ຊົມ​ເຊີຍ​ຜົນສຳເລັດ ກອງ​ປະ​ຊຸມ​ໃຫຍ່​ຜູ້​ແທນ​ທົ່ວ​ປະ​ເທດ ຄັ້ງ​ທີ XI ຂອງ​ພັກ​ປະ​ຊາ​ຊົນ​ປະ​ຕິ​ວັດ​ລາວ ຢ່າງ​ສຸດ​ໃຈ. " ຍົກສູງຄວາມສາມາດນໍາພາຂອງພັກ, ເພີ່ມທະວີຄວາມສາມັກຄີເປັນປຶກແຜ່ນຂອງປະຊາຊົນໃນຊາດ, ຮັບປະກັນສະຖຽນລະພາບທາງດ້ານການເມືອງຢ່າງໜັກແໜ້ນ, ຜັນຂະຫຍາຍແນວທາງປ່ຽນແປງໃໝ່ສູ່ລວງເລິກ, ສ້າງການຫັນ ປ່ຽນການພັດທະນາເສດຖະກິດ-ສັງຄົມ ໄປສູ່ຄຸນນະພາບໃໝ່ຢ່າງແຂງແຮງ, ຍົກສູງຄຸນນະພາບຊີວິດຂອງປະຊາຊົນໃຫ້ສູງຂຶ້ນ, ສືບຕໍ່ນໍາພາປະເທດຊາດພົ້ນຈາກສະຖານະພາບດ້ອຍພັດທະນາ ແລະ ກ້າວເດີນສູ່ສັງຄົມນິຍົມ ". ຂ່ຳ​ນັບ​ຮັບ​ຕ້ອນກອງ​ປະ​ຊຸມ​ໃຫຍ່​ສະ​ມາ​ຊິກ​ພັກ ຄັ້ງ​ທີ II ຂ​ອງ​ອົງ​ຄະ​ນະ​ພັກ​ຄະ​ນະ​ພົວ​ພັນ​ຕ່າງ​ປະ​ເທດ​ສູນ​ກາງ​ພັກ

ເຊື່ອມຕໍ່ເວັບໄຊພາຍໃນ ສປປ ລາວ

ໂທລະສານຈາກບັນດາພັກການເມືອງ

ໃນໂອກາດໄຂກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກປະຊາຊົນປະຕິວັດລາວ, ທີ່ນະຄອນຫຼວງວຽງຈັນ ໃນລະຫວ່າງ ວັນທີ 13-15 ມັງກອນ 2021, ຄະນະບໍລິຫານງານສູນກາງພັກ ຂອງບັນດາພັກເພື່ອນມິດໃນພາກພື້ນຕ່າງໆຂອງໂລກ ຈຳນວນ 50 ພັກ, 7 ອົງການຈັດຕັ້ງຂອງພັກ ແລະ ລັດ ຫວຽດນາມ ແລະ 1 ສຳພັນຄົນລາວຢູ່ຕ່າງປະເທດ ໄດ້ສົ່ງສານຊົມເຊີຍມາຍັງ ຄະນະບໍລິຫານງານສູນກາງພັກປະຊາຊົນ ປະຕິວັດລາວ ເພື່ອສະແດງຄວາມຂຳ່ນັບຊົມເຊີຍຕໍ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີXI ຂອງພັກປະຊາຊົນ ປະຕິວັດລາວ, ກໍຄືຜົນງານໃນຕະຫຼອດໄລຍະ 65 ປີ ແຫ່ງການເຕີບໃຫຍ່ຂະຫຍາຍຕົວຂອງພັກປະຊາຊົນປະຕິວັດລາວ ແລະ ຜົນງານ 45 ປີ ແຫ່ງການສ້າງສາພັດທະນາປະເທດຊາດຂອງ ສປປ ລາວ, ພ້ອມທັງອວຍພອນໄຊອັນປະເສີດ ໃຫ້ແກ່ການນຳພັກ-ລັດ, ສະມາຊິກພັກ ແລະ ປະຊາຊົນລາວ ຈົ່ງສືບຕໍ່ໄດ້ຮັບຜົນສຳເລັດອັນໃໝ່ ໃຫຍ່ຫຼວງກວ່າເກົ່າ ແລະ ສະແດງຄວາມເຊື່ອໝັ້ນໃນການເສີມຂະຫຍາຍສາຍພົວພັນມິດຕະພາບກັບ ພັກປະຊາຊົນ ປະຕິວັດລາວ.

