຄຕພ ໃນການເປັນເສນາທິການໃຫ້ແກ່ຂັ້ນເທິງ ໃນການພົວພັນດ້ານພັກ ແລະ ການທູດປະຊາ ຊົນໃນໄລຍະໃໝ່.

party x

ສະຖິຕິຜູ້ເຂົ້າຊົມ

451394
Today247
Yesterday350
This_Week173
This_Month4536
All_Days451394