ອ່ານເພີ່ມເຕີມ... 

  
   ຄະນະບໍລິຫານງານສູນກາງປະຊາຊົນກໍາປູເຈຍ    

                                       ນະຄອນຫຼວງພະນົມເປັນ, ວັນທີ 15 ມັງກອນ 2021

   ພະນະທ່ານ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກ ປະຊາຊົນ ປະຕິວັດລາວ                
                                              ທີ່ ນະຄອນຫຼວງວຽງຈັນ
   ພະນະທ່ານ ທີ່ນັບຖື,
   ຂ້າພະເຈົ້າມີຄວາມປິຕິຍິນດີເປັນຢ່າງຍິ່ງ ເມື່ອຊາບວ່າ ພະນະທ່ານ ໄດ້ຖືກເລືອກຕັ້ງເປັນ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນ ປະຕິວັດລາວ ຢູ່ໃນກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນ ປະຕິວັດລາວ.
   ໃນໂອກາດທີ່ສໍາຄັນນີ້, ໃນນາມຄະນະບໍລິຫານງານສູນກາງພັກປະຊາຊົນ ກໍາປູເຈຍ ກໍຄື ໃນນາມສ່ວນຕົວ ຂ້າພະເຈົ້າຂໍສົ່ງຄໍາຊົມເຊີຍອັນອົບອຸ່ນ ມາຍັງພະນະທ່ານ.
   ການທີ່ພະນະທ່ານ ໄດ້ຖືກເລືອກຕັ້ງໃຫ້ດໍາລົງຕຳແໜ່ງທີ່ສູງສຸດນີ້ ເປັນການພິສູດໃຫ້ເຫັນຢ່າງຈະແຈ້ງເຖິງຄວາມເຊື່ອໝັ້ນອັນໜັກແໜ້ນຂອງ ພັກປະຊາຊົນ ປະຕິວັດລາວ ແລະ ປະຊາຊົນລາວ ບັນດາເຜົ່າ ຕໍ່ຄວາມສາມາດ ແລະ ການຊີ້ນໍາ-ນໍາພາ ອັນສະຫລາດສ່ອງໃສຂອງພະນະທ່ານ ໃນການ ພັດທະນາປະເທດຊາດ ເຮັດໃຫ້ປະຊາຊົນສາມາດດໍາລົງຊີວິດຢ່າງມີສັນຕິສຸກ, ໝັ້ນຄົງ ແລະ ຄວາມຈະເລີນຮຸ່ງເຮືອງ.    
   ຂ້າພະເຈົ້າ ເຊື່ອໝັ້ນຢ່າງໜັກແໜ້ນວ່າ ພາຍໃຕ້ການນໍາພາອັນຖືກຕ້ອງ, ມອງກວ້າງເຫັນໄກ ໃນການນໍາພາຂອງພະນະທ່ານ, ພັກປະຊາຊົນ ປະຕິ ວັດລາວ ຈະສືບຕໍ່ໄດ້ຮັບຄວາມໄວ້ວາງໃຈ ແລະ ການສະໜັບສະໜູນຍິ່ງໆຂື້ນຈາກ ປະຊາຊົນລາວ ບັນດາເຜົ່າ ແລະ ບັນລຸຜົນສໍາເລັດອັນພົ້ນເດັ່ນ ໃນການຈັດຕັ້ງປະຕິບັດແນວທາງນະໂຍບາຍ ແລະ ມະຕິທີ່ໄດ້ຮັບຮອງເອົາຢູ່ໃນກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນ ປະຕິ ວັດລາວ.
   ຂ້າພະເຈົ້າເຊື່ອໝັ້ນວ່າ ສາຍພົວພັນມິດຕະພາບອັນເປັນມູນເຊື້ອ, ຄວາມສາມັກຄີ ແລະ ການພົວພັນຮ່ວມມືໃນທຸກຂົງເຂດວຽກງານ ລະຫວ່າງ ພັກປະຊາຊົນກໍາປູເຈຍ ແລະ ພັກປະຊາຊົນປະຕິວັດລາວ ກໍຄືປະຊາຊົນຂອງສອງປະເທດ ຈະສືບຕໍ່ໄດ້ຮັບການເສີມຂະຫຍາຍຂື້ນຢ່າງແຂງແຮງໃນຊຸມ ປີຕໍ່ໜ້າ. ຂ້າພະເຈົ້າ ຂໍອວຍພອນໃຫ້ພະນະທ່ານຈົ່ງປະສົບຜົນສໍາເລັດອັນໃຫຍ່ຫຼວງໃນໜ້າທີ່ອັນມີກຽດຂອງພະນະທ່ານ ກໍຄື ເພື່ອຄວາມສົມບູນພູນ ສຸກທີ່ໝັ້ນຄົງ ຂອງປະຊາຊົນລາວ.
   ດ້ວຍຄວາມນັບຖືຢ່າງສູງ,

                                           (ລາຍເຊັນ)
                            ສົມເດັດ ອັກຄະມະຫາເສນາ ບໍດີ ເຕໂຈ ຮຸນ ແຊນ  
                                   ປະທານພັກປະຊາຊົນກໍາປູເຈຍ

   ສະຫາຍ ທອງລຸນ ສີສຸລິດ, ເລຂາທິການໃຫຍ່ ຄະນະບໍລິຫານງານສູນກາງພັກ ປະຊາຊົນ  ປະຕິວັດລາວ
   ເນື່ອງໃນໂອກາດທີ່ ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI  ຂອງ ພັກປະຊາຊົນ ປະຕິວັດລາວ ໄດ້ດຳເນີນດ້ວຍຜົນສຳເລັດອັນຈົບງາມ ແລະ ສະຫາຍ ທອງລຸນ ສີສຸລິດ ໄດ້ຮັບເລືອກຕັ້ງໃຫ້ດຳລົງຕຳແໜ່ງເປັນ ເລຂາທິການໃຫຍ່ ຄະນະບໍລິຫານງານສູນກາງພັກ ປະຊາຊົນ ປະຕິວັດລາວ, ຂ້າພະ ເຈົ້າ ຂໍສົ່ງຄຳຊົມເຊີຍອັນອົບອຸ່ນຖານສະຫາຍ ມາຍັງ ສະຫາຍ.
   ການທີ່ສະຫາຍໄດ້ຮັບໜ້າທີ່ອັນສຳຄັນຂອງຜູ້ນຳ ພັກປະຊາຊົນ ປະຕິວັດລາວ ເປັນການສະແດງໃຫ້ເຫັນເຖິງຄວາມໄວ້ເນື້ອເຊື່ອໃຈ ແລະ ຄວາມມຸ້ງ ຫວັງອັນສູງຂອງ ສະມາຊິກພັກ ແລະ ປະຊາຊົນລາວ ທຸກຖ້ວນໜ້າ ທີ່ມີຕໍ່ ສະຫາຍເລຂາທິ ການໃຫຍ່ ຄະນະບໍລິຫານງານສູນກາງພັກ ປະຊາຊົນ ປະຕິ ວັດລາວ ທີ່ໄດ້ອຸທິດຕົນເປັນເວລາອັນຍາວນານ ເພື່ອ ພັກ, ລັດ ແລະ ປະຊາຊົນລາວ.
   ສາຍພົວພັນມິດຕະພາບ ແລະ ການຮ່ວມມື ອັນເປັນມູນເຊື້ອ ລະຫວ່າງ ສອງ ປະເທດ ສປປ ເກົາຫລີ ແລະ ສປປ ລາວ ທີ່ໄດ້ຮັບການສ້າງຕັ້ງຂື້ນ ໂດຍການນຳໃນເມື່ອກ່ອນຂອງສອງປະເທດ ຈະໄດ້ຮັບການເສີມຂະຫຍາຍ ແລະ ພັດທະນາຢ່າງບໍ່ຢຸດຢັ້ງ ແລະ ແໜ້ນແຟ້ນຍິ່ງໆຂື້ນ ໃນການຕໍ່ສູ້ຮ່ວມ ກັນ ເພື່ອສັງຄົມນິຍົມ ເຊິ່ງເປັນຄວາມຕັ້ງໃຈອັນໜັກແໜ້ນຂອງພັກເຮົາ.
   ຂ້າພະເຈົ້າ ເຊື່ອໜັ້ນວ່າ ພາຍໃຕ້ການຊີ້ນຳ-ນຳພາ ຂອງ ສະຫາຍເລຂາທິການໃຫຍ່, ພັກ ແລະ ປະຊາຊົນລາວ ອ້າຍນ້ອງ ຈະສາມາດບັນລຸຜົນສຳ ເລັດອັນໃໝ່ ໃນການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງພັກ.
   ຂໍອວຍພອນຢ່າງສຸດອົກສຸດໃຈ ໃຫ້ ສະຫາຍເລຂາທິການໃຫຍ່ ຈົ່ງມີສຸຂະພາບເຂັ້ມແຂງ ແລະ ປະສົບຜົນສຳເລັດອັນໃຫຍ່ຫລວງໃນໜ້າທີ່ວຽກງານ ອັນສູງສົ່ງ ເພື່ອຍົກສູງບົດບາດການນຳພາຂອງພັກ ແລະ ສ້າງປະເທດສັງຄົມນິຍົມໃຫ້ມີຄວາມເຂັ້ມແຂງ ແລະ ຈະເລີນຮຸ່ງເຮືອງ ຍິ່ງໆຂຶ້ນ.


                                                             ກິມເຈິງອຸນ
                                                ເລຂາທິການໃຫຍ່ ພັກແຮງງານເກົາຫລີ
                                               ວັນທີ 16 ມັງກອນ, ປີ ຈຸເຊ110(2021)    

   ສະຫາຍທີ່ຮັກແພງ,
   ຂ້າພະເຈົ້າ ມີຄວາມປິຕິຊົມຊື່ນເປັນຢ່າງຍິ່ງທີ່ໄດ້ຮັບຊາບວ່າ ສະຫາຍ ໄດ້ຮັບເລືອກຕັ້ງເປັນ ເລຂາທິການໃຫຍ່ ຄະນະບໍລິຫານງານສູນກາງພັກປະຊາ ຊົນປະຕິວັດລາວ, ຕາງໜ້າໃຫ້ຄະນະກໍາມະການສູນກາງພັກກອມມູນິດຈີນ ແລະ ໃນນາມສ່ວນຕົວ, ຂ້າພະເຈົ້າ ຂໍສະແດງຄວາມຍິນດີຊົມເຊີຍຢ່າງສຸດ ໃຈ ແລະ ສົ່ງຄວາມອວຍພອນໄຊອັນປະເສີດ ມາຍັງ ສະຫາຍ ແລະ ຜ່ານສະຫາຍ ໄປຍັງ ຄະນະບໍລິຫານງານສູນກາງພັກປະຊາຊົນປະຕິວັດລາວ ຊຸດໃໝ່ ມານະທີ່ນີ້ດ້ວຍ.
   ນັບແຕ່ກອງປະຊຸມໃຫຍ່ ຄັ້ງທີ X ຂອງ ພັກປະຊາຊົນປະຕິວັດລາວ ເປັນຕົ້ນມາ, ພາຍໃຕ້ການນໍາພາອັນໜັກແໜ້ນ ຂອງ ສູນກາງພັກປະຊາ ຊົນປະຕິວັດລາວທີ່ມີ ສະຫາຍເລຂາທິການໃຫຍ່ ບຸນຍັງ ວໍລະຈິດ ເປັນແກນນໍາ, ພາລະ ກິດແຫ່ງການກໍ່ສ້າງສັງຄົມນິຍົມຂອງລາວ ໄດ້ມີຄວາມຄືບໜ້າ ທີ່ສໍາຄັນ, ມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບ, ເສດຖະກິດຂະຫຍາຍຕົວຢ່າງຕໍ່ເນື່ອງ, ຊີວິດການເປັນຢູ່ຂອງປະຊາຊົນ ໄດ້ຮັບການປັບປຸງປົວແປງດີຂຶ້ນເລື້ອຍໆ. ພາຍໃຕ້ສະພາບການໃໝ່ນີ້ ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ໄດ້ໄຂຂຶ້ນຢ່າງສະຫງ່າງາມ ແລະ ມີໄຊ, ເຊິ່ງໄດ້ມີຄວາມໝາຍອັນຍິ່ງໃຫຍ່ ແລະ ສໍາຄັນຫຼາຍຕໍ່ການກໍານົດຍຸດທະສາດທີ່ເປັນລະບົບ ໃຫ້ແກ່ພາລະ ກິດຂອງພັກ ແລະ ປະເທດຊາດ. ຂ້າພະເຈົ້າ ເຊື່ອໝັ້ນວ່າ ພາຍໃຕ້ການນໍາພາອັນໜັກແໜ້ນ ຂອງ ສູນກາງພັກປະຊາຊົນປະຕິວັດລາວ ທີ່ມີ ສະຫາຍເລຂາທິການໃຫຍ່ ທອງລຸນ ສີສຸລິດ ເປັນແກນນໍານັ້ນ, ພັກປະຊາຊົນປະຕິວັດລາວ ແນ່ນອນຈະສາມາດນໍາພາປະຊາຊົນລາວທົ່ວປະເທດ ສືບຕໍ່ມີຄວາມສາມັກຄີເປັນປຶກແຜ່ນ, ບາກບັ່ນສູ້ ຊົນ ແລະ ຊຸກຍູ້ເຮັດໃຫ້ພາລະກິດແຫ່ງການກໍ່ສ້າງສັງຄົມນິຍົມນັບມື້ນັບມີໝາກຜົນອັນໃໝ່ ແລະ ຍິ່ງໃຫຍ່ຂຶ້ນໄປເລື້ອຍໆ.
   ສອງປະເທດ ຈີນ-ລາວ ເປັນປະເທດສັງຄົມນິຍົມ ຖານບ້ານໃກ້ເຮືອນຄຽງທີ່ມີໄມຕີຈິດອັນດີງາມ ໂດຍຢູ່ພາຍໃຕ້ການເອົາໃຈໃສ່, ຖະໜຸຖະໜອມ ແລະ ຊຸກຍູ້ຮ່ວມກັນຈາກການນໍາແຕ່ລະສະໄໝຂອງສອງພັກ, ສອງປະເທດ ຈີນ-ລາວ, ໄດ້ເຮັດໃຫ້ສາຍພົວພັນສອງປະເທດຮັບການເພີ່ມພູນຄູນສ້າງ ແລະ ເຂົ້າສູ່ລວງເລິກຢ່າງບໍ່ຢຸດຢັ້ງ, ພ້ອມທັງໄດ້ນໍາເອົາຜົນປະໂຫຍດຕົວຈິງມາສູ່ສອງປະເທດ ກໍຄື ປະຊາຊົນສອງຊາດ ຈີນ-ລາວ. ພາຍໃຕ້ສະຖາ ນະການຂອງໂລກພວມຢູ່ໄລຍະການປ່ຽນແປງ ແລະ ປັ່ນປ່ວນນີ້, ຂ້າພະເຈົ້າ ຍິນດີຮ່ວມກັບ ສະຫາຍເລຂາທິການໃຫຍ່ ທອງລຸນ ສີສຸລິດ ເພີ່ມທະວີ ການນໍາພາທາງດ້ານການເມືອງຕໍ່ສາຍພົວພັນ ລະຫວ່າງ ສອງພັກ, ສອງລັດ ລາວ-ຈີນ, ເສີມຂະຫຍາຍມິດຕະພາບອັນເປັນມູນເຊື້ອ, ລົງເລິກການພົວ ພັນຮ່ວມມື ແລະ ຊຸກຍູ້ພາລະກິດແຫ່ງການກໍ່ສ້າງສັງຄົມນິຍົມ, ຈັບມືກັນຊຸກຍູ້ການສ້າງຄູ່ຮ່ວມຊາຕາກໍາ ຈີນ-ລາວ ເພື່ອປະກອບສ່ວນຢ່າງຕັ້ງໜ້າ ເຂົ້າໃນພາລະກິດການຮັກສາສັນຕິພາບ, ສະຖຽນລະພາບ, ຄວາມຈະເລີນຮຸ່ງເຮືອງ ແລະ ການພັດທະນາຂອງພາກພື້ນ.
   ຂໍອວຍພອນໃຫ້ ສະຫາຍເລຂາທິການໃຫຍ່ ຈົ່ງປະສົບຜົນສໍາເລັດອັນໃໝ່ ແລະ ໃຫຍ່ຫຼວງກວ່າເກົ່າ ໃນການປະຕິບັດໜ້າທີ່ວຽກງານອັນມີກຽດ ສະຫງ່າ ແລະ ສູງສົ່ງຂອງສະຫາຍ.
   ດ້ວຍຄວາມນັບຖືຢ່າງສູງ,

                           ນະຄອນຫຼວງປັກກິ່ງ, ວັນທີ 15 ມັງກອນ 2021

 

                                               ສີ ຈິ້ນຜິງ        
                        ເລຂາທິການໃຫຍ່ ຄະນະກໍາມະການສູນກາງພັກກອມມູນິດຈີນ

   ໃນວັນທີ 15 ມັງກອນ 2021, ສະຫາຍ ຫງວຽນຟູຈ້ອງ, ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ, ປະທານປະເທດ ແຫ່ງ ສສ ຫວຽດນາມ ໄດ້ສົ່ງໂທລະເລກອວຍພອນ ເຖິງສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນ ປະຕິ ວັດລາວ ສະໄໝທີ XI ເຊິ່ງມີເນື້ອໃນ ດັ່ງນີ້:

   ສະຫາຍ ທອງລຸນ ສີສຸລິດ ທີ່ຮັກແພງ,

   ຕາງໜ້າຄະນະບໍລິຫານງານສູນກາງພັກກອມມູນິດຫວຽດນາມ ແລະ ໃນນາມສ່ວນຕົວ, ຂ້າພະເຈົ້າ ມີຄວາມປິຕິຍິນດີເປັນຢ່າງຍິ່ງ ແລະ ຂໍສົ່ງມິດ ຈິດມິດໃຈອັນສະໜິດສະໜົມ, ຄໍາອວຍພອນໄຊຢ່າງສຸດອົກສຸດໃຈ ເຖິງ ສະຫາຍ ທອງລຸນ ສີສຸລິດ ເນື່ອງໃນໂອກາດທີ່ສະຫາຍໄດ້ໄດ້ຮັບເລືອກຕັ້ງເປັນ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນ ປະຕິວັດລາວ ສະໄໝທີ XI.
   ການທີ່ສະຫາຍໄດ້ຮັບເລືອກຕັ້ງເປັນ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນ ປະຕິວັດລາວ ເປັນການສະແດງເຖິງຄວາມໄວ້ເນື້ອ ເຊື່ອໃຈຂອງທົ່ວພັກ, ທົ່ວປວງຊົນ ກໍ່ຄືບັນດາຜົນງານການປະກອບສ່ວນອັນໃຫຍ່ຫຼວງຂອງສະຫາຍ ຕໍ່ພາລະກິດການປະຕິວັດລາວ. ຂ້າພະເຈົ້າເຊື່ອ ໝັ້ນຢ່າງໝັກແໜ້ນວ່າ ພາຍໃຕ້ການນໍາພາຂອງ ພັກປະຊາຊົນ ປະຕິວັດລາວ ໂດຍມີສະຫາຍເປັນເລຂາທິການໃຫຍ່, ປະຊາຊົນລາວອ້າຍນ້ອງ ຈະສືບ ຕໍ່ຍາດໄດ້ຜົນສໍາເລັດໃໝ່, ໃຫຍ່ຫຼວງກວ່າເກົ່າໃນພາລະກິດປ່ຽນແປງໃໝ່, ຈັດຕັ້ງປະຕິບັດ ມະຕິກອງປະຊຸມໃຫຍ່ ຄັ້ງທີ XI ຂອງພັກ ຢ່າງມີໄຊ; ສ້າງ ປະເທດລາວ ສັນຕິພາບ, ເອກະລາດ, ປະຊາທິປະໄຕ, ເອກະພາບ ແລະ ວັດທະນາຖາວອນ ຕາມເປົ້າໝາຍສັງຄົມນິຍົມ.
   ພັກ, ລັດຖະບານ ແລະ ປະຊາຊົນຫວຽດນາມ ຈະເຮັດສຸດຄວາມສາມາດຂອງຕົນ ຮ່ວມກັບພັກ, ລັດຖະບານ ແລະ ປະຊາຊົນລາວ ປົກປັກຮັກສາ ແລະ ເພີ່ມພູນຄູນສ້າງ ສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ຫວຽດນາມ-ລາວ ໃຫ້ນັບມື້ນັບຂະ ຫຍາຍຕົວຢ່າງບໍ່ຢັ້ງ ກ້າວເຂົ້າສູ່ລວງເລິກ, ແທດຕົວຈິງ ແລະ ມີປະສິດທິຜົນໃນທຸກຂົງເຂດ, ນໍາເອົາຜົນປະໂຫຍດມາສູ່ປະຊາຊົນສອງປະເທດ, ເພື່ອ ສັນຕິພາບ, ສະຖຽນລະພາບ, ການຮ່ວມມື ແລະ ການພັດທະນາຢູ່ໃນພາກພື້ນ ແລະ ໃນໂລກ.
   ອວຍພອນໃຫ້ ສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບ ດ້ານ ຫວຽດນາມ-ລາວ ຈົ່ງຂຽວສົດງົດງາມ ແລະ ໝັ້ນຄົງຂະໜົງແກ່ນຕະຫຼອດໄປ.
   ອວຍພອນ ສະຫາຍເລຂາທິການໃຫຍ່ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ມີຜົນສໍາເລັດໃນໜ້າທີ່ວຽກງານອັນມີກຽດຂອງຕົນ.

ພັກປະຊາຊົນກໍາປູເຈຍ                              ເອກະລາດ ສັນຕິພາບ ເສລີພາບ ປະຊາທິປະໄຕ
ຄະນະບໍລິຫານງານສູນກາງພັກ                           ເປັນກາງ ແລະ ພັດທະນາສັງຄົມ
                                                        ນະຄອນຫຼວງພະນົມເປັນ, ວັນທີ 8 ມັງກອນ 2021

         
                                    
   ເນື່ອງໃນໂອກາດອັນຄຶກຄື້ນມ່ວນຊື່ນ ແຫ່ງ ການຈັດກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນ ປະຕິວັດລາວ, ຄະນະບໍລິຫານ ງານສູນກາງພັກປະຊາຊົນກໍາປູເຈຍ ມີຄວາມປິຕິຍິນດີທີ່ສຸດ ຂໍສະແດງຄວາມຊົມເຊີຍອັນອົບອຸ່ນທີ່ສຸດ ມາຍັງຄະນະບໍລິຫານງານສູນກາງພັກປະຊາຊົນ ປະຕິວັດລາວ.
   ຄະນະບໍລິຫານງານສູນກາງພັກປະຊາຊົນ ກໍາປູເຈຍ ຂໍຕີລາຄາສູງ ແລະ ຍ້ອງຍໍສັນລະເສີນຢ່າງຈິງໃຈ ຕໍ່ຜົນງານອັນຍິ່ງໃຫຍ່ຮອບດ້ານ ທີ່ພັກ, ລັດ ຖະບານ ແລະ ປະຊາຊົນລາວ ບັນດາເຜົ່າ ຍາດມາໄດ້ ໃນໄລຍະຜ່ານມາ ພາຍໃຕ້ການນໍາພາອັນຖືືກຕ້ອງ ແລະ ສະຫຼາດສ່ອງໃສຂອງ ພັກປະຊາຊົນ ປະຕິ ວັດລາວ ຊື່ງມີພະນະທ່ານ ບຸນຍັງ ວໍລະຈິດ ເປັນຜູ້ນໍາທີ່ຍິ່ງໃຫຍ່.
  ພວກຂ້າພະເຈົ້າ ຂໍສະແດງຄວາມເພິ່ງພໍໃຈ ແລະ ຕີລາຄາສູງ ຕໍ່ສາຍພົວພັນມິດຕະພາບ, ຄວາມສາມັກຄີທີ່ມີມູນເຊື້ອ ແລະ ການຮ່ວມມື ລະຫວ່າງ ພັກ, ລັດຖະບານ ແລະ ປະຊາຊົນ ທັງສອງປະເທດຂອງພວກເຮົາ ທີ່ໄດ້ຮັບການຮັດແໜ້ນ ແລະ ເສີມຂະຫຍາຍຈົນເຖິງລະດັບສູງສຸດ ຄືການພົວພັນ ເປັນຄູ່ຮ່ວມຍຸດທະສາດຮອບດ້ານ ແລະ ໝັ້ນຄົງ ຍາວນານ.
   ພວກຂ້າພະເຈົ້າ ຂໍຖືໂອກາດອັນມີກຽດສະຫງ່າງາມນີ້ ອວຍພອນໄຊອັນປະເສີດແກ່ ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາ ຊົນ ປະຕິວັດລາວ ຈົ່ງດໍາເນີີນໄປດ້ວຍບັນຍາກາດທີ່ດີ ແລະ ໄດ້ຮັບຜົນສໍາເລັດຢ່າງງົດງາມເປັນທີ່ພໍໃຈ.
   ຂໍອວຍພອນໃຫ້ ສາຍພົວພັນມິດຕະພາບ, ຄວາມສາມັກຄີອັນເປັນມູນເຊື້ອ ແລະ ການພົວພັນຮ່ວມມື ລະຫວ່າງ ພັກ, ລັດຖະບານ ແລະ ປະຊາຊົນ ທັງສອງປະເທດເຮົາ ຈົ່ງນັບມື້ນັບແໜ້ນແຟ້ນ ແລະ ເສີມຂະ ຫຍາຍຍິ່ງໆຂື້ນໄປຢ່າງບໍ່ຢຸດຢັ້ງ.

                                                                    ຄະນະບໍລິຫານງານສູນກາງພັກ
                                                                        ປະຊາຊົນ ກໍາປູເຈຍ

                                                                           (ປະທັບຕາ)

party x

ສະຖິຕິຜູ້ເຂົ້າຊົມ

451367
Today220
Yesterday350
This_Week146
This_Month4509
All_Days451367